Sədr əlil qadına təcavüz edib? – Rəsmi açıqlamaQarabağ Müharibəsi Əlilləri, Veteranları və Şəhid Ailələri İctimai Birliyinin sədri Mehdi İmdad oğlu Mehdiyevin 2-ci qrup əlil Rəna Hacıyevaya təcavüz etdiyi iddia edilib.

Axar.az-a müraciət edən Rəna Hacıyeva bildirib ki, hadisə 2015-ci ildə baş verib və elə ondan sonra da Mehdi Mehdiyevin psixoloji və mənəvi təzyiqlərinə məruz qalıb:

“Mən 2-ci qrup əliləm, onkoloji xəstəlikdən əziyyət çəkirəm və insulindən asılı şəkərli diabet xəstəsiyəm. 2015-ci ildə Mehdi İmdad oğlu Mehdiyev mənə təcavüz edib, o vaxtdan da məni alçaltmaqla məşğuldur. Onun əməlləri ilə bağlı Ombudsman Səbinə Əliyevaya, Ailə, Qadın və Uşaq Problemləri üzrə Dövlət Komitəsinə ərizə ilə müraciət etmişəm. Həmçinin Bakı Şəhər Prokurorluğuna, Baş Prokurorluğa da rəsmi şikayət ərizəsi ilə müraciətim olub.

Lakin mənim müraciətimə rəsmi münasibət bildirilmir. Mehdi Mehdiyev və oğlu İslam Mehdiyev məni dəfələrlə təhdid edib. Hətta M.Mehdiyev zorlanma faktını açacağım təqdirdə məni maşınla vurub öldürəcəyini deyir”.

Rəna Hacıyev onu da iddia edib ki, Mehdi Mehdiyev ondan asılı olan şəxsləri yalançı şahid qismində məhkəməyə gətirərək saxta ittihamlarla onun barəsində cinayət işi açılmasına nail olub:

“Mehdi Mehdiyev ondan maddi cəhətdən asılı olan şəxsləri, ailə üzvlərini, yaxın qonşularını yalançı şahid qismində təqdim edib. Xüsusi ittihamla, mənim tərəfimdən guya təhqir edildiyini iddia edib. Bu səbəbdən Nəsimi Rayon Məhkəməsinin hakimi Babək Pənahov əsassız olaraq mənə 9 ay əmək islah işləri cəzası kəsdi. M.Mehdiyev 5 ildir məni alçaldır. Sosial şəbəkələrdə barəmdə iyrənc böhtanlar paylaşır. Dəfələrlə təşkilatına gedərək mənə qarşı iyrənc kampaniyaya son verməsini xahiş etmişəm. Amma yenə də davam etdiyi üçün Nəsimi Məhkəməsinə yenidən müraciət etdim. Hətta onun ailəsinin yanına da getdim. Həyat yoldaşı Könül Mehdiyevaya, oğlu İslam Mehdiyevə, qızı Çinarə Mehdiyevaya vəziyyəti bildirmişəm. Onlar isə “Mehdi ilə bacarmırıq” deyiblər”.

Rəna Hacıyeva həmçinin qeyd edib ki, bir neçə il əvvəl Mehdi Mehdiyevin qardaşı İlyas Mehdiyev 90 yaşlı atasını öldürərək meyitini yandırıb. Hətta bununla bağlı 2018-ci il Xəzər TV-də süjet də yayımlanıb. Zərərçəkmiş xanım Mehdi Mehdiyevin də ciddi psixoloji problemləri olduğunu deyib.

Məsələ ilə bağlı Azərbaycan Respublikasının İnsan Hüquqları üzrə Müvəkkili (Ombudsman) Axar.az-ın rəsmi sorğusuna cavab olaraq bildirib ki, Rəna Hacıyevanın iddiası ilə bağlı Prokurorluğa müraciət edilib:

“Rəna Hacıyevanın Ombudsmana ünvanlanmış eyni məzmunlu müraciətinə baxılıb və məsələ ilə bağlı aidiyyəti prokurorluğa müraciət edilib, nəticəsi barədə Rəna Hacıyevaya 18 avqustda 2/13956-20 saylı məktubla cavab verilib”.

