Məktəb Bakıda 15 yaşlı şagirdin qaçırıldığını təkzib etdi"Onun qızının 2 gün dərsə gəlməməsinin səbəbi xəstə olmasıdır"

Bakının Qaradağ rayonundakı Sahil qəsəbəsində 15 yaşlı məktəbli qızın qaçırılması barədə xəbər yayılıb.

Bu barədə hüquq-mühafizə orqanlarına qızın anası – 38 yaşlı Samirə Əliyevanın məlumat verdiyi bildirilir. İddia olunur ki, anası oktyabrın 28-də qızı X.Mikayılovanın 20 yaşlı qəsəbə sakini Teymur İsgəndərov tərəfindən evlənmək məqsədilə oğurlandığını söyləyib.

Məsələ ilə bağlı Sahil qəsəbəsindəki 319 nömrəli tam orta məktəbdən açıqlama verilib.

Bildirilib ki, Mikayılova X.-nin anası ilə əlaqə saxlanılıb. Ana qızının hazırda evdə olduğunu deyib.

“Həmçinin valideyni vurğulayıb ki, onun qızının 2 gün dərsə gəlməməsinin səbəbi xəstə olmasıdır”.

Qeyd edək ki, bu barədə ilk xəbəri Sputnik.az yazıb. (Modern.az)
Sabiq deputat xaricdən telefon aldı, ölkəyə gətirə bilmədi: "Gömrük komitəsi ləğv olunmalıdır...""Amazon.com-dan telefon almışam, bağlamanı camex.az daşıma şirkətinin xaricdə (ABŞ-dakı) anbarına göndərmişəm, elektron bəyan edilib və 5.30 dollar gətirilmə xərci ödənilib..bir həftədir anbarda durur".

Avrasiya.net xəbər verir ki, bu sözləri keçmiş deputat Nazim Bəydəmirli sosial şəbəkədəki səhifəsində yazıb.

Sabiq deputat qeyd edib ki, indicə ona daşıyıcı şirkətdən zəng ediblər ki, biz sizin bağlamanı gətirə bilmərik: "Çünki Gömrük komitəsi icazə vermir. Nə qədər başa salmağa çalışsam da ki, bunu mən bəyannamə verib, pulunu ödədikdən sonra etməyə haqqınız yoxdur, dedilər yox, geri qaytarmağa 50 dollar verəcəksiz. Ki, satıcıya çatdıraq, ya da45 gündən sonra bağlamanız məhv ediləcək".

Sabiq deputatın sözlərinə görə, bütün belə əndrabadi qaydalara görə Gömrük komitəsi ləğv olunmalıdır:

"Hazırda Gömrük komitəsi ilə daşıyıcı şirkəti məhkəməyə vermək üçün bu sahədə ixtisaslaşmış vəkil axtarıram".
Xaləddin İsgəndərovun başı dərddə: Binəqədidə yoxlamalar başladıBinəqədi rayonunda ciddi yoxlamalar başlayıb.

Avrasiya.net bakupost-a istinadən xəbər verir ki, Bakı Şəhər İcra Hakimiyyəti başçısını əvəz edən Eldar Əzizovun göstərişi ilə başladılan yoxlamalarda əsasən qanunsuz tikililər araşdırılır. Məlum olub ki, Binəqədi ərazisində saysız-hesabsız qanunsuz tikililər var.

Tikinti aparılması qadağan olunmuş ərazilərdə Binəqədi rayon İcra Hakimiyyətinin icazəsi ilə evlər, iaşə obyektləri inşa edilib. Bunların çoxu Neft Şirkətinin ərazisi, yaşıllıq zonalarda aparılıb. Araşdırma qrupu bu tikililərin siyahısını hazırlayır, saxta sənənədlərin verilməsində İcra Hakimiyyəti ilə yanaşı başqa hansı qurumların iştirak etdiyini araşdırır. Araşdırma aparıldığı üçün rayon ərazisində demək olar ki, bütün tikinti və sənədləşmə işləri dayandırılıb.

