Kim Çenin bacısı prezidenti axmaq adlandırdı
Dərc olunub:
24-11-2022, 11:18
Koreya Fəhlə Partiyası Mərkəzi Komitəsinin şöbə müdirinin müavini, Şimali Koreya lideri Kim Çen İnin bacısı Kim Yo Conq Cənubi Koreya hökumətini və prezident Yun Suk-Yeolu axmaq adlandırıb.
Axar.az xəbər verir ki, bu barədə CTC məlumat yayıb.
O bildirib ki, Seul Vaşinqtonun “kuklası və sadiq iti” kimi Şimali Koreyaya qarşı sanksiyalardan bəhs edir:
“Onların sanksiyaları faydasızdır. Onları yüz, hətta min dəfə də tətbiq edə bilərlər. Əgər onlar hansısa sanksiyadan danışaraq mövcud vəziyyətdən çıxa biləcəklərini düşünürlərsə, deməli, onlar həqiqətən də tam axmaqdırlar”, - Kim Yo Conq bildirib.
