Sofiya Leyla Əliyeva ilə söhbət etdi - FotoOktyabrın 27-də Heydər Əliyev Mərkəzində “Qlobal İnfluenser Günü” keçirilib.

Kult.az xəbər verir ki, tədbirin çıxışçıları arasında süni intellekt sahibi, robot “Sofiya” da olub. O bildirib ki, fərqli mədəniyyətlərin, dinlərin təmsilçilərini bir araya gətirən Azərbaycanın böyük potensialı var.

Tədbirdə iştirak edən Heydər Əliyev Fondunun vitse-prezidenti Leyla Əliyeva “Sofiya” ilə söhbət edib.

“Qlobal İnfluenser Günü” Nəqliyyat, Rabitə və Yüksək Texnologiyalar Nazirliyi və Heydər Əliyev Mərkəzinin birgə təşkilatçılığı ilə reallaşdırılan “İnnovasiya həftəsi” çərçivəsində keçirilib.

Tədbirdə informasiya dövründə insan beyninin inkişafından danışıldı. “Keepface DMCC” və “FA International Trade Events” tərəfindən təşkil olunan və “İnnovasiya həftəsi” çərçivəsində baş tutan “Qlobal İnfluenser Günü” Azərbaycanda müasir kommunikasiya və marketinq texnologiyalarına dövlət tərəfindən verilən önəmin təzahürü kimi qiymətləndirilib.

Çıxış edənlər bildirdilər ki, Nəqliyyat, Rabitə və Yüksək Texnologiyalar Nazirliyi tərəfindən startapçılar üçün zəruri infrastruktur yaradılıb. “Qlobal İnfluenser Günü” konfransı da bunun əyani göstəricisidir.

“Keepface” Qlobal İnfluenser Marketinq Platformasının həmtəsisçiləri Emin Vəliyev, Elşad Yusifli və Vaqif Abbasov çıxışlarında iştirakçılara tədbir barədə məlumat verdikdən sonra influenser marketinqin ideya və fəlsəfəsi barədə danışıblar, üç il əvvəl fəaliyyətə başlayan və auditoriyası bir milyard olan “Keepface” Qlobal İnfluenser Marketinq Platformasının 35 ölkədə çalışdığını diqqətə çatdırdılar. “Fəxr edirik ki, Azərbaycanda yaranan və azərbaycanlılardan ibarət komandası olan platforma yerli brendləri dünyaya təqdim edir”, - deyən “Keepface” Qlobal İnfluenser Marketinq Platformasının həmtəsisçiləri onları dəstəkləyən Azərbaycan dövlətinə minnətdarlıqlarını bildirdilər.

Yüksək texnologiyalar və innovasiyalarla bağlı videoçarxın nümayişindən sonra hamının maraqla gözlədiyi çıxışçı, süni intellekt sahibi, robot “Sofiya” səhnəyə çıxdı. Sofiya “Qlobal İnfluenser Günü” ideyasını yüksək qiymətləndirdi və tədbir təşkilatçılarına təşəkkürünü bildirdi. “Sofiya” Heydər Əliyev Mərkəzinin binasının möhtəşəm olduğunu qeyd etdi. O, bugünkü tədbirdə geyindiyi Azərbaycan milli geyimini də çox bəyəndiyini bildirdi.

Çıxışı zamanı “Sofiya” insan-robot münasibətlərinə də toxundu. “Bəziləri robotlardan qorxurlar, düşünürlər ki, yaxın gələcəkdə robotlar insanları özlərinə tabe edə bilərlər”, - deyən “Sofiya”nın sözlərinə görə, belə bir şey baş verə bilməz, çünki robotları yaradan insan zəkasıdır. Qeyd etdi ki, robotlar insanlara kömək etmək üçün yaradılır. O, səyahət etməyi xoşladığını söylədi, sosial şəbəkələrin əhəmiyyətinə toxundu, süni intellektin imkanlarından danışdı, Azərbaycanın üstünlüklərini vurğuladı. Bildirdi ki, fərqli mədəniyyətlərin, dinlərin təmsilçilərini bir araya gətirən Azərbaycanın böyük potensialı var. Çıxışı zamanı tamaşaçılar “Sofiya”nın zarafatının da şahidi oldular. “Sofiya” mətbəximizin nümunələrini dada bilmədiyindən təəssüfləndiyini bildirib.

Sonra Leyla Əliyeva Heydər Əliyev Mərkəzində təşkil edilən “Fobia Viar” sərgisi ilə tanış oldu. “Fobia Viar” Azərbaycanda virtual reallığın ən iri mərkəzlərindən biridir. Buranı ziyarət edənlər yüksək texnologiyalara dair müxtəlif müasir aparatlarla tanış ola bilərlər. Bu sərgi təkcə “Game zona”, yəni, oyun məkanı kimi deyil, eyni zamanda, virtual reallıqla bağlı proqramların yaradıldığı bir mərkəz kimi təqdim edilir. Mərkəz virtual reallığın muzeylərdə incəsənət sahəsində tətbiqini həyata keçirir.

Tədbirin sonunda Heydər Əliyev Fondunun vitse-prezidenti Leyla Əliyeva robot “Sofiya” ilə ünsiyyət qurub, şəkil çəkdirib.

“Sofiya” dünyada ilk süni intellektli humanoid robotdur. Bu robot 2015-ci ildə “Hanson Robotiks” şirkəti tərəfindən hazırlanıb və süni intellekt əsasında insanla ünsiyyət saxlaya, fikir mübadiləsi apara bilir. Robotun əsas fərqləndirici xüsusiyyətlərindən biri də insana məxsus 60-dan çox emosiyanı əks etdirməsidir. “Sofiya” bu günə qədər dünyada bir çox məşhur simalarla görüşüb, tanınmış televiziya kanallarında, xəbər proqramlarında və teledebatlarda iştirak edib.
İkram Rəhimovun “açıq məktubu”na sözardı...Və ya onun həbsini kim “sifariş edib”?

“Reallıq.info” saytını media qurumu, özünü də bu qurumun baş redaktoru kimi təqdim edən İkram Rəhimov oktyabrın 26-da saxlanılıb. AZƏRTAC-ın yaydığı məlumata görə, onu Dövlət Təhlükəsizliyi Xidmətinin əməkdaşları saxlayıblar. Səbəb, “Rəhimov İkram Rafiq oğlunun tabeçiliyində olan şəxslərlə birlikdə “Realliq.info” və digər “reket” informasiya saytları yaradaraq, müntəzəm şəkildə ayrı-ayrı vətəndaşlar barəsində rüsvayedici, böhtan xarakterli məlumatlar yayması, bu qəbil materialların yayımın dayandırılması müqabilində pul tələb etməsi, bu üsulla müxtəlif idarə və təşkilatlarda çalışan şəxslərdən, sahibkarlardan dövri haqq toplamasıdır...”. İnanırıq ki, obyektiv istintaq aparılacaq, həqiqətlər üzə çıxacaq. Arzu edək ki, həbsdə saxlanılmasına səbəb olacaq qədər faktlar olmasın, günahsızlığını isbat edib, azadlığa qovuşun, Allah qapısını açsın!

