Kıbrıs Türk xalqının var olmaq mübarizəsində mühüm yeri olan Erenköy Müqaviməti və müqavimət hərəkatı zamanı şəhid olanlar dünən Erenköydə təşkil edilən mərasimlə anılıb.

Avrasiya.net xəbər verir ki, Şanlı Erenköy Müqavimətinin 58-ci ildönümü və Erenköy Şəhidlər Günü münasibətilə Erenköy Şəhidliyində mərasim təşkil edilib.

Tədbirdə Quzey Kıbrıs Türk Cümhuriyyətinin (KKTC) prezidenti Ersin Tatar, Yenierenköy Bələdiyyə sədrinin müavini Küfi Tulqa və Erenköy Mücahidlər Dərnəyinin sədri Mustafa Arıkan çıxış ediblər.

Ersin Tatar Erenköy müqavimətinin Kıbrıs Türk xalqının varlıq mübarizəsi üçün ilham qaynağı olduğunu bildirib.

"Bu gün, 58 il əvvəl burada, Erenköydə yazılmış dastanın ildönümündə o nəcib mübarizəni həm qeyd edirik, həm də xatırlayırıq", - deyə o bildirib.

Ersin Tatar Erenköy Müqavimətinin Türk tarixində Çanaqqala dastanı qədər yeri olduğunu, Erenköy Müqavimətində göstərdikləri qəhrəmanlıq və şücaətlə Erenköy şəhidlərinin Kıbrıs Türk xalqının şanlı mübarizəsində yer aldığını bildirib. KKTC prezidenti Erenköy Müqavimətinin Kipr Türk xalqının varlıq mübarizəsi üçün ilham mənbəyi olduğunu bildirib.

Anım mərasimi şəhidlik ziyarəti, şəhidlərin məzarları üzərinə gül dəstələrinin qoyulması, məzar başında duaların oxunması ilə başa çatıb.

Mərasimdən sonra protokolun iştirakı ilə Mustafa Kamal Atatürkün büstünün açılışı olub və foto sərgisi ziyarət edilib.

Erenköy Müqavimətində baş verənlər və o zaman Türkiyənin dəstəyi ilə bağlı iki ssenari sərgilənib və muzey ziyarət edilib.

“İnformasiya Təşəbbüslərinə Dəstək” ictimai birliyi BMT-nin İqtisadi və Sosial Şurasına – ECOSOC-a xüsusi məşvərətçi statuslu (ECOSOC Special Consultative Status) üzv qəbul olunub.

Bu barədə açıqlamasında ictimai birliyin sədri Cəsarət Hüseynzadə bildirib.

“2020-ci ildə BMT-nin əsas qurumlarından olan ECOSOC –a üzv olmaq üçün müraciət etmişdik və davamlı olaraq bu istiqamətdə iş aparırdıq. Təşkilatın fəaliyyəti haqqında geniş məlumatlar təqdim etdik. Eyni zamanda təşkilata ECOSOC-un QHT idarəsindən də bəzi suallar və sorğular daxil oldu. Üzvlüklə bağlı lazımı məlumatları, fəaliyyətimizlə bağlı informasiyaları və s. sorğuları dolğun şəkildə cavablandırdıq və yaxın müddət üçün təşkilatımızın fəaliyyət strategiyasını təqdim etdik.

ECOSOC-un məşvərətçi statusu dörd ildən bir seçilən, BMT-nin Təhlükəsizlik Şurasının üç daimi üzvü - ABŞ, Çin, Rusiya da daxil olmaqla 19 dövlətin nümayəndələrindən ibarət QHT komitəsinin zəmanət və tövsiyəsi əsasında verilir. Komitənin hazırkı üzvlərinə (2019-2022) Bəhreyn, Braziliya, Burundi, Çin, Kuba, Estoniya, Esvatini, Yunanıstan, Hindistan, İsrail, Livan, Meksika, Nikaraqua, Nigeriya, Pakistan, Rusiya, Sudan, Türkiyə və ABŞ daxildir.

Pandemiya ilə bağlı BMT və onun qurumlarının iclaslarının keçirilməsində müəyyən yubanmalar oldu. Nəhayət ECOSOC-un QHT-lər üzrə Komitəsi 17 - 26 may 2022-ci il tarixli sessiyasında “İnformasiya Təşəbbüslərinə Dəstək” ictimai birliyini məşvərətçi statuslu üzvlüyə qəbul olunmasını BMT-nin İqtisadi və Sosial Şurasına (ECOSOC) tövsiyə etdi.

Həmin sessiyada Ermənistan və Gürcüstandan da olan bir neçə QHT-nin müraciəti olsa da həmin QHT-lər üzvlüyə tövsiyə edilmədi.”

