Süleymaninin yerini ABŞ kəşfiyyatına deyən şəxs edam olundu - FOTO
İran İnqilab Keşikçiləri Korpusunun (SEPAH) “Qüds” briqadasının komandanı, general Qasım Süleymaninin ölümündə təqsirləndirilən Mahmud Musəvi Məcd edam edilib.
Casusluqda ittiham olunan şəxslə bağlı çıxarılan hökm iyulun 20-də səhər saatlarında icra olunub.
Mahmud Musəvi Məcd həm İsrail kəşfiyyatına, həm də ABŞ kəşfiyyatına işləyib. O, pul alaraq Qasım Süleymaninin gediş-gəlişi ilə bağlı məlumatları toplayıb və aidiyyəti üzrə ötürüb.
Xatırladaq ki, bu ilin yanvar ayında Bağdad Hava limanının raket zərbələrinə məruz qalması nəticəsində SEPAH-ın “Qüds” briqadasının komandanı, general Qasım Süleymani və İranın himayədarlıq etdiyi Xalq Səfərbərlik Qüvvələrinin (XSQ) komandan müavini Əbu Mehdi əl-Mühəndisi öldürülüb.
Buna cavab olaraq İran İraqda 110-dək ABŞ əsgərinin yerləşdiyi bazaya ballistik raket zərbəsi endirdi.