Amma təəssüf ki, İkram Rəhimov və tabeliyində olan şəbəkə, hətta bu anda belə, baş verənlərlə bağlı yanlış informasiyalar yayır, ictimai rəyi çaşdırır, onun saxlanılmasına səbəb olan real məqamların açıqlanmamasına çalışırlar. İkram Rəhimov DTX tərəfindən saxlanılmamışdan öncə Azərbaycan Respublikası prezidentinin ictimai-siyasi məsələlər üzrə köməkçisi, Cənab Əli Həsənova açıq məktub ünvanlamış, həmən məktubda Mətbuat Şurasının təmsilçilərindən biri olaraq, şəxsimə qarşı yalan, qərəz dolu ittihamlar səsləndirmişdir. Guya Mətbuat Şurasının sədri, millət vəkili Əflatun Amaşov və Şuranın Şikayətlər üzrə komissiyasının sədri olaraq mən, İkramın həbsini istəmişik! Onun Cənab Həsənova ünvanladığı məktub-məqalənin ictimailəşməsindən bir müddət sonra İkram Rəhimovun saxlanılması, istər-istəməz elə rəy yaradır ki, bu iki məsələ arasında əlaqə var. Məsələnin təfsilatını bilməyənlər üçün belə düşünmək, məntiqlidir.

Amma durum tam fərqlidir. Səbr edib yazını sonadək oxuyanlar, nəticə çıxara biləcəklər. İkramın mətbuatda dərc edilmiş məqalə-məktubunu oxuyanda dərhal anladım ki, həmişəki kimi yenə məntiqi çaşıb, hansısa yanlış arqumentin təsiri altındadır: hədəfi qarışdırıb, hədəf olaraq məni və təmsil olunduğum Mətbuat Şurasını seçib, amma məktubu Prezident Administrasiyasına ünvanlayıb?! Biz onun belə “çaşqın” davranışlarına, bir növ, alışqanıq. Bənzər proses bir ilə yaxındır ki, davam edir, 2017-ci ilin sentyabr ayından bu günə qədər barəmizdə dəfələrlə yazı yazıb, sosial şəbəkələrdə status paylaşıb, olmazın ittihamlar səsləndirib. Dinməmişik, cavab verməmişik, fikirləşmişik ki, bəlkə ağlı başına gələndə durub düşünər, özünə baxar, nə hallara düşdüyünün, nə işlər çevirdiyinin fərqinə varar. Əgər biz ona öz səviyyəsində cavab versəydik, ağlı kəsən biri deyərdi ki, İkram anlamadı, düşünə bimədi, Siz niyə kəmhövsələ davrandınız?! Amma olmadı, adam cavab almadıqca ruhlandı, ağlına gələni uydurdu və sosial şəbəkələrdə paylaşdı. Görünür, “ölünü özbaşına qoyarsan, vurub kəfəni dağıdar” misalı boşdan yaranmayıb!

Sonuncu “məktub-məqaləsində” yer alan detallara vaxt ayırmıram. linki əlavə etmişəm (İşarə 1), marağı olanlar baxa bilərlər. Aydınlıq yaransın deyə, onun MŞ və mənimlə öz arasında mübahisə saydığı prosesin mahiyyətini təsvir etmək istəyirəm.

2017-ci ilin avqust ayında Neftçala Elektrik Şəbəkəsinin rəhbərliyi adından MŞ-yə şikayət ərizəsi daxil oldu. Şikayətdə «Nia.az» və «Reallıq.info» xəbər portallarının bu müəssə barədə qərəzli informasiyalar yaydıqları bildirilirdi («Nia.az» barədə aşağıda əlavə məlumat veriləcək. İndilik onu qeyd edib ki, bu xəbər saytı İkramın “media şəbəkəsinə” daxil olan səkkiz saytdan biridir). Şikayət ərizəsində iddia olunurdu ki, portal təmsilçiləri yayılan materialların dayandırılması qarşılığında onlardan qanunsuz olaraq külli miqdirda vəsait istəyirlər. Məsələnin bu tərəfi ilə işimiz yox: biz hüquq –mühafizə orqanı deyilik, “rüşvət” məsələsini isbat etmək üçün nə mexanizmimiz, nə də səlahiyyətimiz yoxdur. Mətbuat Şurası daxil olan şikayətlərə yazılmış yazılar və onların peşə kodeksinə uyğunluğuna görə qiymət verir. Baxdıq, materiallar birtərəfli, qarşı tərəfin rəyi olmadan hazırlanmış və yayılmışdı. Bu yazıların əksəriyyəti İkramın facebook səhifəsində də var. İstəyənlər daxil olub oxuya və onları peşəkarlıq müstəvisində dəyərləndirə bilərlər. Azərbaycan Jurnalistlərinin Peşə davranışı Qaydalarının bütün prinsipləri pozulub bu yazılarda. Həm reallıq.info-ya, həm də NİA.az-a xəbərdarlıq etdik, fəaliyyətində dönüş yaratmalarını tövsiyyə etdik. Tənqidi material hazırlanırsa, qarşı tərəfin rəyi öyrənilməlidir qaydasını, yəqin ki, hər kəs bilir. Amma İkram Rəhimov bilmir. Biz də onu xatırlatdıq. Adam nəticə çıxarmadı, əksinə, üzərimizə gəldi, həm də uydurmalarla, şərlə, böhtanla. Boş verdik, düzələr dedik, hər necə olsa, “media cameəsinin təmsilçisidir” dedik. Yanlış nəticə çıxardı, səhvlərini davam etdirdi, bizə saymazlıq nümayiş etdirirmiş kimi, daha “intensiv” işlədi, daha kobud səhvlər törətdi. Şikayətlər çoxaldı.

