İtkin düşən erməni muzdlulardan biri öldü
Ötən gün şiddətli qar fırtınası səbəbindən Ermənistan ordusunun iki muzdlu əsgəri itkin düşüb.
Erməni mediası xəbər verir ki, artıq axtarış işlərinə başlanılıb.
Qeyd edək ki, bundan öncə Teleqram kanallarında erməni əsgərlərin ötən gün saat 15:00-da Cermuxdakı hərbi hissədən itkin düşdüklərini bildirilmişdi. Qeyd olunurdu ki, əvvəllər Kəlbəcərdə yerləşən, indi isə Cermuxa dislokasiya olunan hərbi hissənin əsgərləri Karen Şahnazaryan və Aqasi Ovannisyan itkin düşüb.
***
İtkin düşən muzdlu əsgərlər gecə tapılıb və xəstəxanaya yerləşdirilib. K.Şahnazaryan bu gün xəstəxanada ölüb.
Bu barədə Ermənistan Müdafiə Nazirliyi məlumat yayıb.
Qeyd edək ki, Ermənistan MN əsgərlərin necə itkin düşməsi, harada və hansı şəraitdə tapılması, onlarla nə baş verdiyi haqda heç bir təfərrüatı açıqlamayıb və bunları sirr kimi saxlayır.