Ailə, Qadın və Uşaq Problemləri üzrə Dövlət Komitəsinin İnformasiya və Analitik araşdırmalar şöbəsinin müdiri Elgün Səfərov isə bildirib ki, Rəna Hacıyevanın müraciəti əsasında hüquq-mühafizə orqanlarına məktub göndərilib:

“Ötən ilin oktyabr ayında Rəna Hacıyeva tərəfindən komitəyə müraciət daxil olub. Nəsimi rayon məhkəməsində bu işə baxılıb. Dövlət komitəsi tərəfindən bununla bağlı sözügedən şəxsə dəstək göstərilməsi xahiş edilib. Bu ilin mart ayında Rəna xanımın müraciəti əsasında yenə də hüquq-mühafizə orqanlarına tərəfimizdən məktub göndərilib. Eyni zamanda bu il Rəna xanımın daha bir müraciəti əsasında iyulun 19-da yenidən hüquq-mühafizə orqanlarına məktub göndərilərək, məlumatın təsdiqi tapacağı halda müvafiq tədbirlərin görülməsi və bu işlə məşğul olunması xahiş edilib. Hazırda isə bu zorakılıq iddiasının təsdiqini tapması barədə heç bir fakt yoxdur”.
Sədr əlil qadına təcavüz edib? – Rəsmi açıqlamaQarabağ Müharibəsi Əlilləri, Veteranları və Şəhid Ailələri İctimai Birliyinin sədri Mehdi İmdad oğlu Mehdiyevin 2-ci qrup əlil Rəna Hacıyevaya təcavüz etdiyi iddia edilib.

Axar.az-a müraciət edən Rəna Hacıyeva bildirib ki, hadisə 2015-ci ildə baş verib və elə ondan sonra da Mehdi Mehdiyevin psixoloji və mənəvi təzyiqlərinə məruz qalıb:

“Mən 2-ci qrup əliləm, onkoloji xəstəlikdən əziyyət çəkirəm və insulindən asılı şəkərli diabet xəstəsiyəm. 2015-ci ildə Mehdi İmdad oğlu Mehdiyev mənə təcavüz edib, o vaxtdan da məni alçaltmaqla məşğuldur. Onun əməlləri ilə bağlı Ombudsman Səbinə Əliyevaya, Ailə, Qadın və Uşaq Problemləri üzrə Dövlət Komitəsinə ərizə ilə müraciət etmişəm. Həmçinin Bakı Şəhər Prokurorluğuna, Baş Prokurorluğa da rəsmi şikayət ərizəsi ilə müraciətim olub.

Lakin mənim müraciətimə rəsmi münasibət bildirilmir. Mehdi Mehdiyev və oğlu İslam Mehdiyev məni dəfələrlə təhdid edib. Hətta M.Mehdiyev zorlanma faktını açacağım təqdirdə məni maşınla vurub öldürəcəyini deyir”.

Rəna Hacıyev onu da iddia edib ki, Mehdi Mehdiyev ondan asılı olan şəxsləri yalançı şahid qismində məhkəməyə gətirərək saxta ittihamlarla onun barəsində cinayət işi açılmasına nail olub:

“Mehdi Mehdiyev ondan maddi cəhətdən asılı olan şəxsləri, ailə üzvlərini, yaxın qonşularını yalançı şahid qismində təqdim edib. Xüsusi ittihamla, mənim tərəfimdən guya təhqir edildiyini iddia edib. Bu səbəbdən Nəsimi Rayon Məhkəməsinin hakimi Babək Pənahov əsassız olaraq mənə 9 ay əmək islah işləri cəzası kəsdi. M.Mehdiyev 5 ildir məni alçaldır. Sosial şəbəkələrdə barəmdə iyrənc böhtanlar paylaşır. Dəfələrlə təşkilatına gedərək mənə qarşı iyrənc kampaniyaya son verməsini xahiş etmişəm. Amma yenə də davam etdiyi üçün Nəsimi Məhkəməsinə yenidən müraciət etdim. Hətta onun ailəsinin yanına da getdim. Həyat yoldaşı Könül Mehdiyevaya, oğlu İslam Mehdiyevə, qızı Çinarə Mehdiyevaya vəziyyəti bildirmişəm. Onlar isə “Mehdi ilə bacarmırıq” deyiblər”.