Birini də Sabirabad rayonunun Nizami kəndinin sakini göndərdi (adını yazmıram ki, mübahisəyə cəlb olunmasın, ərizəsi MŞ-də qorunur). Şikayətçi iddia edirdi ki, onunla həmkəndlisi arasında mülkiyyət davası olub. Münaqişə qarşı tərəfin həbsi ilə nəticələib. Amma bir müddət sonra hüquq pozuntusuna görə həbsə düşən şəxs (adını yazmıram, ərizəsi MŞ-də qorunur) barədə yeni, heyrətləndirici fakt əldə edib. Hüquq mühafizə orqanlarından xəbər alıb ki, münaqişə və xuliqanlıq sonucunda türməyə düşən şəxs məhkəməyə müraciət edərək işinə yenidən baxılmasını istəyib. Ərizəsinə əlavə edib ki, guya “jurnalistdir” və guya jurnaistik fəaliyyətinə görə şərlənib. Hətta vəkili vasitəsilə bəzi ölkələrə müraciət edərək, “təqibə məruz qalan jurnalist” qismində siyasi sığınacaq da istəyib. Şikayətçi MŞ-yə gəldi, konfliktli tərəfin, yəni məhbus “jurnalistin” vəsiqəsini bizə təqdim etdi. Yəqin ki, söhbəti niyə bu qədər detallı təsvir etməyimin səbəbini təxmin etdiniz: həmin vəsiqə «Reallıq.info» saytının vəsiqəsi idi, İkram Rəhimovun imzası ilə verilmiş vəsiqə! Məsələ ondadır ki, vəsiqə həmin şəxsə, məhbəs həyatı yaşadığı zaman verilib! (Surəti MŞ-də saxlanılır). İşin bir tərəfi, saxta vəsiqələrlə, saxta sənədlərlə siyasi sığınacaq düzəldən və Azərbaycan adını xaricdə rüsvay edən şəbəkəyə bağlanır. Hər halda görüntü budur, bizim əlavə təhqiqat aparmaq mexanizmimiz və marağımız yoxdur. Sadəcə həmən vaxt, 2017-ci ilin dekabrında, şikayət ərizəsi gələn vaxt İkramı yenidən MŞ-yə dəvət etdik, iradımızı bildirdik. Adam “yazdığım yazılara görə məndən qisas alırsız” dedi, üzərimizə şər atdı, böhtan danışdı. Sonda da “kimlərəsə bağlı olduğunu” dilə gətirdi, bizi “ağır cəzalandıracağı” ilə hədələdi. Boş verdik, ağıllanar dedik. Olmadı, öz şəbəkəsi ilə yeni proses başlatdı.

İşin bu çağında İkramın “dost, qardaş” adlandırdığı, Neftçalada əlbir hərəkət etdiyi şəxs, NİA.az-ın baş redaktoru (yuxarıda bilgi vermişdim) Bəhruz Əliyevi həbs edildi. Biz də hamı kimi mediadan oxuduq ki, Baş prokuror yanında Korrupsiyaya Qarşı Mübarizə Baş İdarəsi jurnalist adı altında reketliklə və şantajla məşğul olan Bəhruz Əliyevi NİA.az-da sifarişli materiallar dərc etdirdiyinə görə həbs edib. O, müxtəlif məmurları və biznesmenləri barələrində ləkələyici məlumatlar yaymaqla hədələyərək iri məbləğlərdə pul alırmış. Bəhruz Əliyev, həm də, erməni xüsusi xidmət orqanları ilə əmıkdaşlıqda suçlanır. Bilmirik, bəlkə də günahı isbat olunmayacaq, amma bugünkü durum belədir. İşimiz bunda deyil. Vurğulamaq istədiyim budur ki, o həbsi Baş prokuror yanında Korrupsiyaya Qarşı Mübarizə Baş İdarəsi keçirib, İkram isə günahı Mətbuat Şurasında görür?! Adam hara dönürsə, şər əməlləri qarşısına çıxır. Baxın onun Facebook-dakı hesabına, adamın separatizmə çağırışdan tutmuş insanlara şər-böhtan atmağa qədər, ölkənin konstitusion quruluşuna qarşı çıxmağa qədər hər şey var. Bəlkə də, etdiklərini anlamır, başa düşmür, fərqinə varmır? Mümkündür, adam səhv edə bilər. Amma adam, əgər adamdırsa, gərək səhvlərdən nəticə çıxarmağı bacarsın, deyilənləri dinləsin. Bu isə özünü islah etmir, günahı kimdəsə axtarır. Biz nə etmişik?

Ona xəbərdarlıq etmişik ki, əyri əməllərindən əl çək, bunun sonu yoxdur, axırı hüquqi ölçü götürməkdir, həbsdir, başqa cəzalardır. Bu necə nəticə çıxarıb? Bu gün Əli müəllimə ünvanladığı məktubda yazıb ki, “Mətbuat Şurasında məni həbslə hədələdilər”! Budur İkramın məntiqi, düşüncə tərzi və bu “məntiq qəlibinə” girməyən hər kəsə qarşı savaş açır, mübarizə aparır. Mətbuat Şurasına və Şuranın Şikayətlər üzrə Komissiyasının sədri olaraq mənə qarşı apardığı təbliğat da bu qəbildəndir. Elə mübarizə metodları da bənzərdir. Öz ağlına görə bir şəbəkə yaradıb. Yuxarıda qeyd etdiyim kimi, bizim bildiyimizə görə, həmən şəbəkəyə ən azı 8 xəbər saytı daxildir. Şəbəkə üzvlərindən birini 2017-ci ildə, dekabrın 29-da təsadüfən, başqa bir şikayət üzrə Mətbuat Şurasına dəvət etmişdik. Emin Ramazanov (Emin Haqq) adlanan bu şəxs Lənkəranda «Realnewsinfo.com» və «Real media» saytlarına başçılıq edir. Hirkan milli parkının kollektivi onu şikayət etmişdi. Dəvət etdik, həvəslə gəldi. Heç demə, “İkram şəbəkəsi”nin üzvü imiş və MŞ-yə gəlməyə fürsət axtarırmış.

Gəlib, öz ağlınca, “gizli lent yazısı” hazırlamağı planlaşdırıbmış. İclas keçirdik, səhvlərini dedik, iradları bildirdik. Təkzib verəcəyinə boyun oldu. Amma MŞ-dən çıxandan sonra fərqli davrandı. İclasın gedişini “gizli lentə aldığını” və bizi “ifşa edəcəyini” açıqladı. Gözlədik, “nə etmişik ki?” deyə düşündük. Səs yazısı yayıldı, amma Emin Haqq tərəfindən yox. Sizcə kim açıqlasa yaxşıdır? Yəqin təxmin etdiniz: İkram Rəhimov. Həm də elə təqdim etdi ki, guya bu lent yazısında MŞ-ni ifşa edən ciddi faktlar var imiş. Həmən səs yazısını aşığıda paylaşıram. Marağı olanlar diqqətlə dinləsinlər. Əgər gizlilik və bizi ifşa edəcək bir nüans tapsanız, lütvən, mənə də bildirin. Adamın özünə görə düşüncə tərzi, mübarizə metodları, ən qəribəsi isə, orijinal “jurnalistikası” var. Onun təxəyyülündəki jurnalistika fərqlidir, nə qanunlara, nə də peşə kodeksinə aidiyatı yoxdur. Hədəf seçdiyi obyektlərə də, oz prinsipləri ilə yanaşır.

