İki möhtəşəm müharibəni qazandıq - Tramp

ABŞ Prezidenti Donald Tramp konfederasiya komandanlarının adını daşıyan hərbi bazaların adının dəyişdirilməsi təklifinə qarşı bir daha çıxış edib.

Axar.az xəbər verir ki, dövlət başçısı hərbi bazaların adının dəyişdirilməsi qərarının qüvvəyə minəcəyi təqdirdə 2021-ci il müdafiə büdcəsini təsdiqləməkdən imtina edəcəyini bildirib.

“Fort Braq", "Fort Robert Li". Bazalar uzun illər bu adları daşıdı. Hərbçilərin nə dediyi vecimə də deyil. Mən qərar verməliyəm. Heç kim general Braqın kim olduğunu belə bilmir. Bəs ona nə ad verəcəyik? Ona “Aziz Şarpton” deyəcəyik? İki dünya müharibəsi, iki möhtəşəm dünya müharibəsi, rəhmsiz və qorxunc müharibələr və biz onları qazandıq. Braq Fortda qazandıq, hamısını bu bazalarda qazandıq. İndi də bu adlardan xilas olmaq istəyirlər. Buna qarşıyam”, - deyə Ağ Ev rəhbəri bildirib.