Təşkilat sədri qeyd edib ki, artıq BMT-nin ECOSOC-un 33-cü plenar iclasında QHT Komitəsinin tövsiyəsi ilə “İnformasiya Təşəbbüslərinə Dəstək” ictimai birliyi bu quruma xüsusi məşvərətçi statuslu üzv kimi qəbul edilib və bununla bağlı qurumdan rəsmi təbrik də almışıq.

Cəsarət Hüseynzadə bildirib ki, Məşvərətçi statusun imtiyazları və üstünlükləri, eləcə də məsuliyyət və öhdəlikləri də vardır.

“Məşvərətçi statuslu üzv olaraq QHT BMT-nin beynəlxalq konfrans və tədbirlərində iştirak edə bilər, bu tədbirlərdə yazılı və şifahi bəyanatlar verə bilər. Üzv QHT həmin tədbirlər zamanı paralel tədbirlər təşkil edə bilər, BMT-nin binalarına daxil ola bilər, şəbəkə qura bilər və lobbiçilik fəaliyyətini həyata keçirə bilər. Üzv QHT eyni zamanda BMT-nin qurumu yanında dövri hesabatlar və digər öhdəliklər də daşıyır.”

Qeyd edək ki, “İnformasiya Təşəbbüslərinə Dəstək” ictimai birliyi 2016-cı ildə dövlət qeydiyyatına alınıb. Təşkilatın əsas missiyası informasiya təşəbbüslərinə dəstək göstərməklə ictimai, sosial və humanitar sahədə davamlı inkişafın təmin edilməsinə yardım etməkdir. Təşkilatın sədri Cəsarət Hüseynzadə vətəndaş cəmiyyətinin inkişafı və ictimai iştirakçılıqla bağlı bir neçə uğurlu layihələrin müəllifidir.

Qərbi Azərbaycandan olan soydaşlarımıza qaçqın statusunun verilməsi təklifini hamımız birmənalı surətdə dəstəkləməli və rəsmi İrəvanın əsassız tələblərinə qarşı ötən əsrin 80-ci illərinin sonlarında Qərbi Azərbaycandan qovulan soydaşlarımızın öz dədə-baba yurdlarına qayıdışının təmin edilməsi, habelə Qərbi Zəngəzura azərbaycanlıların kompakt şəkildə yaşayacağı ərazi kimi muxtar respublika və ya vilayət statusunun verilməsi tələbini irəli sürməliyik.

Belə bir tələblərlə çıxış etməyimiz həm strateji baxımdan olduqca əhəmiyyətlidir, həm də ki, öz xarici havadarlarının təhriki və diktəsi ilə Azərbaycanın Qarabağ iqtisadi bölgəsinin dağlıq hissəsində (Xankəndi və ətraf ərazilərdə) yaşayan bir ovuc erməni üçün “status” tələb edən, 44 günlük müharibə nəticəsində faktiki mövcudluğuna son qoyulmuş Minsk Qrupunun yenidən aktivləşdirilməsinə və prosesə qoşulmasına cəhd göstərən Ermənistan hakimiyyətinin gün-gündən artan “iştah”ını cilovlamaq və əsassız tələblərini bloklamaq üçün taktiki manevr imkanlarımızı daha da artıra bilər.

Xankəndidəki ermənilər üçün status tələb edən, onların insan hüquqlarının pozulduğu iddiaları ilə çıxış edən Paşinyan iqtidarı zəhmət çəkib ilk növbədə Qərbi Azərbaycandan olan soydaşlarımızın hüquqlarını təmin etməli, onların tarixi Azərbaycan ərazilərinə gediş-gəlişinin təmin edilməsinə, qərbi azərbaycanlıların öz dədə-baba yurdlarına qaytarılmasına “yaşıl işıq” yandırmalıdır.

Bu gün ermənilərin yanlız iki seçimi var – ya onlar 10 noyabr razılaşmasının müddəalarına qeydsiz-şərtsiz əməl etməlidirlər, yadaki Azərbaycan həm Rusiya sülhməramlılarının müvəqqəti məsuliyyət zonasındakı əraziləri qanunsuz erməni silahlı dəstələrindən güc yoluyla təmizləyərək Xankəndidə öz suverenliyini bərpa edəcək, həm də ki, qərbi azərbaycanlıların öz tarixi torpaqlarına qayıdış məsələsini önə çəkəcək, onlar üçün muxtariyyət tələb edəcək. Rəsmi Bakı Ermənistan qarşısında bu tələbləri qoymalıdır.