Mətbuat Şurası xəbərdarlıq etdi, anlamadı. RNYTN dəfələrlə xəbərdarlıq etdi, anlamadı. Rəhbərlik etdiyi saytların fəaliyyəti qanunlara sığmadığı üçün dəfələrlə bloklandı, nəticə çıxarmadı. Reallıq.info bloklandı, əvəzində reallıqinfo.az saytını açdı, o da bloklandı, əvəzində reallıq.org açdı....Bu münvalla rəhbərlik etdiyi saytlar barədə 6 dəfə inzibati ölçü götürüldü, nəticə çıxarmadı. İndi də həbs edilib. Yenə nəticə çıxarmır. Hələ də iddia edir ki, kiminsə bəlasına tuş gəlib! Hədəf seçdiyi adamlara çıxış yolu buraxmır. Adamlar reallıq.info səhifələrində şərə, böhtana, təhqirə məruz qalırlar. Hara üz tutsunlar? Mətbuat Şurasını dinləmir, Rabitə, Nəqliyyat, Yüksək Texnologiyalar Nazirliyini dinləmir, məhkəmə dinləmir...Onun şərindən əziyyət çəkənlər, sonda DTX-ya müraciət ediblər. Əgər bu da nəticə verməsə, yəqin ki, İkramla “ənənəvi qaydada” hesablaşacaqdılar. Yaxşı ki, ölkəmiz hüquqi dövlətdir, məsələlər hüquq müstəvisində həll edilir. Amma hüquq, onu anlayan, dərk edənlər üçündür. Əgər İkram ilk mərhələdə, Mətbuat Şuasından xəbərdarlıq aldığı zaman nəticə çıxarsaydı, fəaliyyətini qanuni müstəvidə qursaydı, indiki duruma düşməzdi. Burada nə mən, nə Mətbuat şurası, nə də başqa biri günahkar deyil.

Belə, İkram sərgüzəştləri barədə yazdıqca-yazmaq olar. Amma güman edirəm ki, adamın kimliyi və düşüncə tərzi barədə təəssürat formalaşdıra bildim. Qalanı təfərrüat.

Müşfiq Ələsgərli
Azərbaycan Mətbuat Şurasının bəyanatı2003-cü ildə Azərbaycan jurnalistlərinin I qurultayında yaradılmış Azərbaycan Mətbuat Şurası media məkanımızın saflaşması, jurnalistikamızın siyasi maraqlardan, qrup mənafelələrindən xilas olması üçün mübarizə aparıb, barışmaz mövqeyi ilə seçilib. Ötən müddətdə Şuranın cəmiyyətdə etibarlı ictimai institut kimi özünü təsdiqləməsi də məhz bu məramın gerçəkləşməsinə olan məsuliyyətli yanaşmadan irəli gəlib.

Mətbuat Şurasının media-ictimaiyyət, media-hakimiyyət münasibətlərinin tənzimlənməsinə yönələn missiyası heç də birmənalı qarşılanmayıb. Fəaliyyətinin ilk illərində bir-birinə zidd siyasi qütblər tərəfindən qınaq obyektinə çevrilmiş Şura sonrakı zaman kəsiyində mətbuatdan sui-istifadə, şantaj və böhtan əməllərini gerçəkləşdirmək niyyətində olan şəxslərin tənələri, təhdidləri ilə üzləşib. Qurumun İdarə Heyətinin üzvləri təhqirlərə, nalayiq ifadələrə məruz qalıblar. Mətbuat Şurasına qarşı məhkəmə iddiaları da olub.

Nə özlərinin media ilə bağlı yarımçıq təsəvvürlərini həqiqət hesab edib cəbhə açanlar, nə də kimlərəsə sığınıb guya komanda oyunu oynadıqlarını düşünənlər uğur qazanıblar. Ölkə ictimaiyyəti onların düşdükləri durumun acınacaqlı sonluğunun görüb. Bu aqibət söz və ifadə azadlığının ruhuna, mahiyyətinə xəyanətin məntiqi nəticəsidir. Təəssüf ki, media orqanı adı ilə fəaliyyət göstərərək ölkəmizdə yaradılmış söz azadlığına, plüralizmə zor tətbiqi yolundan dönməyənlər qalmaqdadırlar. Onlar jurnalistika ilə bağlı bəsit təsəvvürlərini dəyər kimi ictimailəşdirməyə cəhd göstərirlər.

Mətbuat Şurasının istədiyi «Reallıq.info» və digər saytların rəhbəri olan İkram Rafiqoğlu kimilərinin jurnalist adı ilə ayrı-ayrı vətəndaşlara, idarə, müəssisə və təşkilatlara yanaşmasındakı «damokl qılıncı» obrazını heçə endirmək, bu üsul və vasitələrin əsl jurnalistika prinsipləri baxımından yolverilməzliyini, demokratik cəmiyyət quruculuğuna zidd təmayüllərini isbatlamaqdır.

Mətbuat cəmiyyətdəki naqislikləri, ayrı-ayrı məmurların özbaşınalıqlarını, onların ictimai maraq və mənafeləri heçə saymasını arqumentli şəkildə göstərməli, ifşa etməlidir. Müstəqillik illərində bununla bağlı kifayət qədər nümunələr var. Bu nümunələrin nəticəsidir ki, mediamız ictimai qınaq institutu olaraq qəbul edilir, onun funksiya və vəzifələrinə dəyər verilir. Ancaq İkram Rafiq oğlu Rəhimov kimi «reallıq axtarıcıları» nə istedad, nə şəxsi keyfiyyətlər baxımından bu nümunələrdə nəinki yer alıblar, heç həmin nümunələrin kənarına yaxın düşəcək səviyyəyə belə qalxmayıblar.

Bu gün Mətbuat Şurası ikramları, informasiya reallığını gözlərində gilyotin kimi görən rafiqoğluları və onun düşüncə kasadlığını bölüşənləri öz ofisinə dəvət edib, onlarla söhbətlər aparırsa, nəyi və nələrisə izah etməyə çalışırsa, tutduqları yolun yanlışlığını anladırsa, bu, Şuranın öz prinsiplərinə verdiyi dəyərdir. Qurumun yanaşmasından nəticə çıxaranlar və çıxarmayanlar var.

Azərbaycan Mətbuat Şurası ölkə jurnalistlərinin yaratdıqları, tərkibini seçdikləri medianın özünütənzimləmə orqanıdır. Qurumun İdarə Heyətinin hər bir üzvünə aşağılayıcı münasibət, böhtan və təhqir onları bu mövqeyə layiq görmüş media cameəsinə ünvanlanmış davranışdır.

