Sumqayıtda 41 yaşlı kişi qısqanclıq zəminində qonşularını yandırıb.

Avrasiya.net APA-ya istinadən xəbər verir ki, hadisə şəhərin Xəzri yaşayış massivində səhər saatlarında qeydə alınıb.

Belə ki, 1981-ci il təvəllüdlü Anar Məmmədov qonşusunun evinin pəncərəsindən benzin ataraq yaşayış sahəsinə od vurub. Bu zaman özü də yanıb. Hadisə vaxtı evdə olan 58 yaşlı Oruc Qocayev, onun gəlini 28 yaşlı Günay Qocayeva və nəvəsi Həsən Qocayev müxtəlif yanıq xəsarətləri alıblar.

Onlar Sumqayıt Təcili Tibbi Yardım Xəstəxanasına yerləşdiriliblər.

Anar Məmmədovun bədənin bütün hissəsi yandığından vəziyyəti ağırlaşıb. O, təcili tibbi yardım avtomobili ilə Bakı Yanıq Mərkəzinə göndərilib.

2016-cı ildə həyat yoldaşından boşanan Anar Məmmədovun hadisəni qısqanclıq zəminində törətdiyi bildirilir. Keçmiş həyat yoldaşı Aynurə Məmmədova açıqlamasında bildirib ki, Anar Məmmədov onu qonşusuna qısqanırmış. A.Məmmədova boşanmalarına baxmayaraq, eyni evdə qaldıqlarını, lakin hadisə baş verən zaman anasıgildə olduğunu deyib.

Faktla bağlı araşdırma aparılır.

Tanınmış jurnalist Əvəz Zeynallı Baş Prokurorluğun əməkdaşları tərəfindən saxlanılıb.

Avrasiya.net xəbər verir ki, bu barədə məlumatı İlkin Rüstəmzadə sosial şəbəkə hesabında paylaşıb.

Hazırda Əvəz Zeynallının ofisində axtarışlar getdiyi bildirilir.

Qeyd edək ki, bir neçə gün əvvəl yerli mediada Əvəz Zeynallının həbsdə olan iş adamının ailəsindən 20 min manat pul tələb etməsi barədə məlumat yayılmışdı.

Azərbaycanın müdafiə naziri Zakir Həsənov orduya istənilən təxribatın qarşısının dərhal və qətiyyətlə alınmasına daim hazır olmağı əmr edib.

Avrasiya.net xəbər verir ki, bu barədə Zakir Həsənov sentyabrın 10-da Mərkəzi Komanda Məntəqəsində keçirilən xidməti müşavirədə deyib.

Müşavirədə Azərbaycan-Ermənistan dövlət sərhədində və Rusiya sülhməramlı kontingentinin müvəqqəti yerləşdiyi ərazidə əməliyyat şəraiti və mövcud vəziyyət geniş təhlil edilib.

Ermənistan silahlı qüvvələrinin son dövrdə Kəlbəcər və Laçın rayonları istiqamətlərində Ordumuzun mövqelərini intensiv atəşə tutması nəticəsində yarana biləcək gərginliyi xüsusi vurğulayan müdafiə naziri istənilən təxribatın qarşısının dərhal və qətiyyətlə alınmasına daim hazır olmağı əmr edib.

Şuşa şəhərində yeni yaşayış kompleksi tikilir.

Avrasiya.net xəbər verir ki, kompleks 8 hektar sahəni əhatə edir. Binaların tikintisi Şuşanın memarlığına uyğun aparılır. Artıq 8 binanın tikintisinə start verilib.

Şuşada inşa olunan binaların 3D görüntülərini təqdim edirik:

Kanadada Böyük Britaniya Kraliçası II Elizabetin ölümü ilə əlaqədar 10 günlük matəm elan olunub.

Bu barədə Modern xarici KİV-ə istinadən xəbər verir.

Hesablama monarxın ölüm günündən aparılır.

Bütün bu müddət ərzində bövlət bayraqları endiriləcək. Bayraqlar yalnız bir gün – III Karlın rəsmi olaraq Böyük Britaniya Kralı elan olunan gün qaldırılacaq. Sonra bayraqlar yenidən endiriləcək və II Elizabetin dəfn günü qaldırılacaq.