Məlum olduğu kimi, bu tikililərin böyük hissəsi 2012-ci ildən rayona rəhbərlik etmiş Xaləddin İsgəndərovun vaxtında aparılıb. Buna görə də yoxlamalar yekunlaşandan sonra sabiq başçının aidiyyəti qurumlar tərəfindən sorğu-suala çəkiləcəyi şübhə doğurmur.
Qubadakı dəhşətli cinayətlə bağlı 3 nəfər həbs edildi – Məhkəmə qərarıQuba rayonunda dəhşətli qətl hadisəsi ilə bağlı iki nəfər barəsində həbs qətimkan tədbiri seçilib.

Quba rayon Məhkəməsindən Teleqraf.com-a verilən məlumata görə, bu gün hakim Xəqani Tağıyevin sədrliyi ilə baş tutan prosesdə Elşad Əsədovun qətlində təqsirli bilinən Zabit Yolçuyev, Mətləb Muradov və Pərviz Əsədovun barəsində 3 ay müddətinə həbs qətimkan tədbiri seçilib.

İstintaq orqanı tərəfindən 120.2.1-ci (bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən adam öldürmə) və 120.2.4-cü (xüsusi amansızlıqla və ya ümumi təhlükəli üsulla adam öldürmə) maddəsi ilə ittiham elan edilib.

Qeyd edək ki, Quba rayon sakini Elşad Əsədovu qohumları – Sadiq Dadaşov, Elman Muradov və Mətləb Muradov tərəfindən döyülərək öldürülüb.

Hadisə qısqancliq zəminində baş verib.

Belə ki, Elşad Əsədov bir neçə gün əvvəl Sadiq Dadaşovun qızı Aynur Əsədovanı qaçırıb.

Bildirilir ki, Aynur Əsədova öz razılığı ilə Elşad Əsədov tərəfindən qaçırılıb.

Aynur Əsədova Elşad Əsədovun əmisinin gəlini olub.

Bu qaçırılma olayından sonra Sadiq Dadaşov, Elman Muradov və Mətləb Muradov Elşad Əsədovu tutublar, əvvəlcə onu döyüblər, sonra videoya çəkiblər. Ağır bədən xəsarəti alan Elşad Əsədov vəfat edib.

Cinayəti törədən şəxslər polis və prokurorluq əməkdaşları tərəfindən yaxalanıb.

Onu da əlavə edək ki, istintaq gedişi zamanı kəndin 100-ə yaxın sakini istintaqa cəlb olunub, dindirilib, saxlanılabnların sayının 10-a yaxın olduğu bildirilir.

Hələlik rəsmi məlumata görə, yalnız üç nəfərin barəsində - Zabit Yolçuyev, Mətləb Muradov və Pərviz Əsədovun barəsində həbs qətimkan tədbiri seçilib.

Sabiq icra başçısı həbs olunacaq - Məhkəmə qərar verdiBu gün Bakı Ağır Cinayətlər məhkəməsində Ağcabədi Rayonunun İcra Hakimiyyətinin sabiq başçısı Münsif Səfərov və Rüstəm Bayramovun məhkəmə iclası davam etdirilib.

Hakim Mirzə Xankişiyevin sədrliyi ilə keçirilən prosesdə təqsirləndirilən M.Səfərovun məhkəməyə gəlmədiyi elan olunub.

Hakim bildirib ki, daha əvvəl barəsində ev dustaqlığı qətimkan tədbiri seçilmiş M.Səfərovla bağlı məhkəməyə məcburi gətirilmə qərarı çıxarışlmışdı. Lakin qərar icra edilməyib və M.Səfərov da məhkəmə iclasına gəlməyib.

Daha sonra məhkəmə onun barəsində həbsli axtarış qərarı çıxarıb.

Məhkəmə prosesi qeyri-müəyyən günədək təxirə salınıb.

Xatırladaq ki, prokuror çıxışında M.Səfərovun 8 il müddətinə azadlıqdan məhrum edilməsini və barəsində seçilən qətimkan tədbirinin həbs qətimkan tədbiri ilə əvəz olunmasını, məhkəmə zalında həbs edilməsini istəyib. Həmçinin o, R.Bayramovun da 8 il müddətinə azadlıqdan məhrum edilməsini tələb edib.

