Maduro İrandan kömək istədi
Dərc olunub:
24-04-2020, 16:40
Venesuela Prezidenti Nikolas Maduro İrandan kömək istəyib.
Axar.az xəbər verir ki, Maduro ölkədə benzin qıtlığının qarşısını almaq məqsədilə köhnə neft emalı zavodunu yenidən bərpa etməyə qərar verib. Buna görə də, İrandan benzin istehsalında istifadə olunan əsas kimyəvi maddələr daşıyan təyyarə Venesuelaya göndərilib.
Artıq İrandan ikinci təyyarənin gəldiyi bildirilir.
Məlumata görə, yaxın günlərdə İran texnikləri də Venesuelaya gələcək.
Ümumiyyətlə isə İrandan benzin istehsalında istifadə olunan əsas kimyəvi maddələri daşıyan daha 14 uçuş reallaşacaq.
Qeyd edək ki, bir neçə həftə əvvəl paytaxt Karakas daxil olmaqla, bir çox şəhərlərə yanacaq doldurma məntəqələri qarşısında növbələr yaranıb.