"Avropa Birliyinin Cənubi Qafqazda hər zaman böyük iqtisadi maraqları olub"
Avropa İttifaqı komissarının müharibənin nəticələrinin tam qəbul edildiyinə istiqamətlənmiş postmüharibə mərhələdən danışması, Aİ-nin müharibənin nəticələrinin aradan qaldırılması və regionda uzunmüddətli sülhün yaranması istiqamətində işləməyə hazır olduğunu bir daha sübut edir.
Bunu Avrasiya.net-ə Sosial Rifah və Tədqiqatlar İctimai Birliyinin sədri Əkrəm Bəydəmirli bildirib.
QHT sədri deyib ki, dünyanın, o cümlədən Avropa Birliyinin Cənubi Qafqazda hər zaman böyük iqtisadi maraqları olub. Azərbaycan tərəfi bu maraqları öz milli mənafeyinə uyğun şəkildə tənzimləyib. Müasir dövrün çağrışlarına uyğun olaraq AB postmüharibə dövründə bu əməkdaşlığı dərinləşdirmək istəyini bir daha ortaya qoyub. Bu əməkdaşlıq Qarabağda qurucuqluq işlərinə, nəhəng tranzit layihəlrə töhfə verməklə bərabər Azərbaycanın tarixi qələbəsini tanımağa doğru atılmış addımdır: "Praqmatik düşünən, regionda vəziyyəti düzgün anlayan Avropa İttifaqı komissarı Azərbaycan üzərindən keçən tranzit layihələrə dəstəyini ifadə edib. Təbii ki, bu, əməkdaşlıqda Azərbaycanın ərazi bütövlüyunun təmin edilməsi, sabitlik vacib prinsip olduğu diqqətə çatdırıldı".
