Ziya Məmmədovun avtobusları su qiymətinə satılırZiya Məmmədovun nəqliyyat naziri olduğu dövrdə alınaraq Bakıya gətirilən avtobuslar Nəqliyyat, Rabitə və Yüksək Texnologiyalar Nazirliyi tərəfindən dəfələrlə hərraca çıxarılsa da, satılmır.

Axar.az xəbər verir ki, vaxtilə istifadə edilən Almaniya və Koreyadan alınan avtobuslar artıq 2 ildir ki, hərraca təqdim edilir. Lakin indiyə qədər alıcı tapılmayıb. Auksiona ümumilikdə 35 avtobus təqdim edilib ki, onlardan 27-si “Daevoo BC212MA”, 8-i isə “Man Lion S Klassik A-74” markalı avtobuslardır. 2008-2009-cu il istehsalı olan bu avtobuslar Azərbaycana 2008-2010-cu illərdə gətirilib.

Dəfələrlə eyni qiymətlə hərraca təqdim edilən avtobuslara alıcı olmadığı üçün qiyməti demək olar ki, yarı-yarıya endirilib. Belə ki, ilk hərracda 22.500 manata təqdim edilən “Man Lion S Klassik A-74” avtobusları sonuncu hərracda 18.750 manata təqdim edilmişdi. Bu hərracda isə 12.500 manata təqdim edilib.

İlkin endirilmiş qiyməti 12.150 manata olan “Daevoo BC212MA” avtobusları isə indi 6.750 manata satışa çıxarılıb.

Xatırladaq ki, fəaliyyəti ləğv edilən Nəqliyyat Nazirliyi tərəfindən ölkəyə gətirilən bu avtobusların satışı üçün hərrac 9 aprel tarixində həyata keçiriləcək.
Hüseyn Dəryanın qəbri açılmalıdır - VİDEOMərhum reperin qəbri açılmalıdır.

“Hüseyn Dəryanın bir övladı var, o da Ayşədir”.

AzNews.az xəbər verir ki, bunu mərhum reper Hüseyn Dəryanın bacısı Ofelya xanım ATV kanalında “Bizimləsən” verilişində Ayşə ilə bağlı DNT analizinin cavabından danışarkən deyib.

O bildirib ki, ailə olaraq Hüseynin ikinci həyat yoldaşından olan oğlu Cahangir Dərya ilə bağlı DNT analizinin keşirilməsini tələb ediblər:

“Biz bu məsələni 5 il əvvəl eşitdik. Dedilər ki, Cahangir Hüseynin oğlu deyil. Bunu Sonaya dedik. O, çox əsəbiləşdi. Hətta onu deyən adamları məhkəmə ilə hədələdi. Biz Sona və onun anasını evə çağırdıq, dedik ki, DNT analizi verin, rahat olaq. Amma vermədilər”.

Qeyd edək ki, Hüseyn Dəryanın qızı Ayşə “Bizimləsən” verilişinə gələrək DNT analizinin keçirilməsi üçün Zaur Baxşəliyevdən dəstək istəyib. Analizin nəticələrinə görə, atalıq testində 15 gendən 13-ü uyğun gəlib. Aparıcı isə qeyd edib ki, 15 genin hamısının uyğun gəlməsi üçün Hüseyn Dəryanın qəbri açılmalıdır.
Bakıda doğuş zamanı əkiz uşaqlar öldü Bakıda körpə ölümü baş verib.

Avrasiya.net-in ONA-ya istinadən məlumatına görə, hadisə Baku Medical Plazada qeydə alınıb. 1990-cı il təvəllüdlü Ülkər Rasim qızı Əhmədova əkiz uşaqlar dünyaya gətirib. Uşaqların hər ikisi doğuş zamanı ölüb.

Baku Medical Plazadan ONA-ya bildirilib ki, körpələr ölü vəziyyətdə doğulub.

Faktla bağlı Nəsimi rayon Prokurorluğu tərəfindən araşdırma aparılır.
Nazir Mirhəşimovu rəis təyin etdiDaxili İşlər naziri general-polkovnik Ramil Usubovun əmri ilə polis polkovnik leytenantı Anar Mirhəşimov nazirliyin Baş İstintaq və Təhqiqat idarəsində Təhqiqat İdarəsinin rəisi təyin olunub.

Avrasiya.net xəbər verir ki, bu barədə Unikal.org-a nazirlikdən məlumat verilib.

