İran generalı BƏƏ-ni hədələdi: Buna dözməyəcəyik!

Əgər Fars körfəzi regionunda hər hansı bir hadisə baş versə və İranın milli təhlükəsizliyinə xələl gətirilsə, buna dözməyəcəyik.

Axar.az xəbər verir ki, bunu İran Silahlı Qüvvələrinin Baş Qərargah rəisi, general Məhəmməd Baqiri deyib.

“Hesab edirik ki, Birləşmiş Ərəb Əmirlikləri İsraillə münasibətlərini normallaşdırmaq barədə apardığı siyasətinə yenidən baxmalı, regionun və ölkəsinin təhlükəsizliyinə ziyan vuracaq bu yoldan geri qayıtmalıdır”, - M.Baqiri bildirib.

Qeyd edək ki, bir qədər əvvəl İsrail və Birləşmiş Ərəb Əmirlikləri (BƏƏ) ikitərəfli əlaqələrin tam normallaşdırılması ilə bağlı razılığa gəlib.