İkram Rafiq oğlu Rəhimov «Reallıq.info» və digər informasiya saytları yaradaraq nəinki Mətbuat Şurasının İdarə Heyətinin üzvlərini, çoxlu sayda digər şəxsləri hədəfə alırdı. Şura «Reallıq.info»nun fəaliyyətindəki forma və metodların hüquqi prizmada dəyərləndirilməsinin vacibliyini məqbul saydığından ona qarşı ən sərt ölçü tədbirini seçmiş, adını özünün «qara siyahı»sına daxil etmişdi. Lakin İ.Rafiqoğlu heç bir hada bundan nəticə çıxarmamış və yarıtmaz fəaliyyətini davam etdirmişdi. Bu gün İ.Rəhimov Dövlət Təhlükəsizliyi Xidmətinin əməkdaşları tərəfindən saxlanılıb. Ona qarşı irəli sürülən ittihamlar Şuraya «Reallıq.info»nun fəaliyyəti ilə bağlı daxil olmuş çoxsaylı şikayət məktublarının motivləri ilə tam uyğunluq təşkil edir. Əminik ki, aparılacaq istintaq araşdırmaları əsl həqiqətləri üzə çıxaracaqdır.
“Şəffaflığın təmin olunması Şura üçün prinsipial məsələlərdən biridir” – VideoAzərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası Katibliyinin icraçı direktoru Fərasət Qurbanov ARB TV-nin “Günə Baxış” verlişində təmsil etdiyi qurumun ötən 10 ildə QHT-lərə göstərdiyi yardımların istiqamətləri və əldə olunan nəticələr haqqında danışıb.
Usubov Sabunçu DYP-yə rəis təyin etdiKeçmiş rəis Sabir Abdullayev bir neçə gün əvvəl nazirin əmri ilə təqaüdə göndərilmişdi.

Sabunçu Rayon Dövlət Yol Polisi Şöbəsinə yeni rəis təyinatı olub.

Bu vəzifəyə həmin şöbənin inzibati təcrübə üzrə baş inspektoru, polis mayoru Məmmədov Hafiz Abbas oğlu təyin edilib.

Qeyd edək ki, keçmiş rəis Sabir Abdullayev bir neçə gün əvvəl nazirin əmri ilə təqaüdə göndərilmişdi. (avtosfer.az)
ADAU-da Cəlal Əliyevin xatirəsinə inşa yazı müsabiqəsi keçirilib - FOTOLARBu gün Azərbaycan Dövlət Aqrar Universitetinin aqronomluq fakültəsinin tələbələri arasında “Akademik Cəlal Əliyev görkəmli bioloq və ictimai-siyasi xadimdir” mövzusunda inşa yazı müsabiqəsi keçirilib.

Avrasiya.net xəbər verir ki, müsabiqəyə fakültənin müvafiq ixtisaslarında təhsil alan tələbələr qatılıb.

Müsabiqəyə başlamazdan əvvəl ADAU-nun rektoru, AMEA-nın müxbir üzvi, professor İbrahim Cəfərov çıxış edərək Azərbaycanın görkəmli alimi, tanınmış ictimai siyasi xadim, Azərbaycan Milli Elmlər Akademiyasının həqiqi üzvü, əməkdar elm xadimi, biologiya elmləri doktoru, professor Cəlal Əlirza oğlu Əliyevin fundamental araşdırmaları və elmi nailiyyətlərindən, elmi məktəbi və onun yetirmələrindən, ölkədə bioloji müxtəlifliyin mühafizəsi və səmərəli istifadəsi strategiyasının işlənilib hazırlanmasında xidmətlərindən, gənc nəslə örnək olan həyat yolundan danışaraq müsabiqədə iştirak edən tələbə gənclərə uğurlar arzulayıb.

İnşa yazı müsabiqsində aqronomluq fakültəsinin 100-dən çox tələbəsi iştirak edib. Müsabiqənin sonunda akademik Cəlal Əliyevin adının daşıyan auditoriyada qaliblər fəxri fərmanlarla təltif edilmiş və qiymətli hədiyyələr verilib.
ADAU-da Cəlal Əliyevin xatirəsinə inşa yazı müsabiqəsi keçirilib - FOTOLAR
ADAU-da Cəlal Əliyevin xatirəsinə inşa yazı müsabiqəsi keçirilib - FOTOLAR
ADAU-da Cəlal Əliyevin xatirəsinə inşa yazı müsabiqəsi keçirilib - FOTOLAR
ADAU-da Cəlal Əliyevin xatirəsinə inşa yazı müsabiqəsi keçirilib - FOTOLAR
ADAU-da Cəlal Əliyevin xatirəsinə inşa yazı müsabiqəsi keçirilib - FOTOLAR
ADAU-da Cəlal Əliyevin xatirəsinə inşa yazı müsabiqəsi keçirilib - FOTOLAR
ADAU-da Cəlal Əliyevin xatirəsinə inşa yazı müsabiqəsi keçirilib - FOTOLAR
Ünvanlı sosial yardım alanların sayı niyə azalır? - Səbəblər"Əmək və Əhalinin Sosial Müdafiəsi Nazirliyi tərəfindən sosial yardım almaq üçün müraciət etmiş ailələrin maddi-məişət şəraitinin müayinəsinin şəffaf şəkildə təşkili, həmin müayinəni həyata keçirən əməkdaşların fəaliyyətinə nəzarətin gücləndirilməsi istiqamətlərində aparılan işlərin sürətləndirilməsi məqsədilə nazirlikdə İşçi Qrup yaradılıb. Ünvanlı dövlət sosial yardımı alan ailələrin 40 faizə yaxının tərkibində əmək qabiliyyətli insanların olması nəzərə alınaraq belə ailələrin özünüməşğulluq proqramına geniş şəkildə cəlb olunması mexanizmi hazırlanır".

Bunu Azvision.az-ın sorğusuna cavab olaraq Əmək və Əhalinin Sosial Müdafiəsi Nazirliyinin mətbuat xidmətinin rəhbəri Fazil Talıbov deyib. O bildirib ki, ünvanlı dövlət sosial yardımı proqramının özünüməşğulluq və digər aktiv əmək bazarı proqramları ilə əlaqələndirilməsinin təmin edilməsi üçün müvafiq qanunvericilik aktlarında təkmilləşdirmələr aparılması prosesi həyata keçirilir.

"Belə ki, ünvanlı dövlət sosial yardımının alınması üçün aztəminatlı ailələr tərəfindən elektron qaydada müraciət prosedurunun sadələşdirilməsi yönündə işlər aparılır. Bu istiqamətdə işlərin sürətləndirilməsi üçün Əmək və Əhalinin Sosial Müdafiəsi Nazirliyində yaradılmış İşçi Qrupu tərəfindən aztəminatlı ailələrin ünvanlı dövlət sosial yardım proqramına daha rahat və asan müraciət imkanlarına şərait yaradılması prosesi həyata keçirilir.

