Jurnalistlərin minaya düşdüyü yer... - Dron görüntüləri

Məşhur fotoqraf Reza Deqati Kəlbəcərdə azərbaycanlı jurnalistlərin şəhid olduğu ərazidə olub.

Avrasiya.net xəbər verir ki, bu barədə fotoqraf İnstaqram hesabında paylaşım edib.

“Qarabağda erməni qüvvələri tərəfindən yerləşdirilmiş milyonlarla minadan birinin partlatması nəticəsində burada iki azərbaycanlı jurnalist həlak oldu. Hərbi məğlubiyyətlərindən sonra ermənilər getməzdən əvvəl daha minlərlə mina və tələlər quraşdırıblar”, - deyə, R.Deqati bildirib.

Fotoqraf Ermənistanın beynəlxalq konvensiyaları pozaraq Azərbaycana mina xəritələrini vermədiyini qeyd edib.