Qeyd edək ki, Böyük Britaniyada da 10 günlük milli matəm elan olunub. Matəm II Elizabetin dəfn mərasimi ilə başa çatacaq.

II Elizabet sentyabrın 8-də 96 yaşında Şotlandiyanın Balmoral qəsrində vəfat edib. O, Kanada da daxil olmaqla, 15 ölkədə formal dövlət başçısı idi.

Rusiyanın Ukraynaya hücumu nəticəsində 5 767 nəfər həlak olub.

“İnterfaks Ukraina”ya xəbər verir ki, bu barədə Birləşmiş Millətlər Təşkilatının (BMT) Ukraynadakı İnsan Haqları Monitorinq Missiyasının rəhbəri Matilda Boqner deyib. O qeyd edib ki, bu günə qədər 14 059 mülki insanın zərər çəkdiyi yoxlanılıb və təsdiqlənib:

"Döyüşlər nəticəsində 5 767 dinc sakin həlak olub, 8 292 nəfər yaralanıb. Biz dəfələrlə qeyd etmişik ki, faktiki rəqəmlər yəqin ki, bundan xeyli çoxdur", - Boqner deyib.

BMT missiyası həmçinin təsdiqləyib ki, ən azı 416 nəfər Rusiya tərəfindən işğal olunmuş ərazilərdə “əsassız həbs və zorla yoxa çıxmanın qurbanı” olub.

"Bunlardan 16 nəfər ölü tapılıb, 166 nəfər sərbəst buraxılıb"

Xırdalan şəhərində çoxmərtəbəli yaşayış binası yanır.

Bu barədə Avrasiya.net-ə Fövqəladə Hallar Nazirliyindən (FHN) məlumat verilib.

Bildirilib ki, nazirliyin “112” qaynar telefon xəttinə Abşeron rayonu, Xırdalan şəhərində çoxmərtəbəli yaşayış binasında yanğın olması barədə məlumat daxil olub. Məlumatla əlaqədar FHN-in Dövlət Yanğından Mühafizə Xidmətinin yanğından mühafizə bölmələri və Xüsusi Riskli Xilasetmə Xidmətinin müvafiq xilasetmə qüvvələri çağırış üzrə cəlb olunub.

Rusiya Ukraynadakı müharibəyə quru qoşunlarının 80%-ni cəlb edib.

Bunu NATO Baş katibi Yens Stoltenberq deyib.

"Hazırda Rusiyanın quru qoşunlarının 80%-dən çoxu Ukraynadakı müharibədə iştirak edir. Təbii ki, orada baş verənlər Rusiyanın hər hansı NATO üzvü üçün təhlükə yarada bilməsi baxımından əhəmiyyətlidir. Beləliklə, mənim ilk mesajım ondan ibarətdir ki, biz görünməmiş dəstəyi alqışlayırıq, daha çox dəstəyə çağırırıq və onları Ukraynanı dərhal ehtiyac duyduğu şeylərlə təmin etmək üçün ehtiyatları daha dərindən kəşf etməyə çağırırıq”, - Stoltenberq vurğulayıb.

Türkiyədə növbəti ağır yol qəzası baş verib.

Avrasiya.net xəbər verir ki, qəza İstanbul şəhərində olub. Dörd metrobusun toqquşması nəticəsində ən azı 42 nəfər yaralanıb.

Qəzanın hansı səbəbdən baş verdiyi barədə məlumat verilməyib.

***

Metrobusların toqquşması nəticəsində yaralıların sayı 85 nəfərə çatıb.

Bildirilib ki, xəsarət alan sərnişinlərin müalicəsi davam edir və sağlamlıq vəziyyətləri yaxından izlənilir.

***

Türkiyənin İstanbul şəhərində metrobusların toqquşması nəticəsində xəsarət alanların sayı artıb.

Bu barədə "Anadolu" agentliyi məlumat yayıb.

Məlumata görə, xəsarət alanların sayı 99 nəfərə çatıb.