Rəna Hacıyeva həmçinin qeyd edib ki, bir neçə il əvvəl Mehdi Mehdiyevin qardaşı İlyas Mehdiyev 90 yaşlı atasını öldürərək meyitini yandırıb. Hətta bununla bağlı 2018-ci il Xəzər TV-də süjet də yayımlanıb. Zərərçəkmiş xanım Mehdi Mehdiyevin də ciddi psixoloji problemləri olduğunu deyib.

Məsələ ilə bağlı Azərbaycan Respublikasının İnsan Hüquqları üzrə Müvəkkili (Ombudsman) Axar.az-ın rəsmi sorğusuna cavab olaraq bildirib ki, Rəna Hacıyevanın iddiası ilə bağlı Prokurorluğa müraciət edilib:

“Rəna Hacıyevanın Ombudsmana ünvanlanmış eyni məzmunlu müraciətinə baxılıb və məsələ ilə bağlı aidiyyəti prokurorluğa müraciət edilib, nəticəsi barədə Rəna Hacıyevaya 18 avqustda 2/13956-20 saylı məktubla cavab verilib”.

Ailə, Qadın və Uşaq Problemləri üzrə Dövlət Komitəsinin İnformasiya və Analitik araşdırmalar şöbəsinin müdiri Elgün Səfərov isə bildirib ki, Rəna Hacıyevanın müraciəti əsasında hüquq-mühafizə orqanlarına məktub göndərilib:

“Ötən ilin oktyabr ayında Rəna Hacıyeva tərəfindən komitəyə müraciət daxil olub. Nəsimi rayon məhkəməsində bu işə baxılıb. Dövlət komitəsi tərəfindən bununla bağlı sözügedən şəxsə dəstək göstərilməsi xahiş edilib. Bu ilin mart ayında Rəna xanımın müraciəti əsasında yenə də hüquq-mühafizə orqanlarına tərəfimizdən məktub göndərilib. Eyni zamanda bu il Rəna xanımın daha bir müraciəti əsasında iyulun 19-da yenidən hüquq-mühafizə orqanlarına məktub göndərilərək, məlumatın təsdiqi tapacağı halda müvafiq tədbirlərin görülməsi və bu işlə məşğul olunması xahiş edilib. Hazırda isə bu zorakılıq iddiasının təsdiqini tapması barədə heç bir fakt yoxdur”.
Ağakərimin vəziyyəti pisdir - AğamirzəMeyxanaçı Ağamirzə Məmmədov həmkarı Ağakərimin səhhəti haqda danışıb.

Avrasiya.net Axşam.az-a istinadən xəbər verir ki, "Bağ mövsümü” proqramında qonaq olan sənətçi insult keçirən meyxanaçının vəziyyətinin pis olduğunu söyləyib.

"Ağakərimin vəziyyəti pisdir. Bizə dua etmək, Allahdan şəfa diləmək qalıb. Onun yanına gedib-gələndə çox pis oluram. Övladlarımı aparıram ki, gedin halını soruşun gəlin. Özüm də oturub maşında gözləyirəm. Ürəyim kövrəkdir, Ağakərimi elə görə bilmirəm”, - o bildirib.

Qeyd edək ki, meyxanaçı Ağakərimin 2017-ci ilin martında beyninə qan sızıb. Həmin gündən ifaçının səhhətində ciddi problemlər yaranıb.
Qulini qətlə yetirən qatil belə qaçıb - VideoTürkiyə polisi Lotu Qulinin qətli ilə bağlı yeni videogörüntüləri yayıb.