Bu tələblər avantürist Paşinyanı da, revanşist çağırışlarla çıxış edən erməni müxalifətini də dərhal reallıq hissinə qaytaracaq. Müşahidələrimiz də onu göstərir ki, azərbaycanlıların öz tarixi yurdlarına qayıtmaq istəyi Ermənistanda sözün əsl mənasında ciddi təşvişə səbəb olub. Az-çox realistlik hissi olan ermənilər artıq Qərbi azərbaycanlıların gec-tez öz doğma torpaqlarına dönəcəklərini başa düşməyə başlayıblar.

Biz də bu istiqamətdə fəaliyyətlərimizi get-gedə daha da genişləndirməliyik. Bunun yolu isə ilk növbədə qərbi azərbaycanlı qaçqınların öz tarixi torpaqlarına qayıtmasına zəmin yaratmaq üçün müvafiq qanunlarımzı təkmilləşdirməkdən, onlara qaçqın statusu verməyimizdən və Ermənistandan qovulan soydaşlarımızın həmçinin BMT-nin qaçqınlar siyahısına da daxil edilməsinə nail olmağımızdan keçir. Biz bütün bunları gerçəkliyə çevirmək üçün bu istiqamətdə təxirəsalınmaz tədbirlər görməliyik.

Əlisahib Hüseynov,
Milli Həmrəylik Partiyasının sədri

Bu dəfə də əminəm ki, idmançılarımız gözəl nəticə göstərəcəklər. Artıq birinci qızıl medalımız var. Komandanı bu münasibətlə təbrik etmək istəyirəm.

Avrasiya.net xəbər verir ki, bu sözləri Prezident İlham Əliyev avqustun 9-da Türkiyənin Konya şəhərində keçirilən V İslam Həmrəyliyi Oyunlarında Azərbaycanı təmsil edən idmançılarla görüşdə deyib.

"Oyunların rəsmi açılış mərasimi bu gündür. Amma artıq oyunlar davam edir. Əminəm ki, bu gözəl nəticə digər idmançılar üçün də gözəl stimul olacaq", - Prezident vurğulayıb.

Qeyd edək ki, Türkiyənin Konya şəhərində keçirilən V İslam Həmrəyliyi Oyunlarında Azərbaycanı təmsil edən atlet Anna Skidan çəkicatma növündə qızıl medal qazanıb.

Ağdam Rayon Mərkəzi Xəstəxanasında aparılan dezinfeksiya işləri ilə bağlı 12 tibb işçisi yüngül dərəcədə zəhərlənib.

Bu barədə Baş Prokurorluğun Mətbuat Xidmətindən məlumat verilib.

Bildirilib ki, hazırda rayon prokurorluğunda araşdırma aparılır.

***

Bu gün Ağdam Rayon Mərkəzi Xəstəxanasının 12 əməkdaşı zəhərlənmə diaqnozu ilə xəstəxananın Qəbul şöbəsinə yerləşdirilib.

Bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, onların hər birinin vəziyyəti stabil olaraq qiymətləndirilir: "Hazırda müalicələri davam etdirilir, onların vəziyyəti TƏBİB rəhbərliyinin nəzarətindədir. Zəhərlənmənin səbəbi araşdırılır".

Bakıda dəhşətli intihar hadisəsi baş verib.

Avrasiya.net Nyus24.az-a istinadən xəbər verir ki, 17 yaşlı Nicat Məhərrəmov özünə qəsd edib. O, yaşadığı binanın yaxınlğındakı çoxmərtəbəli binanın 17-ci mərtəbəsinə qalxaraq dəhlizdə özünü asıb.

Araşdırmalar zamanı məlum olub ki, intihar edən 17 yaşlı Nicat Azərişıq ASC-nin Mərkəzi Aran Regional enerji təchizatı idarəsinin rəis müavini Namiz Məhərrəmovun oğludur.

Nicat bu il orta məktəbi bitirib və sənədlərini ali məktəbə verib. O, buraxılış və qəbul imtahanlarında ümumilikdə 600 bal toplayaraq yüksək nəticə göstərib. 17 yaşlı gəncin hansı səbəbdən intihar etməsi məlum deyil.

Faktla bağlı araşdırma aparılır.

Avqustun 9-da Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğanın dəvəti ilə Türkiyəyə işgüzar səfərə gedib.

"Report" xəbər verir ki, hər iki ölkənin Dövlət bayraqlarının dalğalandığı Konya şəhərinin Hava Limanında dövlətimizin başçısının şərəfinə fəxri qarovul dəstəsi düzülmüşdü.

Prezident İlham Əliyevi və Birinci xanım Mehriban Əliyevanı Türkiyənin gənclər və idman naziri Mehmet Kasapoğlu, Konya şəhərinin valisi Vahdettin Özkan və digər rəsmi şəxslər qarşılayıblar.

