Fransada 40 erməni türk ailəyə hücum etdi

Fransanın Sen-Dye-de-Voj şəhərində 40 ermənidən ibarət qrup türk ailəsinin evinə hücum edib.

Axar.az xəbər verir ki, bu barədə Türkiyə mediası məlumat yayıb.

Gərginliyin yaranmasına səbəb aprelin 24-də bir erməni ilə bir türk arasında kiçik mübahisə olub.

Mübahisədən sonra problemin həll olunduğunu deyən Türkiyə vətəndaşı ötən gün 40-a yaxın ermənin yaxın qohumunun ailəsinin evinə hücum çəkdiyini bildirib.

Hücum zamanı 4 nəfər yaralanıb. Bundan əlavə, erməni qrupu hadisə yerindən qaçarkən silahla havaya atəş açıb.