Qeyd edək ki, təqsirləndirilən şəxslər Fərabi Mənsur adlı şəxsin evini dələduzluq yolu ilə ələ keçirərək bankdan küllü miqdarda pul götürüblər.

Həmin şəxslər F.Mənsura 60 min manat ziyan vurublar və hər iki şəxsə qarşı Cinayət Məcəlləsinin 178.3.2-ci (dələduzluq, küllü miqdarda törədildikdə) maddəsi ilə cinayət işi başlanıb.

R.Bayramovun barəsində həbs qətimkan tədbiri seçilsə də, M.Səfərov haqqında başqa yerə getməmə haqqında iltizam qətimkan tədbiri seçilib. O, 1992-ci ildə Ağcabədi Rayonunun İcra Hakimiyyətinin başçısı vəzifəsində çalışıb.(Report)
6 hakim barəsində intizam icraatları başlanıldıMəhkəmə-Hüquq Şurasının Fikrət Məmmədovun sədrliyi ilə iclası keçirilib.

Bu barədə Avrasiya.net-ə Şuradan məlumat verilib.

İclasda ali və apellyasiya instansiyası məhkəmələrində vakant olan 30 hakim ştatının komplektləşdirilməsi məqsədilə hakim korpusunun mövcud tərkibi ətraflı təhlil edilib, fəaliyyətində müsbət qiymətləndirilən və peşəkarlığı ilə fərqlənən hakimlərin irəli çəkilməsinə dair dövlət başçısına təkliflər verilib.

Qeyd edilən təkliflər ölkə Prezidenti tərəfindən müsbət dəyərləndirilərək Milli Məclisə həmin namizədlərin təyinatı ilə bağlı təqdimat göndərilib.

Şurada həmçinin, bildirilib ki, 2013-cü ildə yeni qaydalarla seçilərək təyin olunmuş 71 nəfər hakimin ilkin səlahiyyət müddətinin bitməsi ilə əlaqədar onların hər birinin işi yerində öyrənilib, fəaliyyətlərini xarakterizə edən sənəd, material və məlumatlar toplanıb. Həmin hakimlərin fəaliyyəti qiymətləndirilməklə vəzifələrinin öhdəsindən layiqincə gələn şəxslərin səlahiyyət müddətlərinin uzadılmasına dair təkliflərin hazırlandığı vurğulanıb.

Eyni zamanda, şəffaf prosedurlarla seçilmiş, o cümlədən çoxmərhələli imtahanlarda müvəffəqiyyət qazanaraq hakim vəzifəsinə layiq bilinmiş 108 nəfər namizədlə bağlı Hakimlərin Seçki Komitəsinin təkliflərinə baxılıb, ixtisaslaşmalarının aparılması məqsədilə onların hər biri ilə fərdi qaydada söhbətlər keçirilib. Həmin namizədlərin birinci instansiya məhkəmələri üzrə müxtəlif hakim vəzifələrinə təyinatları barədə təkliflərin hazırlanması tapşırılıb.

Bildirilib ki, bu sahədə görülən tədbirlər nəticəsində məhkəmə sistemində mövcud olan bütün vakansiyaların tam əksəriyyəti, o cümlədən ilk dəfə olaraq Ali və bütün apellyasiya instansiyası məhkəmələri tam komplektləşdiriləcəkdir ki, bu da hakimlərin iş yükünün xeyli azalmasına, işlərə daha keyfiyyətlə baxılmasına və süründürməçilik hallarının aradan qaldırılmasına xidmət edəcəkdir.

İclasda qanunvericiliyin tələblərinin pozulmasına prinsipial münasibət göstərilərək 6 hakim barəsində intizam icraatları başlanılıb.
"Əminliklə demək lazımdır ki, İkram Rəhimov peşəkar cinayətkardır”"İ.Rəhimovun rəhbərlik etdiyi reket saytları "qara siyahı”ya salmışdıq"

"Reallıq.info və onun kimi digər saytlar insanların şərəf və ləyqətini alçaldır, təhqir və böhtana yol verərək vətəndaşlara qarşı mənəvi terror həyata keçirir”.