Dövlət başçısı fəxri qarovul dəstəsini salamlayıb.

Qanunsuz narkotik dövriyyəsində ittiham olunaraq şərti cəza təyin olunmuş sabiq polis əməkdaşı Tural Mahmudov barəsindəki hökmdən verilmiş apellyasiya protestinə baxılıb.

Avrasiya.net APA-ya istinadən xəbər verir ki, prokurorun şikayəti əsasında Bakı Apellyasiya Məhkəməsində yenidən araşdırılan işlə bağlı qərar elan olunub.

Hakim Rəşad Abdulovun sədrlik etdiyi məhkəmə heyəti Tural Mahmudov barəsindəki cəzanı ittihama görə həddən artıq yüngül hesab edərək birinci instansiya məhkəməsinin hökmünü tamamilə ləğv edib.

Məhkəmənin qərarı ilə Tural Mahmudov Cinayət Məcəlləsinin 234.4.3(qanunsuz olaraq narkotik vasitələri, psixotrop maddələri əldə etmə, saxlama, daşıma, göndərmə və ya satma külli miqdarda törədildikdə) maddəsi ilə təqsirli bilinərək 4 il 6 ay azadlıqdan məhrum olunub. Sabiq polis əməkdaşı məhkəmə zalında həbs olunub.

Xatırladaq ki, Tural Mahmudov Daxili İşlər Nazirliyinin (DİN) Baş Narkotiklərlə Mübarizə İdarəsi tərəfindən həbs olunub. İstintaq orqanı tərəfindən onun barəsində Cinayət Məcəlləsinin 234.4.3 ( qanunsuz olaraq narkotik vasitələri, psixotrop maddələri əldə etmə, saxlama, daşıma, göndərmə və ya satma külli miqdarda törədildikdə) maddəsi ilə yekun ittiham verilib. İbtidai və məhkəmə istintaqı zamanı həbsdə olan Tural Mahmudov may ayında Bakı Ağır Cinayətlər Məhkəməsində hakim Əfqan Hacıyevin sədrliyi ilə keçirilən prosesdə azadlığın məhdudlaşdırılması (elektron qolbaq) cəzası alaraq azadlığa buraxılmışdı.

Onu da qeyd edək ki, polis mayoru Tural Mahmudov əvvəllər Salyan Rayon Polis Şöbəsində narkotiklərlə mübarizə bölməsində əməliyyat müvəkkili, həmçinin pasport qeydiyyat şöbəsinin rəisi olub.

2018-ci ildə isə daxili işlər orqanlarından xaric olunub.

Qaxda intihar hadisəsi baş verib.

APA-nın şimal-qərb bürosunun məlumatına görə, hadisə bu gün səhər saatlarında rayonun Əmircan kəndində qeydə alınıb.

Kənd sakini 1959-cu il təvəllüdlü Valeh Ramazan oğlu Ramazanovun meyiti yaşadığı ünvanda asılı vəziyyətdə ailə üzvləri tərəfindən aşkar edilib. Uzun müddət xəstəlikdən əziyyət çəkən Valeh Ramazanovun intihar etdiyi məlum olub.

Faktla bağlı Qax Rayon Prokurorluğunda araşdırma aparılır.

“Azərbaycanda COVID-19 pandemiyası ilə əlaqədar müəyyən karantin tədbirləri tətbiq oluna bilər”.

Avrasiya.net xəbər verir ki, bunu ATV kanalına müsahibəsində TƏBİB-in nümayəndəsi, Elmi-Tədqiqat Profilaktika İnstitutunun elmi işlər üzrə direktor müavini Akif Qurbanov deyib.

O bildirib ki, əgər xəstəliyə yoluxma sayı ciddi şəkildə artarsa, xəstəxanaya yerləşdirilənlərin də sayı arta bilər:

“Biz üzü payıza doğru gedirik. Havaların soyuması başlayacaq. Ola bilər ki, yoluxma sayının həddən artıq artması stasionara yerləşdirilən xəstələrin həddindən artıq artmasına səbəb olsun. Bu da bizim səhiyyə sistemini yükləyəcək. Ona görə də müəyyən karantin tədbirləri də həyata keçirilə bilər”.

Mütəxəssis 18 yaşına çatmış bütün şəxslərə vaksinasiya prosesindən kənarda qalmamağı məsləhət görüb:

“Şərtlərə müəyyən qədər əməl etməliyik. Sıxlıq olan yerlərdə lüzumsuz təmaslardan çəkinmək, maskalardan istifadə etmək lazımdır”.