Türkiyədə bələdiyyə sədrinə silahlı hücum edildi

Türkiyənin Burdur şəhərinin Yelova qəsəbəsinin bələdiyyə sədri Mümtaz Şenelin evinə gecə saatlarında silahlı hücum edilib.

Axar.az xəbər verir ki, insident nəticəsində M.Şenel və xanımı yaralanıb.

Hücumun kimlər tərəfindən törədildiyi hələlik məlum deyil.

Bələdiyyə sədri və xanımının vəziyyətinin yaxşı olduğu bildirilib.

Qeyd edək ki, Mümtaz Şenel Türkiyənin Cümhuriyyət Xalq Partiyasının (CHP) üzvüdür.