Bunu Mətbuat Şurasının İdarə Heyətinin üzvü, "İki sahil” qəzetinin baş redaktoru, "Reket jurnalistika”ya qarşı mübarizə Komissiyasının sədri Vüqar Rəhimzadə deyib.

Komissiya sədri bildirib ki, dəfələrlə İkram Rəhimovla bağlı Mətbuat Şurasına şikayətlər daxil olub:

"Müraciətlərdə qələmə alınan faktların hamısı böyük cinayətlərdir. Bir neçə ay öncə bizə müraciət daxil oldu ki, İkram Rəhimov hazırda həbsdə olan, jurnalistikaya dəxli olmayan şəxslərə vəsiqə verərək, manipulyasiya yolu ilə onları azadlığa çıxarmağa cəhd göstərib. Bu cür davranışlar jurnalistikaya ləkə gətirir. İ.Rəhimov və komandası Mətbuat Şurasının rəhbərliyi və üzvləri haqqında çox təhqiramiz ifadələr səsləndirir, bizə böhtan və şər atır. MŞ olaraq İ.Rəhimovun rəhbərlik etdiyi reket saytları "qara siyahı”ya salmışdıq. Bundan sonra quruma qarşı şər və böhtanlarını daha da artırmışdı. Durmadan öz saytları və sosial şəbəkələr vasitəsi ilə ünvanımıza hədyanlar yağdırırdı. Əminliklə demək lazımdır ki, İkram Rəhimov peşəkar cinayətkardır”.

V.Rəhimzadə hüquq-mühafizə orqanlarının İ.Rəhimovla bağlı digər cinayətlərin üzərini açacağını da əminliklə ifadə edib:

"Biz onu nə qədər tərbiyə etməyə çalışsaq da, haqq-ədalət yolunu tutmağa, jurnalistikanın peşə etikasına riayət etməyə dəvət etsək də, o, azğınlaşmış formada öz əməllərini davam etdirdi. Çirkin niyyətindən əl çəkmədi. Sadəcə bizi deyil, idarə rəhbərlərini, iş adamlarını, sadə vətəndaşları da təhqir edir, böhtan atırdı. Şantaj yolu ilə bir çox adamdan vəsait istəyirmiş. Məsələn, Neftçalada elektrik şəbəkəsinin rəisindən və dövlət təşkilatlarından pul tələb edirmiş. Ona görə də DTX tərəfindən həyata keçirilən əməliyyatı dəstəkləyirəm. Məsələ ondadır ki, biz sadəcə "qara siyahı”ya sala bilirik və ictimai qınağı formalaşdırırıq. Başqa hansısa tədbir görə bilmirik”.

Qeyd edək ki, İkram Rəhimovun rəhbərlik etdiyi "Realliq.info” və digər "reket” informasiya saytların qanunsuz fəaliyyəti ifşa olunub. Dövlət Təhlükəsizlik Xidmətinin əməliyyatı nəticəsində İkram Rəhimovun ayrı-ayrı vətəndaşlar barəsində rüsvayedici və böhtan xarakterli məlumatları mətbu orqanlarında müntəzəm yayaraq onlardan vəsait tələb etdiyi, əsasız olaraq Mətbuat Şurasının rəhbərliyini və üzvlərini hədəfə aldığı müəyyən edilib. DTX-nın xüsusi əməliyyatı sayəsində İ.Rəhimov saxlanılıb. (sherg.az)
Ailəsi onu axtarır DİN Mətbuat Xidmətinin Quba regional qrupundan verilən məlumata görə, Xaçmaz şəhər sakini, 17 yaşlı Təbriz Zeynalov oktyabr ayının 20-də yaşadığı evdən çıxaraq bir daha geri qayıtmayıb.

Təbriz Zeynalovun əlamətləri belədir: Boyu 160-170 sm., orta bədən quruluşlu, uzun sifətli, qısa qara saçlı, gözlərinin rəngi şabalıdı, çənə nahiyyəsində xal var.