Avrasiya.net Haqqın.az-a istinadən xəbər verir ki, videoların biri otelin spa-zonasındakı müşahidə kamerasından götürülüb. Bu kadrlar Qulinin qətlindən bir neçə saat əvvələ aiddir. Kadrda Qulinin mərmər döşənmiş dəhlizlə 3 mühafizəçinin müşayiəti ilə getməsi əks olunub. Lotu Qulinin əynində mavi şort və ağ futbolka var.

Digər iki video 20 avqustda gecə çəkilib. Kadrda qətldən sonra qaçan Xaqan Zeynalov əks olunub. Onun arxasınca əlində silahlı mühafizəçi qaçır.


 Aİ Türkiyəni TƏHDİD ETDİ: "Sanksiyalar hazırdır""Türkiyənin Şərqi Aralıq dənizindəki fəaliyyəti Avropa İttifaqında narahatlıq yaradır. Ankara bölgədə dinc yol tapmalıdır".

Publika.az xəbər verir ki, bu barədə Avropa İttifaqının açıqlamasında bildirilib.

Aİ gərginliyi artıran təktərəfli tədbirlər yerinə Türkiyə ilə dialoqun lazım olduğunu bildirib. İttifaq danışıqların fayda verməyəcəyi təqdirdə Türkiyəyə tətbiq olunacaq sanksiyaların hazır olduğunu açıqlayıb.

Almaniya və Fransa tərəfindən verilən açıqlamada isə Türkiyəyə təhdidlər səsləndirilib.

"Aİ dialoqa hazırdır, ancaq lazım olsa Türkiyəyə tətbiq olunacaq sanksiyalara maksimum sərtliyi göstərməyə qərarlıdır", - Fransa Xarici İşlər naziri Jan-İv Le Drian deyib.

Almaniya Xarici İşlər naziri Hayko Maas isə Aralıq dənizindəki böhrandan çıxmağın yeganə yolunun danışıqlar olduğunu, sabitliyin pozulmasını qəbul etmədiklərini və Yunanıstanın suverenliyini qoruyacaqlarını bildirib.

Əcnəbilərin nəzərinə!..Azərbaycan Respublikasında olan və yaşayan əcnəbilərin, vətəndaşlığı olmayan şəxslərin diqqətinə!

Azərbaycan Respublikası Nazirlər Kabinetinin 29 avqust 2020-ci il tarixli 310 nömrəli Qərarı ilə xüsusi karantin rejiminin müddəti 2020-ci il 30 sentyabr saat 00:00-dək uzadılıb. Xüsusi rejim Bakı, Sumqayıt şəhərlərini və Abşeron rayonunu əhatə edir.

Əcnəbilərin nəzərinə çatdırırıq ki, Bakı şəhər regional miqrasiya idarəsi istisna olmaqla, digər bütün regional miqrasiya idarələri fəaliyyətini tam bərpa edir.
Həmçinin Dövlət Miqrasiya Xidmətinin Təlim-tədris mərkəzi Azərbaycan Respublikasında daimi yaşama icazəsi almaq istəyən əcnəbilər üçün Azərbaycan dilinin, tarixinin, mədəniyyətinin, eləcə də hüquq və vəzifələrlə bağlı qanunvericiliyin öyrənilməsi ilə əlaqədar yenidən kursların keçirilməsinə başlayır. Onlayn kurslarda iştirak etmək istəyənlər iş günləri saat 09:00-dan 18:00-a qədər (012) 566-37-74 telefon nömrəsinə zəng edə bilərlər.

Karantin müddətində Dövlət Miqrasiya Xidmətinin (012) 919 Çağrı Mərkəzi həftə sonları (5 və 6, 12 və 13, 19 və 20, 26 və 27 sentyabr 2020-ci il tarixlərində) məhdud sayda əməkdaşla və rejimdə fəaliyyət göstərəcək. Odur ki, göstərilən tarixlərdə miqrasiya ilə bağlı müraciətlər Xidmətin rəsmi internet səhifəsindəki onlayn bələdçi, həmçinin MİGAZ mobil tətbiqi vasitəsilə də ünvanlana bilər.