Qeyd edək ki, A.Mirhəşimov bu təyinata qədər həmin idarədə rəis müavini olub.
Ordumuz bu gündən genişmiqyaslı təlimlərə başlayırBu gündən Azərbaycan Ordusu ölkə Prezidenti, Silahlı Qüvvələrin Ali Baş Komandanı İlham Əliyevin təsdiq etdiyi plana əsasən, müdafiə nazirinin rəhbərliyi altında genişmiqyaslı təlimlərə başlayacaq.

Avrasiya.net-in məlumatına görə, təlimlər martın 11-dən 15-dək keçiriləcək.

Təlimlərə 10.000 nəfərədək şəxsi heyət, 500-dək tank, zirehli texnika, eləcə də avtomobil və xüsusi texnika, 300-dək müxtəlif çaplı raket və artilleriya qurğusu, reaktiv yaylım atəş sistemi və minaatan, 20-dək müxtəlif təyinatlı ordu və cəbhə aviasiyası cəlb olunacaq.

Təlimlərdə qoşunlar hücum əməliyyatının hazırlanması, şərti düşmənə bir neçə istiqamətdə zərbə vurulması, onun müdafiəsinin yarılması və qruplaşmalarının darmadağın edilməsi, eləcə də düşmən ərazisinin dərinliyində yerləşən hərbi və strateji obyektlərə raket-artilleriya zərbələrinin endirilməsi tapşırıqlarını yerinə yetirəcək.

Eyni zamanda təlim mərkəzləri və ümumqoşun poliqonlarında müasir silah sistemləri və vasitələrinin tətbiqi ilə döyüş atışları, o cümlədən raket buraxılışları praktiki icra olunacaq.

Qeyd edək ki, Azərbaycan Ordusunun bu təlimləri işğalçı Ermənistanda ciddi təşvişə səbəb olub.
Eynulla Fətullayevdən Qoşqar Təhməzliyə ağır ittihamlar: "Çirkin əməllər..."Haqqın.az və virtualaz.org saytlarının rəhbəri Eynulla Fətullayev ölkə gündəmində hadisə ola biləcək bir iddia ilə çıxış edib.

Musavat.com mövzunun ictimai əhəmiyyətini nəzərə alaraq, həmin iddianı təqdim edir:

"Məncə, bu gün Azərbaycanda korrupsiyaya ən çox bulaşmış dövlət orqanı - Qida Təhlükəsizliyi Agentliyidir. Şəhərin canına düşüb bütün kafe və restoranlardan rüşvət yığırlar. Halbuki, beynəlxalq təşkilatların rəyinə görə, Azərbaycanda qida təhlükəsizliyi problemi katastrofik durumdadır.

Hər səhər, təxminən saat 5.00-dan - 8.00 qədər Təzə Bazarda ölü ətinin kilosunu 1 manatdan satırlar. Restoran və dönərxana sahibləri bu qara nöqtənin əsas müştərilərindəndir. Qida Təhlükəsizliyi Agentliyi bu qara bazardan rüşvət alır və belə cinayətlərə göz yumur...

Məncə, bu Agentliyinin fəaliyyəti ciddi nəzarətə götürülməlidir"

Eynulla Fətullayev agentliyin rəhbəri Qoşqar Təhməzlinin fotosunu Facebookda paylaşaraq, altından aşağıdakı ağır cümləni yazıb: "Tanış olun: Qoşqar Təhməzli, Agentliyin rəhbəri, faktiki olaraq özümüzə və balalarımıza qarşı çirkin əməllərin iştirakçısı!"
Əflatun Amaşov Əli Həsənovu təbrik edibMətbuat Şurasının sədri, deputat Əflatun Amaşov sosial şəbəkədəki hesabında Prezident köməkçisi Əli Həsənovun doğum günü münasibətilə özünün fikirlərini yazıb.

Avrasiya.net həmin qeydləri təqdim edir:

Bu gün Azərbaycan Respublikası Prezidentinin köməkçisi, professor Əli Həsənovun doğum günüdür. Əli müəllimi səmimi qəlbdən təbrik edirəm.

Əli Həsənov şəxsiyyətini xarakterizə edən bir çox xüsusiyyətlər var. Bu barədə saatlarla söhbət açmaq mümkündür. Ancaq bir sözlə onu demək olar ki, Əli müəllim bütöv adamdır. Bütövlük dedikdə ilk növbədə yada düşən sədaqətdir. Əli Həsənovun sadiqliyi sınaqlardan çıxmış yüksək mənəvi keyfiyyət örnəyidir.

