Sizin Reklam Burada

Biz Birlikdə Güclüyük

Biz Birlikdə GüclüyükErmənistan silahlı qüvvələri tərəfindən Azərbaycan-Ermənistan sərhədinin Tovuz rayonu istiqamətində gərginlik hələ də qalmaqdadır. Təxribatçı fəaliyyətini davam etdirən Ermənistan beynəlxalq hüququn norma və prinsiplərini kobud şəkildə pozaraq yeni təcavüz aktları həyata keçirmək niyyətini açıq şəkildə nümayiş etdirir.

Bunu Avrasiya.net-ə Milli Məclisin deputatı Məzahir Əfəndiyev bildirib.

Deputatın sözlərinə görə, bununla da bölgədəki gərginliyin yeganə səbəbkarı kimi münaqişənin danışıqlar yolu ilə həllinə birbaşa əngəl törədir. Ermənistan rəhbərliyi dərk etməlidir ki, Azərbaycan ərazilərinin işğalı faktı ilə heç zaman barışmayacaq və torpaqlarımızın bir santimetri belə düşmən işğalı altında qalmayacaq:

"Son hadisələr bir daha Azərbaycan dövlətinin gücü, xalqla birliyini göstərdi. Bunu dövlətə və orduya dəstək aksiyasının keçirilməsi bir daha sübut etdi. Aksiya həm də sıravi əsgəri ilə ön cəbhədə olaraq şəhidlik zirvəsinə yüksələn generalımız və digər həlak olan zabit və əsgərlərimizin ruhuna dərin ehtiramın ifadəsi idi. Ölkədə fəaliyyət göstərən siyasi partiyalar və qeyri-hökumət təşkilatları Azərbaycan dövlətinin yanında olduqlarını bəyan etdilər. Bu gün minlərlə insan Prezidentin çağırışına səs verərək könüllü hərbi xidmət üçün qeydiyyatdan keçirlər. Bütün bunlar xalqın öz dövlətinə, rəhbərinə olan sevgisinin və inamının təzahürüdür".

M.Əfəndiyev qeyd edib ki, bununla belə, aksiya zamanı bir qrup şəxsin sərhəddə və cəbhə xəttində əməliyyatların getdiyi bir vaxtda ixtişaş törətmək cəhdləri, Milli Məclisin binasına qanunsuz girərək dağıntılar törətməsi, vətəndaşlıq mövqeyinə və dövlətçiliyə zidd olmaqla yanaşı, şəhidlərimizin müqəddəs ruhuna bir hörmətsizlik əlaməti idi. Dövlətimiz belə təxribatların qarşısını qətiyyətlə almış və bundan sonra da alacaqdır. Şübhəsiz ki, bu hadisələr araşdırılacaq və təqsirkarlar hüquqi müstəvidə layiqli cavablarını alacaqlar:

"Bu gün istər pandemiyaya qarşı, istərsə də cəbhədə düşmənə qarşı mübarizədə ən vacib məsələ güclü milli iradə nümayiş etdirməklə həmrəyliyə nail olmaqdan ibarətdir. Ölkə ictimaiyyətinə və xalqımıza səslənərək bildirirəm ki, bu ağır, çətin günlərdə əqidəsindən, düşüncəsndən və siyasi baxışlarından asılı olmayaraq birlik nümayiş etdirmək, dövlətimizə və Ali Baş Komandana hərtərəfli dəstək olmalıyıq. Çünki, vətən uğrunda döyüşdə yalnız bir tərəf olur – işğalçı ölkə, təcavüzkar Ermənistan.
Həm bu günümüzü, həm də gələcəyimizi hədəfə alan mənfur düşmənlə mübarizədə qələbə çalmağın yeganə yolu bir olmaqdan, həmrəy olmaqdan, Cənab Prezidentin ətrafında sıx birləşməkdən keçir".




Добавить комментарий

Оставить комментарий

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
yenilə, əgər kod görünmürsə

Xəbər lenti


Son xəbərlər