Bir daha qeyd edək ki, müvəqqəti olma müddəti (viza müddəti və ya 30-90 gün) artıq 60 gün uzadılmış əcnəbilərin ölkədə olması, dövlət sərhədində hərəkətlə bağlı məhdudiyyətlər aradan qaldırılanadək əlavə müraciət olmadan və dövlət rüsumu ödənilmədən qanuni hesab olunur.

Dövlət Miqrasiya Xidməti
Təhsil Nazirliyi valideynlərə xəbərdarlıq etdiTəhsil Nazirliyi xaricdə təhsil almaq istəyən abituriyent, tələbə və onların valideynlərini seçim edərkən daha diqqətli olmağa çağırır.

Nazirlikdən Avrasiya.net-ə verilən məlumata görə, əvvəlki illərin təcrübəsinə görə bu sahədə vasitəçi şirkətlərin xidmətlərindən istifadə edən bir çox vətəndaşlar çətinlik və mənfi hallarla üzləşirlər.

"Belə hallarla rastlaşmamaq üçün vətəndaşlara, təhsil müəssisəsini və tədris proqramını (ixtisası) seçməzdən öncə müstəqil olaraq, birbaşa həmin təhsil müəssisəsinin özünə müraciət edərək (rəsmi internet səhifəsi vasitəsilə), qəbul şərtləri, təhsil haqqı, yaşayış xərcləri və digər tələblər barədə ətraflı məlumat əldə etməyi tövsiyə edirik.

Eyni zamanda xaricdə təhsil və xaricdə əldə olunmuş ali təhsil ixtisaslarının ölkə ərazisində tanınması və ekvivalentliyinin müəyyən edilməsi (nostrifikasiyası) ilə bağlı diqqət yetirilməli olan əsas məqamlara (ali təhsil müəssisəsi və tədris proqramının (ixtisasın) aid olduğu ölkədə akkreditə olunması, təhsil müddəti ərzində həmin ölkənin və yerli qanunvericiliyin tələblərinə uyğun olaraq dərslərdə iştirak edilməsi, bakalavriat və magistratura ixtisasları arasında uyğunluq olması, tədris dilində ünsiyyət qura bilmək bacarığının olması, təhsilalma formasının yerli qanunvericiliyin tələblərinə uyğunluğu və s.) dair zəruri məlumatları özündə əks etdirən Təhsildə Keyfiyyət Təminatı Agentliyinin rəsmi internet səhifəsinin (tkta.edu.az) “Nostrifikasiya” və “Mütəmadi verilən suallar” bölmələri ilə tanış ola bilərsiniz. Xüsusi olaraq vurğulanmalıdır ki, Təhsil Nazirliyi xaricdə təhsil sahəsində, o cümlədən tanınma (nostrifikasiya) prosedurları ilə bağlı heç bir şirkətlə əməkdaşlıq etmir və bu şirkətlərin fəaliyyətlərinə görə məsuliyyət daşımır.

Qeyd olunan məsələlərlə bağlı vətəndaşlara hər hansı şirkət və ya şəxslər tərəfindən verilən vəd heç bir rol oynamır və belə hallarla rastlaşdığınız təqdirdə Təhsil Nazirliyinin "Qaynar xətt” xidmətinə (146-1) məlumat verməyiniz xahiş edilir", - məlumatda qeyd olunub.
Çipsi sonsuzluğa yol açırHər gün milyonlarla insanın yediyi çipslər təhlükə saçır! Alimlər bu qidanın xərçəng xəstəliyindən köklüyə qədər, şəkər xəstəliyindən sonsuzluğa qədər bir çox xəstəliyə yol açdığını bildirir. İçində yüzdə on faiz doymuş yağ, yüzdə üç faiz trans yağ olan çipslərdən gündə 35 qramlıq bir paket yeyən adam il ərzində 5 litr zərərli yağ içmiş kimi olur.

İngiltərə Ürək Sağlamlığı Fondunun həyata keçirdiyi araşdırma nəticəsində 35 qramlıq çips paketində 2,5 çay qaşığı trans yağ olduğu ortaya çıxıb. Çipslərdə yağdan başqa həddən artıq duzdan istifadə olunması da təhlükəni artırır.

