Regionda yeni supergüc yaranır

Yunanıstan, Misir, Avropa Birliyi, ABŞ Türkiyənin Aralıq dənizində üstünlüyü ələ almasından narahatdır.

Axar.az xəbər verir ki, bu sözləri tanınmış türk yazar İbrahim Qaragül qeyd edib.

“Türkiyənin Liviya, Suriya və Aralıq dənizi siyasəti vahid məqsədə xidmət edir. Əgər Qırmızı dənizdə, Fars körfəzində mövcud olmasan, Anadoluda öz varlığını davam etdirə bilməzsən. Çünki xaricdən təzyiq göstərənlərlə daxildə xəyanət edənlər müttəfiqdir. Türkiyə bu qüvvələrin üstündən keçib, yoluna davam edəcək.

Artıq Türkiyə müdafiə yox, hücumameyilli siyasət yürüdür. Türkiyənin bu güc siyasəti bütün region üçün qurtuluş yoludur. Əslində, dünya yeni bir supergücün yaranmasının şahidi olur”, - İ.Qaragül bildirib.