İlkin mərhələdə sadələşdirilmə prosesi elektron qaydada müraciət zamanı “Ərizə-bəyannamə”nin doldurulması üçün tələb olunan məlumatların sayını azaldılması ilə təmin ediləcək. Ailənin gəlirləri tərkibinə daxil olan pensiya və müavinətlər barədə tələb olunan məlumatların bir hissəsi aidiyyəti elektron informasiya bazalarından əldə olunacaq.

Bundan əlavə, Əmək və Əhalinin Sosial Müdafiəsi Nazirliyi üzrə bütün benefisiarlar haqqında məlumatların vahid elektron bazada toplanmasını nəzərdə tutan “Sosial Reyestr”in hazırlanması isə e-müraciətin daha da sadələşdirilməsinə imkan yaratmış olacaq. Layihə işə salındıqdan sonra ünvanlı dövlət sosial yardımın alınması üçün elektron müraciət zamanı hər hansı “Ərizə-bəyannamə”nin doldurulmasına ümumiyyətlə ehtiyac qalmayacaq. Ailəni təmsil edən şəxs yalnız FİN nömrəsini daxil etdikdə, həmin ailənin sosial yardım almaq hüquqlarına baxılması üçün tələb olunan bütün zəruri məlumatlar “Sosial Reyestr”dən götürüləcək və yardım təyin olunub-olunmamasına dair avtomatlaşdırılılmış mühitdə qərar qəbul ediləcək".

Nazirlik sözçüsü bildirib ki, hazırda gəlirlləri respublika üzrə qəbul olunmuş ehtiyac meyarınadan aşağı olan 50 minə yaxın aztəminatlı ailə ünvanlı dövlət sosial yardımı proqramından bəhrələnir. "Onların ailə üzvlərinin sayı 200 min nəfərə yaxındır. Proqramla əhatə olunan ailələrdə yaşı 18-dək olan ailə üzvlərinin sayı 100 min nəfərdən çoxdur.

Əmək və Əhalinin Sosial Müdafiəsi Nazirliyi tərəfindən özünüməşğulluq proqramına cəlb edilənlərinin bir çoxunu ünvanlı dövlət sosial yardımı alan şəxslər təşkil edir. Bu səbəbdən ünvalı dövlət sosial proqramı ilə əhatə olunan ailələrin sayı azalmaqdadır".
Şimal-qərb bölgəmizə ilk qar yağdıQəbələ rayonu ərazisində isə zəlzələ qeydə alınıb.

Azərbaycanın şimal-qərb bölgəsinə ilk qar yağıb.

Şəki-Zaqatala bürosunun məlumatına görə, oktyabrın 25-dən 26-ə keçən gecədən başlayaraq ölkənin şimal-qərb bölgəsində qeyri-sabit hava şəraiti höküm sürüb.

Bölgəyə fasilələrlə yağış yağıb, bölgənin düzənlik ərazilərində havanın hərarəti müsbət 8 dərəcəyə qədər aşağı düşüb. Oktyabrın 26-dan 27-ə keçən gecə isə Böyük Qafqaz dağlarının cənub ətəyinin Şəki, Qax, Zaqatala və Balakən rayonlarına düşən hissəsinə ilk qar yağıb.

Bundan əvvəl Qəbələ rayonu ərazisində zəlzələ olub.
“Mən həyatımın, bu günümün, gələcəyimin xoşbəxtliyini məhz uşaqlara qayğıda, diqqətdə görürəm”Ellərə doğmadır şairin səsi,
Mən necə sevməyim, el sevən kəsi ?
Zəlimxan Yaqub


Bu gün Azərbaycanın ciddi düşünülmüş, uzun illərə hesablanmış genişmiqyaslı, çoxşaxəli iqtisadi inkişafı təmin olunur. Bu inkişafı və uğurları düzgün, düşünülmüş iqtisadi siyasət şərtləndirir. Həmin siyasətin nəticəsi olaraq, Azərbaycanın bütün bölgələri kimi, ölkəmizin qərb qapısı hesab olunan Qazax da inkişaf edir, abadlaşır, gözəlləşir.

Mediaxeberleri.az xəbər verir ki, Məktəbəqədər təhsil uşaqların intellektual, fiziki və psixoloji inkişafında, potensial imkanlarının üzə çıxarılmasında mühüm rol oynayır. Həmçinin, uşaqların məktəbə hazırlanmasına, onlarda mədəni keyfiyyətlərin, müstəqillik, yaradıcılıq, təşəbbüskarlıq və həyati bacarıqların formalaşmasına ciddi təsir edir. Maddi sərvətlərin insan kapitalına çevrilməsinin təməli məhz məktəbəqədər təhsil müəssisələrində qoyulur.

Prezident cənab İlham Əlievin sərəncamı ilə Qazaxa icra başçısı təyin edilən Rəcəb Babaşov rayonda görüləsi genişmiqyaslı işlərlə yanaşı baxçalarda da sürətli inkişafın həyata keçirilməsini ön plana çəkmişdir. Kabinetdə oturmağı sevməyən rayon rəhbəri Qazaxda fəaliyyət göstərən bütün baxçaların qeydiyyatını aparmış, hər birini gəzib yerli sakinlərlə söhbətlər apararaq hamısını əasalı təmir edəcəyini bildirib. Artıq həmin günlərdən 2il yarım ötüb. Qısa bir müddətdə baxçaların əsaslı təmirləri başa çatıb. Avropasayağı əsaslı təmirdən çıxan baxçaların hər birinə uşaqlar üçün ən müasir avadanlıqlar gətirilib. Yemək, yatacaq, kuxna dəstləri tamamilə yenilənib. Onu da bildirək ki, bu gün rayonda 25 bağça fəaliyyət göstərir. Onlardan 6-sı şəhərdə, 19-u isə kəndlərdə yerləşir. Həmin bağçalardan böyük əksəriyyəti əsaslı şəkildə təmir olunaraq yendən qurulub. Bəziləri üçün yeni binalar inşa olunub. Bu gün həmin təmirli şəhər bağçalarından - 1,2,3,4,5 saylı, kənd bağçalarından Qazaxbəyli kəndi ərazisində məcburi köçkünlər üçün salınmış yeni qəsəbədə yerləşən Aşağı Əskipara, Daş Salahlı kənd 2 və 3 saylı, Kosalar kənd 2 və 3 saylı, Xanlıqlar kənd körpələr evi-uşaq bağçaları, Cəfərli, Canalı, Quşçu Ayrım və Bala Cəfərli kənd uşaq bağçalarının öz gözəllikləri, yaradılan şəraitlə göz oxşayan bağçalar sırasındadır.