Anadolu Sağlamlıq Mərkəzi Qidalanma mütəxəssisi Camal Ak çipslərdə bol miqdarda trans yağ istifadə edildiyini deyib. Onun sözlərinə görə, çipsin içindəki trans yağların bir çox təhlükəli xəstəliyə səbəb olur, xərçəng, sonsuzluq və qaraciyər yağlanmasına yol açır. Eyni zamanda bu qidanın içində "akrilanudin" adlı kimyəvi maddə plastik istehsalında istifadə edilir. Siqaretin də içində olan bu maddə xərçəng xəstəliyinə səbəb olan maddədir. Dünyanın bir çox yerində sağlıq sahəsində çalışan alimlər çips paketlərinə "ÖLDÜRÜR" yazısının yazılmasını təklif edirlər.

Terapevt-qastroenteroloq Sevindik Arazov da "Sherg.az"a açıqlamasında çipsinin orqanizm üçün zərərli hesab edilən qidalardan olduğunu deyib. Həkimin sözlərinə görə, çipsilərin tərkibindəki müxtəlif qatqılar bir sıra xəstəliklərə səbəb olur:

"Xərçəng, obezit, diabet kimi xəstəliklər yaradan çipsidə kalorinin miqdarı normadan bir neçə dəfə çoxdur. Ekspertlər tərkibindəki akrilamid maddəsindən plastik materialların hazırlanmasında istifadə edildiyini qeyd edirlər. Həmin maddə tütünün də tərkibində mövcuddur. Çipsinin tərkibindəki trans yağlar insan bədənindəki normal temperaturda (36 dərəcə) ərimir. Bu yağlar bədəndə toplanılır və qandakı yağ nisbətini çoxaldır. Bu da öz növbəsində xərçəng, obezit, diabet, sonsuzluq, qaraciyərdə funksiya pozulması, alzheimer, parkinson və ürək xəstəliklərinə səbəb olur".

Azərbaycanda daha 126 nəfər yoluxdu - 144 nəfər sağaldı Azərbaycanda koronavirus infeksiyasına 126 yeni yoluxma faktı qeydə alınıb, 144 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Avrasiya.net-ə verilən məlumata görə, COVID-19 üçün götürülən analiz nümunələri müsbət çıxmış 3 nəfər vəfat edib.

Ölkədə indiyədək ümumilikdə 36435 nəfər koronavirus infeksiyasına yoluxub. Onlardan 33847 nəfər müalicə olunaraq sağalıb, 534 nəfər vəfat edib, aktiv xəstə sayı 2054 nəfərdir. Son sutka ərzində 5042, hazırkı dövrədək isə 922069 test aparılıb.

.

Siyəzəndə yeni idman kompleksi tikilir Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov bu günlərdə Siyəzən Rayon İcra Hakimiyyətinin başçısı Novruz Novruzov, AFFA-nın vitse-prezidenti, Azərbaycan Uşaq və Gənclər Futbol Federasiyasının prezidenti, Milli Məclisin deputatı Rauf Əliyevlə birlikdə Siyəzən şəhərində rayon icra hakimiyyətinin təşəbbüsü, yerli iş adamları və idmansevərlərin maliyyə dəstəyi ilə şəhərin Babək küçəsində ümumi sahəsi 0,485 hektar olan ərazidə inşası davam edən "Uşaq və Gənclərin Fiziki Hazırliq Mərkəzi"ndə olub.

Adı çəkilən idman kompleksində bir ədəd, 63mx38m ölçüdə stadion, tikintialtı sahəsi 170 kvm olan bir ədəd iki mərtəbəli idman zalı, (1-ci mərtəbəsində soyunma-geyinmə və.s, 2-ci mərtəbəsində isə güləş və boks zalları nəzərdə tutulub). Əlavə olaraq 300 yerlik tribuna, iki ədəd anbar və açıq havada nəzərdə tutulan idman qurğuları da istifadəyə veriləcək.
Siyəzəndə yeni idman kompleksi tikilir
Siyəzəndə yeni idman kompleksi tikilir