Və dövlətçilik ruhu. Əli müəllim bütün varlığı ilə bu ruhu yaşadan parlaq simadır. Bu ruh ulu öndər Heydər Əliyevin ideyalarından nəşət alır. Bu ruh Prezident İlham Əliyevin prinsipiallığından və qətiyyətindən irəli gələn tədbirləri uğurla icra etməyə köklənib. Bu kökləniş sadiqliyin səmimiyyət və insanpərvərliklə, qayğıkeşlik və nəzakətlə çulğalaşmış məxsusi formuludur.

Cənab Əli Həsənovu doğum günü münasibətilə bir daha ürəkdən təbrik edirəm. Ona Azərbaycan naminə fəaliyyətində bol enerji arzulayıram. Hər zaman möhkəm, sağlam olsun. Uca Tanrı yar və yardımçısı olsun. 59 yaşın gətirdiyi sevinc, qürur hissi onu yeni uğur və müvəffəqiyyətlərə daşısın!
Azərbaycan mafiyasının böyük oyunları: narkotik biznesi...“Lotu Quli" ləqəbli azərbaycanlı kriminal avtoritet Nadir Səlifov Rusiyanın böyük obyektlərindən biri hesab olunan "Food City" aqroklasterinə nəzarəti ələ keçirməsilə bağlı məlumat verilmişdi.

"Food City" daha öncə 2016-cı ildə Türkiyədə qətlə yetirilən qanuni oğru Rövşən Lənkəranskinin əmisi oğlu Zaur Əhmədovun nəzarəti altında idi.

Qeyd olunur ki, Qulinin aqroklasteri ələ keçirməsi onu Lənkəranskinin qətlini sifariş edən şübhəli şəxs kimi daha da gücləndirib. Mafiya klanlarının Lənkəranskinin paytaxtdakı səhmləri uğrunda mübarizəsi məhz Rövşənin ölümündən sonra başlayıb. O zamanlar Azərbaycanda həbsxanada olan Səlifov öz emissarları vasitəsilə Canıyevin Moskvadakı obyektlərini zəbt etməyə başlayıb.

Lotu Quli indi 85 hektar sahəsi və 13 min işçisi olan kompleksini Skayp vasitəsilə idarə edir. O, zəngin iş adamları ilə videokonfranslar təşkil edərək əlaqə saxlayır.

Xatırladaq ki, ötən il sentyabrın sonunda "Moskva" yarmarkasında - paytaxtın ən böyük ticarət komplekslərindən birində kütləvi dava baş vermişdi.

İnsidentin alovlanmasının səbəbi kimi yerli mühafizə işçilərinin tacirlərdən birini döyməsi göstərilir: cavan ticarətçi "yuxarı" çatacaq hesabı ödəməkdən imtina etmişdi...

Bu hadisə əyani olaraq göstərir ki, Moskvanın ən böyük bazarları, ticarət mərkəzləri qanundan tamamilə uzaq - "oğru" qaydaları ilə nizamlanır.

Axar.az Milli.az-a istinadla Moskvanın ticarət obyektlərinin hasarları arxasında baş verən "tünd işlər" haqda təfərrüatı oxucuların diqqətinə çatdırır.

Bazarlar kralının ölümü


18 avqust 2016-cı ildə gecə saatlarında qara rəngli "Renc Rover İstanbulun mərkəzi mehmanxanasının yanında güllə-baran edildi. Cinayət başında 65 giliz tapılmışdı. İsrail istehsalı tapança-pulemyotlar olan "Uzi"lərdən yolsuzluq avtomobili deşik-deşik edilmişdi.

Hədəf "Renc Rover"in arxa oturacağında oturmuş Lənkəranski ləqəbli, 41 yaşlı azərbaycanlı kriminal avtoritet Rövşən Canıyev idi. Qatillərin güllələri hədəfə çatır: Lənkəranski ağır yaralanır və həmin gün "Florence Nightingale" klinikasında dünyasını dəyişir. Onun cəsədi xüsusi reyslə Azərbaycanın Lənkəran şəhərinə çatdırılır və 19 avqust 2016-cı ildə dəfn edilir. Matəm mərasimdə minlərlə insan iştirak edir...

