"Sevilya" Avropa Liqasının finalında
Dərc olunub:
17-08-2020, 07:22
Avropa Liqasında ilk finalçı müəyyənləşib.
Avrasiya.net xəbər verir ki, birinci cütlükdə "Sevilya" ilə "Mançester Yunayted" üz-üzə gəlib. 5 dəfə bu turniri qazanmaqla rekordçu olan İspaniya təmsilçisi yenə həlledici qarşılaşmaya vəsiqə əldə edib. "Qırmızı şeytanlar" erkən qolla hesabı açsa da, "Sevilya" əzmkar qələbə qazanmağa müvəffəq olub. Bununla Xulen Lopeteqinin yetirmələri 4 illik fasilədən sonra yenidən Avropa Liqasının finalında oynamaq hüququna yiyələnib.
"Sevilya"nın finaldakı rəqibi avqustun 17-də keçiriləcək "İnter" - "Şaxtyor" (23:00) matçının qalibi olacaq.
Qeyd edək ki, final qarşılaşması avqustun 21-də Kölndə keçiriləcək.