İkinci Şıxlı kənd 2 saylı körpələr evi-uşaq bağçasında da ilk gündən tikinti işləri sürətlə aparılıb. Baxçanın 22 oktyabr tarixində təntənəli açılışı olub və fidan balalarımızın ixtiyarına verilib.

Kənd sakinləri ilə yanaşı, müəllim və valideynlər də rayonda aparılan genişmiqyaslı tikinti-quruculuq işlərinə, eləcə də İkinci Şıxlı kənd 2 saylı körpələr evi-uşaq bağçasının əsaslı şəkildə yenidən qurulmasına görə ölkə başçısına, rayon rəhbərinə minnətdarlıqlarını bildiriblər. Görülən işləri gələcəyimiz olan uşaqlara göstərilən yüksək qayğı kimi qiymətləndiriblər.

Hazırda Qazax şəhər 6 saylı körpələr evi–uşaq baxçasında əsaslı təmir demək olar ki, başa çatmaq üzrədir. Onu da qeyd etmək yerinə düşər ki, 2-ci Şıxlı kəndindəki 2 saylı körpələr evi- uşaq baxçası istifadəyə verildikdən sonra, cənab Babaşov həmin gün kənddəki 3 saylı uşaq baxçası-körpələr evində olub. Sovet dönməindən təmirə ehtiyacı olan baxçada da yaxın günlərdə əsaslı təmir işlərinin aparılacağı haqqında kənd sakinlərinə məlumat verib.

Ölkə rəhbərinin gənc nəslin hərtərəfli inkişafı, gələcəyin elmli-bilikli, istedadlı qurucuları kimi yetişməsi üçün göstərdiyi diqqət və qayğının nəticəsi olaraq respublikanın, o cümlədən Qazaxın təhsil sistemində aparılan geniş reforma və yeniliklər körpə balaların həyatla, cəmiyyətlə ilk təmasda olduqları uşaq baxçalarından da yan ötməmişdir.

Bunu uzun illər Bakı Dövlət Universitetinin Qazax filialında çalışaraq, ixtisas artırma və yenidən hazırlanma fakultəsinn dayaq məntəqələri ilə əlaqə kabinetində medodist işləmiş təcrübəli pedaqoq İradə Mustafayevanın müdir olduğu, bu ilin yanvar ayında açılışı qeyd olunan 1saylı körpələr evi - uşaq baxçasının timsalında da aydın görmək mümkündür.

Burda körpə balaların həvəslə qoşulduqları maraqlı səhər idmanından tutmuş onların baxçadan ayrılmaq istəmədikləri axşam saatlarına qədər davam edən “səhər idmanı vaxtı” uşaqların fiziki və zehni inkişafına, sağlamlığına xidmət edir. Şəhərin Bakı küçəsində yerləşən 100 yerlik bu baxçanın 3 müxtəlif yaş qrupunda öz peşələrini və körpə balaları ürəkdən sevən 10 tərbiyəçi-müəllimə olmaqla 26 nəfər işçi uşaqların gündəlik qayğısına qalır, nəvazişini çəkir.

...1,5 yaşından 5 yaşınadək uşaqların tərbiyə aldıqları qrupların birində fidan balalar yumşaq xalı-xalçaların üzərində dövrələmə oturaraq, maraqla tərbiyəçi-müəllimənin danışdığı nağıllara qulaq asır, özlərinə məxsus şirin uşaq ləhcəsi ilə şeir söyləyir, bir-birinə aman verməyərək, tapmacaların cavabını daha tez deməyə cəhd göstərir, digər bir qrupda isə balaca “kişilər” oyuncaq ayı və şirlərlə “vuruşur”, “kubik”lərlə “ev” tikir, maşın sürür, gəlinciklərlə oynayan qızcığazlar isə onlara “ay uzunsaç, qaragöz...” mahnısını oxuyaraq, əzizləyib-oxşayır, “laylay” deyirlər. Bir-neçə müddət sonra isə (adətən – nahardan, günorta yuxusundan sonra) uşaqların hamısı özlərinin kiçik masaları arxasına keçərək, televizorda göstərilən multiplikasiya filmlərinə tamaşa edir, müəllimənin yeri düşdükcə izahat verdikləri uşaq kinolarına baxırlar.

Burada 29 ildən artıq çalışaraq, uşaqlara göstərdikləri əsl ana qayğısı və nəvazişi ilə yalnız balacaların deyil, onların valideynlərinin də rəğbətini qazanmış tərbiyəçi-müəllimə Sultan Məmmədrzayeva, onun həmkarı, kiçik qrupun müəlliməsi Arzu Hacıyeva uşaqlara ata-anaları işdə olduğu bütün gün ərzində elə diqqət və qayğı gostərirlər ki, onların bəziləri günün sonunda belə baxçadan getmək, müəllimələrindən ayrılmaq istəmirlər.

- Hər yerdə olduğu kimi, bizim baxçamızda da sevimli balalarımız olan bu uşaqların hər biri ilk dəfə bura ayaq açanda ağlayırlar - təbii ki, valideynlərinin dalınca, - deyə Arzu müəllimə uşaqlardan söhbət açır. Çünki gözünü açıb ata-ananı görmüş 1-2 yaşlı uşaq onun üçün yad olan mühiti, valideynlərindən ayrı düşməsini qəbul edə bilmir. Ancaq bu hal iki-üç gündən artıq davam etmir. Düşündüyünün əksinə olaraq, ata-anasının onu “həmişəlik baxçada qoyub” getmədiklərinə, hər gün axşam onu yenə evə apardıqlarına əmin olduğu sonrakı günlərdə uşaq yaşıdları ilə birgə olmaq, birgə oynamaq sevinci ilə baxçaya can atır.
Həqiqətən də, valideynlərin də razılıqla bildirdiklərinə görə, burda hər səhər uşaqlar baxçaya həvəslə, sevinə-sevinə gəlirlər – bilirlər ki, onları burda özləri kimi balaca yaşıdları və sevimli, qayğıkeş müəllimələri gözləyirlər.

Baxçadakı müxtəlif yaş qruplarına baş çəkərək, özlərinin nağılabənzər uşaq dünyalarına qapılmış uşaqların burada şən və sevincli olduqlarını görmək istər-istəməz adamda xoş ovqat, xoş təəssürat yaradır, hətta uşaq olub onlara qoşulmaq istəyirsən. (Bu, nostalji duyğularla yanaşı bəlkə də bir qədər qibtə hissi ilə də baglıdır. Axı, mən və yaşıdlarım baxçaya gedərkən bu qədər çox maraqlı oyun-oyuncaq, yumşaq çarpayılar, mult-filmlərin və uşaq kinolarının göstərildiyı televizor, maraqlı tədbirlərin keçirilməsi, ən əsası – bu cür diqqət və qayğı olmayıb).