Məhz Lənkəranskini Aslan Usoyanın (Ded Xasan) 2013-cü ildəki qətlinin mümkün sifarişçisi hesab edirdilər. Ehtimal ki, kürdlər Lənkəranskidən bu yolla qisas aldılar. Amma Lənkəranskinin düşmənləri arasında kriminal dairələrdə "Lotu Quli" ləqəbi ilə məşhur olan, azərbaycanlı kriminal avtoritet, 44 yaşlı Salifov Nadir Nəriman oğlu da var. O, 27 yaşında, 2000-ci ildə qanuni oğru tacına yiyələnib. Nüfuzlu kriminal mətbu orqan - "Praym Kraym" portalının redaktoru Viktoriya Qefterin sözlərinə görə, Lotu Quli Azərbaycan qanuni oğrularının arasında qeyd-şərtsiz ən nüfuzlusudur.

Adətən kriminal avtoritetlərin, qanuni oğruların bütün ticarət işləri yad gözlərdən gizlədilir. Bununla belə, Viktoriya Qefter qeyd edir ki, Lənkəranskiyə Moskvanın mərkəzində, Kolujskaya şossesində şəhərin ən nəhəng ticarət nöqtələri aid idi. "Food City" ən böyük topdan-pərakəndə ərzaq satışı mərkəzidir. Canıyevin ölümündən sonra "təsərrüfat"la Lənkəranskinin əmisi oğlu 39 yaşlı Zaur Əhmədov məşğul olmağa başladı.

Təhlükəli miras


Çiçəklənən biznesmen Əhmədov öz əmisi oğlunun qətlini unutmurdu: "Praym Kraym"ın məlumatına görə, o, dəfələrlə bildirirdi ki, Rövşəndən qalan saysız-hesabsız sərvətləri xərcləməyə hazırdır, təki onun qisası alınsın.

Nüfuzlu cinayətkar fiqurlardan Əhmədovun təhlükəli planını heç kəs dəstəkləmədi. Agentlik qeyd edir ki, operativ məlumatlara görə, məhz o bu yaxınlarda Lotu Qulinin adamlarının güllələnməsinə sponsorluq edib.

"Əhmədov Lotu Quliyə qarşı Rövşənin etdiyi eyni siyasəti həyata keçirir və buna görə də, Zaurun həyatı tükdən asılıdır", - Viktoriya Qefter Qulinin gücünü izah edir.

Əsasların arasında lider


Bəzi mənbələrin məlumatına görə, paytaxtın ən böyük bazarlarına nəzarət Bakinski ləqəbli Vaqif Suleymanovun da əlində ola bilər - o, qanuni oğrulardan Rusiya ərazisində leqal yaşamaq icazəsi olan yeganə şəxsdir. Lakin Viktoriya Qefter bunu istisna edir. Təcrübəli kriminal jurnalist dəfələrlə məqalələrində Vaqifin bazarlardan uzaq durmağa çalışdığını yazıb...

Eyni zamanda, ticarət mərkəzlərinə nəzarətə “Gəncinski” ləqəbli qanuni oğru Rəşad İsmayılov cəlb olunmuş ola bilər. Ancaq "Praym Kraym"ın fikrincə, bu da həqiqətdən uzaqdır.

"Rəşad Lotu Qulinin adamıdır, o, heç nəyə ayrıca nəzarət etmir. Dediyim kimi Quli azərbaycanlılar arasında nömrə birdir, buna görə də, məhz o, hər şeyə nəzarət edir", - Viktoriya Qefter izah edir.

"Əlbəttə, cinayət dünyasından danışarkən, narko-ticarəti yada salmamaq olmaz. Belə ki, Əfqanıstandan gələn heroin önəmli ölçüdə virtual və səyyar ticarətçilərin köməyi ilə küçələrdə satılır. Tacik mobil operatorları bu işdə son rolu oynamırlar. Amma maraqlısı budur ki, azərbaycanlıların məşğul olduqları ənənəvi çiçək biznesi, Latın Amerikası ölkələrindən gələn kokainin satılmasında əvəzsiz rol oynayır", - redaktor bildirir.

Gül kimi narkotik


Onu da qeyd etməyə lazım bilirik ki, Milli Narkotik Əleyhinə İttifaqın sədri Nikita Luşnikov mətbuata aşıqlamasında kokainin çiçək mağazalarında satıldığını bildirib.