Şəkildə gördüyünüz qadını tanıyanlardan və barəsində məlumatı olanlardan DİN-in “102 Zəng Mərkəzi” Xidmətinə, həmçinin Xaçmaz Rayon Polis Şöbəsinə 02332-5-53-56 şəhər və 051-843-02-02; 077-730-20-20 (Atası) nömrələrinə zəng vuraraq məlumat vermələri xahiş olunur.
Bakıda satılan köynəyin üstündəki yazı şoka saldı - FotoBakıda “Berşka” adlı brend mağazada satılan köynəyin üzərinə həkk olunmuş ingiliscə yazı növbəti dəfə bu mövzunu gündəmə gətirib.

Axar.az xəbər verir ki, bununla bağlı sosial şəbəkədə foto da paylaşılıb. Paltarın üzərində, “Mən bacımın sevgilisini oğurladım. Hər şey qasırğa kimi bir anda baş verdi və biz bir həftə ərzində valideynlərimizi öldürdük, sonra da səyahətə çıxdıq” deyə yazılıb.

Sosial şəbəkə istifadəçiləri isə buna kəskin reaksiya veriblər. Bu məzmunlu yazıların xüsusən azyaşlıların psixologiyasına mənfi təsiri barədə fikirlər səsləndirilib.

Qeyd edək ki, vaxtaşırı olaraq brend mağazalarımızda satılan paltarların üstündə bu cür əxlaqa zidd ifadələrin olmasına rast gəlinib. Təəssüf ki, rekasiyalara baxmayaraq, hələ də bir çox tacir satdığı köynəyin yazısına əhəmiyyət vermir və ya bunu qəsdən edir.
Elçin Mirzəbəyli: "Qara siyahı"ya salırsan, "qara qutu"dan çıxırlar"“İllərdir müxtəlif adlar və təyinatlar altında daldalanıb reketçiliklə, şantajla, ictimai-siyasi “maşa” funksiyasını yerinə yetirməklə qanunlara, dəyərlərə meydan oxuyan cinayətkarları media sektorundan təmizləyə bilmirik”.

Avrasiya.net xəbər verir ki, bu sözləri “Xalq Cəbhəsi” qəzetinin baş redaktoru Elçin Mirzəbəyli reket jurnalistika ilə bağlı fikirlərini bildirərkən qeyd edib.

Elçin Mirzəbəyli reketçiliklə məşğul olanlara qarşı daha sərt tədbirlərin görülməsinin vacibliyini vurğulayıb: “Adları “Qara siyahı”ya salınır, “qara qutu”dan çıxırlar. Əməllərinə görə məhkəmə qapılarından dışarı çıxmayacaqlarını düşünürsən, çıxmaları bir yana qalsın, pərvazlanıb uçurlar, əvvəl 1 saytları vardısa, 5-ni açırlar. Mətbuat Şurasının İdarə Həyətinin üzvlərini, Azərbaycan dövlətinə, onun informasiya təhlükəsizliyinə xidmət edən hər kəsi açıq-aşkar, çəkinmədən şantaj edirlər. Onlara qahmar çıxanlar, hətta “peşəkar jurnalist” adlandıranlar, dəstək verənlər də tapılır, təəsüf ki.. O cümlədən “xidmətlərindən" istifadə edənlər də…

Bu baxımdan, “Reallıq.info” adlanan şantaj alətinin, onun peşəkar böhtançı “sahibi” İkramın, yan-yörəsinin Mətbuat Şurasını hədəfə almasının iki əsas səbəbi olduğu qənaətindəyəm:

Mətbuat Şurasını susdurmaq, reketçiliyin, şantajçılığın media məkanını qəsb etməsinə yol açmaq;

“İkram” qarşılığında ləyaqətli, prinsipial mövqeyi olan insanlari hədəfə alaraq gözdən salmaq.

Olmadı… Hüquq-mühafizə orqanları pis adamdan xeyir görməyə çalışanların da, şantajçıların da arzularını ürəklərində qoydular.

Amma bununla iş bitmir. Reketçiliyə, şantajçılığa qarşı təkcə Mətbuat Şurası, müvafiq dövlət qurumları mübarizə aparmalı deyillər. Kimliyindən asılı olmayaraq özünün, övladının daha təhlükəsiz həyat yaşamasını istəyən hər kəs bu “epidemiya”nın qarşısında dayanmalı, prinsipial mövqe, xarakter nümayiş etdirməlidir!”