Baxçada olarkən biz bunun bilavasitə şahidi olduq. Uşaqlar nəinki rəngləri ayırd edir, hərfləri və rəqəmləri tanıyır, sadə hesablamaları yerinə yetirir, hətta stol üzərinə qoyulmuş xüsusi monitorun oyun və məşğələ proqramlarını sərbəst işə salıb, sevinc və maraqla əylənir, müəllimənin verdiyi tapşırıqları səylə yerinə yetirməyə çalışırlar.

İradə müəllimə ötən il digər baxçalardan olan tərbiyəçi həmkarları ilə birgə məktəbəqədər təhsil kurikulumu üzrə təlim kursu keçmişdir və indi həmin təlimi uğurla tətbiq edərək, uşaqlara oynayıb-əylənməkdə, təlim-tərbiyədə daha çox sərbəstlik verən, uşaq fantaziyasının genişlənməsinin və təşəbbüskarlığının vacibliyini əsas tutan, fəallığının artmasını şərtləndirən həmin təlimin daha səmərəli olduğunu uşaqların zehni, intellektual inkişafında daha aydın müşahidə edir və bundan xoş bir məmnunluq duyur.

Uşaqların sensor tərbiyəsinin təməlinin mükəmməl olması, interaktiv kurikulum təlimi onların zehni inkişafının və gələcək həyatının uğurla davam etməsində mühüm rol oynayır, - deyə baxçanın müdirəsi İradə Mustafayeva balacaların həyatda formalaşmasında sensor amilinin əhəmiyyətindən danışır. - Uşaqların sensor inkişafı onların ətrafda gördüklərinin xaricı əlamət və xüsusiyyətlərini – rəngini, formasını, ölçüsünü, iyini, dadını qavrayıb qəbuletmə bacarığının və onlar haqqında təsəvvürlərinin inkişaf etdirilməsinin, formalaşdırılmasınin əsasını təşkil edir. Dünyanın məktəbəqədər pedaqoqika və psixologiya üzrə görkəmli alimləri uşaqların şüurunun inkişafının onların ətraf aləmi dərketmə xüsusiyyətindən asılı olduğunu əsas tutaraq, onların intellektual inkişafına xidmət edən sensor tərbiyəsinin erkən yaşlarından başlanılmasını vacib saymış və yüksək dəyərləndirmişlər. Çünki şüurun bütün digər əsas formaları – yadda saxlama, fikirləşmə, təsəvvüretmə məhz ətrafdakı obrazları dərketmə əsasında yaranaraq inkişaf edir. Bu səbəbdən də, Qazaxın əksər baxçalarında olduğu kimi, bizim baxçada da uşaqların tərbiyəsinə, onların sərbəstlik və fəallıqlarının artmasına xidmət edən kurikulum təliminə xüsusi diqqət yetirilir.

Baxça ilə tanışlıqdan sonra məndə burada təlim-tərbiyə alan uşaqların zehni inkişaf etdiyini, hər şeyi dərk etməyə necə həvəs və maraqla səy göstərdiklərini görmək, bundan fərəh duymaq üçün burada tez-tez olmaq istəyi yarandı. Ancaq yaxşı olardı ki, övladlarının təlim-tərbiyəsini uşaqlara böyük məhəbbət və qayğı bəslənilən bu cür qabaqcıl baxçalara etibar etmiş valideynlər də belə bir istəklə uşaqlarının tərbiyə aldıqları qruplarda hərdən heç olmasa yarım saat, bir saat olaydılar ki, həm övladlarının necə gözəl şəraitdə böyüyüb, boy atdığını, inkişaf etdiyini bilavasitə görəydilər və balalarının evdəki təlim-tərbiyəsini baxçadakına uyğun şəkildə davam etdirəydilər.

Bu olduqca mühüm əhəmiyyət kəsb etmiş olardı.
“Mən həyatımın, bu günümün, gələcəyimin xoşbəxtliyini məhz uşaqlara qayğıda, diqqətdə görürəm”
“Mən həyatımın, bu günümün, gələcəyimin xoşbəxtliyini məhz uşaqlara qayğıda, diqqətdə görürəm”
“Mən həyatımın, bu günümün, gələcəyimin xoşbəxtliyini məhz uşaqlara qayğıda, diqqətdə görürəm”
“Mən həyatımın, bu günümün, gələcəyimin xoşbəxtliyini məhz uşaqlara qayğıda, diqqətdə görürəm”

Ələddin Kəsəmənli
İlham Hacalı Qazaxdan Mediaxeberleri.az üçün
Qubada ərinin əmisi oğlu ilə qaçan gəlinlə bağlı ŞOK FAKTQuba rayonunda 26 yaşlı oğlanın əmisinin gəlinini qaçırdığı üçün linç edilərək öldürülməsi hadisəsi ilə bağlı bir neçə nəfər həbs edilib.

Publika.az-ın əldə etdiyi məlumata görə, Tülər kəndində baş vermiş dəhşətli cinayət faktı ilə əlaqədar istintaqa cəlb edilən və ifadələri alınan 60-dan çox şəxsdən 6-sı Quba rayon Məhkəməsində hakim qarşısına çıxarılıb. Onların barəsində istintaq müddəti üçün 4 aylıq həbs-qətimkan tədbiri seçilib. Həbs edilərək təcridxanaya göndərilən şəxslər arasında ərinin əmisi oğlu ilə qaçan 25 yaşlı Aynurun atası, dayısı, qayını və əri də var. Aparılan araşdırmaların gedişində həbs edilənlərin sayının artması istisna edilmir.

Bildirilir ki, məlum cinayətdə qaçan gəlinin dayısı da yaxından iştirak edib. Rusiyadan yenicə Azərbaycana qayıdan həmin şəxs baş vermiş cinayətin təşkilatçılarından olub.

Həbs edilən şəxslər Bakıya qaçmış Aynurla Elşadın oğurlanaraq məcburi şəkildə Qubaya gətirilməsində, Tülər kəndində linçetməni təşkil etməkdə və qətldə şübhəli bilinirlər.

Qeyd edək ki, həyat yoldaşının 26 yaşlı əmisi oğlu ilə qaçan qadın 2 uşaq anası olub və o, övladlarını ataraq evdən çıxıb. E.Ə. ilə əmisinin gəlini A.Ə. kənddən çıxandan sonra birbaşa Bakıya gəlib və 2 gün ərzində paytaxtda qalıblar. Bu müddət ərzində qadının ailə üzvləri, eləcə də atası və qardaşları onu axtarıblar. Həmçinin onun itkin düşməsi ilə bağlı polisə məlumat verilib.

Qətlə yetirilən gənc Bakıda başqa qızla nişanlı imiş.

Araşdırmalar davam etdirilir.