Onun sözlərinə görə, sxem sadədir: satıcılar əllərində buketlərlə küçəyə çıxırlar, müştəri-sürücü avtomobilin şüşəsini açır və "gülləri" alır. "Mən əminəm ki, Daxili İşlər Nazirliyində bu haqda bilirlər", - narkotiklərlə mübarizəçi davam edir - "Amma bir-iki səyyar satıcını saxlamaq effektsiz olduğu üçün əməkdaşlar, ehtimal ki, cinayətkar qruplaşmanı böyük miqyasda zərərsizləşdirmək istiqamətində sistem hazırlamağa çalışırlar. Bu da öz növbəsində çətindir, çünki narkotik alverçiləri peşəkarlıqla hərəkət edirlər və satış nöqtələrini daim dəyişirlər".

Cinayətkar biznes şəbəkəsi 2 səbəbdən gül dükanlarını seçib. Luşnikov qeyd edir ki, birincisi, xırda ticarət nöqtələri ilə razılaşmaq daha rahatdır. Əsasən satıcılar miqrantlardan ibarət olur ki, onlar sürətli və yüngül qazancdan imtina etmirlər. İkincisi, gül dükanları gecə-gündüz işləyir və narkotiklər bir qayda olaraq, gecə alınır.

axar.az
37 yaşlı iş adamının müəmmalı ölümüSabirabad sakini müəmmalı şəkildə vəfat edib.

Rayon sakini, 1982-ci il təvəllüdlü Feyruz Mikayılov ağır vəziyyətdə Bakıya gətirilərkən yolda vəfat edib.

37 yaşlı Feyruzu Bakıdakı xəstəxanaya gətirən avtomobil Qaradağ rayonu ərazisində olarkən o, keçinib.

Yaxınlarının bildirdiyinə görə, F.Mikayılovda ağciyər çatışmazlığı olub.(teleqraf.com)
"Həm leqal miqrasiya, həm də turizm xəttində təhlükəsizliyə təhdid mövcuddu"Həm leqal miqrasiya, həm də turizm xəttində təhlükəsizliyə təhdidlərin qarşısını almaq üçün kompleks tədbirlər görülməlidir. Trend-in məlumatına görə, bu barədə politoloq Arzu Nağıyev deyib.

A.Nağıyev bildirib ki, ümumilikdə həm leqal miqrasiya, həm də turizm xəttində təhlükəsizliyə təhdid mövcuddur:

"Məhz buna görə də leqal miqrasiya və turizm xəttində təhlükəsizliyə təhdidlərin qarşısını almaq üçün kompleks tədbirlər həyata keçirilir və keçirilməlidir. Məlum məsələdir ki, viza tələb olunan dövlətlərdə bunu xüsusi xidmət orqanları həyata keçirə bilir. Vizasız rejimdə isə səfər edən xarici ölkə vətəndaşları barədə, ümumiyyətlə, zəruri məlumatlar haqqında baza yaradılmalıdır. Çünki son vaxtlar baş verən hadisələr göstərir ki, dünyanın bir sıra dövlətlərində terror aktları törədilərkən, istərsə də digər təhlükəsizliyə təhdid məsələlərində həm turizm, həm də miqrasiya xəttindən istifadə olunur. Bunun da qarşısını almaq üçün kompleks tədbirlər görülməli, əməliyyat şəraitinə nəzarət edilməli, həm vizasız, həm də viza ilə gələn vətəndaşların özlərinin də təhlükəsizliyinin qorunması istiqamətində müvafiq addımlar atılmalıdır. Bu, həm hüquq-mühafizə orqanlarının, həm Xarici İşlər Nazirliyinin, həm də Miqrasiya Xidmətinin üzərinə düşən birbaşa məsələlərdir".

Politoloq vurğulayıb ki, son vaxtlar Azərbaycan çoxsaylı beynəlxalq tədbirlərə, eləcə də idman yarışlarına ev sahibliyi edir: "Təbii ki, biz ölkəmizə xoş məramla gələnləri həmişə qarşılamağa hazır olan bir dövlətik. Bildiyiniz kimi, Azərbaycanda da sadələşdirilmiş viza rejimi tətbiq olunur. Bunu dövlət rəhbərliyi də nəzarətdə saxlayır. Ümumiyyətlə, yuxarıda sadalananları nəzərə alaraq, hüquq-mühafizə orqanları, xüsusi xidmət orqanları bütün bu məsələləri daim nəzarətdə saxlamalıdır".