Koronavirusdan ölənlərin sayı 461 mini keçdi - ÜST
Dərc olunub:
22-06-2020, 09:06
Dünyada koronavirusa yoluxanların sayı son sutka ərzində 183 mindən çox artıb.
Publika.az "TASS"a istinadla xəbər verir ki, bu barədə Ümumdünya Səhiyyə Təşkilatının gündəlik hesabatında deyilir.
İyunun 21-si saat 11:00 üçün olan məlumata əsasən, ötən sutka ərzində 183 020 nəfər koronavirusa yoluxub, 4 743 nəfər isə dünyasını dəyişib.
Yoluxanların ümumi sayı 8 708 008 ölənlərin isə 461 715 nəfərə çatıb.
Bildirək ki, Ümumdünya Səhiyyə Təşkilatının hesabatı yalnız rəsmi göstəricilər əsasında hazırlanır.