Almaniyada səs-küylü bank soyğunu
Almaniyada yeni bir səs-küylü bank soyğunu baş verib.
Avrasiya.net xarici KİV-ə istinadən xəbər verir ki, üç naməlum şəxs günorta vaxtı Aşağı Saksoniyanın Ştur şəhərindəki Volksbank filialının seyfinə girib və qənimətləri götürərək səssizcə gözdən itib. Dəyən ziyanla bağlı hələ dəqiq məlumat verilməyib.
"Şturdakı Volksbankın seyfində baş vermiş möhtəşəm bir soyğundan sonra polis mavi iş geyimində olan üç naməlum şəxsi axtarır. Cinayətkarlar qaçıb. Oğurlanan məbləğ məlum deyil və bir çox müştəri əmanətləri ilə bağlı narahatdır", - məlumatda deyilir.
Bildirilir ki, cümə günü nahar fasiləsi zamanı naməlum şəxslər seyfin yerləşdiyi bankın zirzəmisinə işıq şaxtasından daxil olaraq 14 seyf qutusunu açıblar.
Bankın soyğuna məruz qalması yalnız bir neçə işçinin özünü pis hiss etməsindən sonra aşkarlanıb. Məlum olub ki, oğrular zirzəmiyə naməlum maddə səpiblər.
