Usubov yeni polis rəisi təyin etdiDaxili işlər orqanlarında yeni təyinat olub.

Report-un məlumatına görə, Daxili İşlər naziri, general-polkovnik Ramil Usubov bununla bağlı müvafiq əmr imzalayıb.

Əmrə əsasən, İsmayıllı rayon Polis şöbəsinin rəis müavini, polis polkovnik-leytenantı Pərviz İsmayılov tutduğu vəzifədən azad edilərək Ağdam rayon Polis şöbəsinin rəisi vəzifəsinə təyin edilib.

Qeyd edək ki, bir müddət əvvəl Ağdamın polis rəisi Elçin Qasımov tutduğu vəzifədən azad edilərək Tərtər rayon Polis şöbəsinin rəisi təyin edilib.
Gəncədə 18 yaşlı qız itkin düşübNoyabrın 1-də evdən çıxıb.

Gəncə şəhərində 18 yaşlı qız itkin düşüb.

Hadisə Heydər Əliyev prospektində baş verib.

Həmin prospektdə ev 57, mənzil 2-də yaşayan Tekin İlahə Ağa qızı polisə müraciət edərək bildirib ki, onunla birgə yaşayan qızı, 2000-ci il təvəllüdlü Sevinc Qarayeva noyabrın 1-də evdən çıxıb və bir daha geri qayıtmayıb.

Qadın bildirib ki, S.Qarayeva əvvəllər də itkin düşüb və polis tərəfindən tapılıb.

Faktla bağlı araşdırma aparılır. (trend)
Bu meyvə cinsi gücü artırır, xərçəngi məhv edir...Dünyada ən çox qəbul edilən 26 meyvədən biri də kividir.

Ölkə.az xəbər verir ki, kivinin insan orqanizminə bir çox faydası var. Kivi C vitamini ilə çox zəngindir. Soyuq havalarda qəbul edilməsi nəfəsalma ilə bağlı problemləri azaldır.

Kivi əsasən astma və nəfəs darlığı, nəfəsalma problemi olan insanlar üçün çox faydalıdır. 100 qram kivinin tərkibində 100-400 milliqram C vitamini var. Bundan başqa maqnezium, potasium ilə də zəngindir.

Kivinin tərkibində E vitamini, mis, fosfor, B2, A vitamini də var.

İtaliyada 18 min uşaq üzərində aparılan təcrübə sübut edib ki, C vitamini ilə zəngin olan kivi qəbul edən fərdlərin 44%-i nəfəsalma ilə bağlı problemi azalıb.

C vitamini həmçinin damarların sağlamlığı ilə ən vacib vitamin sayılır.

Kivi qanı duruldur, xolesterinin səviyyəsini tənzimləyir, damarlarda trombların əmələ gəlməsinin riskini və bununla da insult və infarkt riskini azaldır.

Kivi kişilərdə cinsi istəyini artırır, prostat vəzinin sağlamlığını qoruyur.

Kivinin güclü antikanserogen (xərçəng əleyhinə) xüsusiyyətləri vardır.

Kivinin digər faydalı xüsusiyyəti bağırsaqların fəaliyyətini yaxşılaşdırmaqdır. Liflərlə zəngin olan kivi bağırsaqları təmizləyir, qəbizliyin qarşısını alır. Mütəxəssislər qəbizlikdən əziyyət çəkənlərə yatmazdan qabaq 2 kivi yeməyi tövsiyə edirlər.

Kivi stresi azaldır, depresiyanın qarşısını alır, orqanizmdə şəkərin miqdarını tənzimləyir, görmə qabiliyyətini artırır, uşaqlarda sümük və beyin inkişafına təkan verir, formada qalmağa kömək edir.
Gənc yazar ikinci dəfə evləndiyi xanımını döyüb ölümlə hədələdi: "İçir, qusur və deyir ki, təmizlə"Daha çox qalmaqallı fikirləri ilə tanınan gənc yazar Kəramət Böyükçöl ikinci dəfə ailə həyatı qurduğu həyat yoldaşı Çinarə Böyükçöldən boşanaraq onu ölümlə hədələyib.

A24.az xəbər verir ki, yazıçının həyat yoldaşı ilə boşanmasına səbəb isə hər gün spirtli içki qəbul etməsi və xanımını döyməsi olub.

Xanımı bildirib ki, Kəramət onu ölümlə təhdid edir və uşağı alacağı ilə hədələyir.

“Dəhşətdir, dəli kimidir. İçir, qusur və deyir ki, təmizlə” – deyə, yazıçının xanımı Çinarə əlavə edib.

Qeyd edək ki, yazıçı ötən gün həyat yoldaşından boşanması ilə bağlı sosial şəbəkədə status yazıb. O, daha sonra yazdığı həmin statusu silib. Yazıçının birinci həyat yoldaşından bir qızı, ikinci həyat yoldaşından isə bir oğlu var.

Xatırladaq ki, Çinarə Böyükçöl Kəramət Böyükçölün ikinci həyat yoldaşıdır. Bundan əvvəl də yazıçı ailə qurub boşanıb. Çinarə Böyükçöl hazırda Bakı Dövlət Universitetinin tələbəsidir.
Hacıbala Abutalıbov bir qrup yük maşınının sürücüsünü qəbul etdiBaş nazirin müavini bir qrup narazı yük maşınının sürücüsünü qəbul edib.

Baş nazirin müavini, Nazirlər Kabinetinin Yol Hərəkəti Təhlükəsizliyi Komissiyasının sədri Hacıbala Abutalıbov bir qrup narazı yük maşınının sürücüsünü qəbul edib.

Qəbulda Bakı Şəhər Dövlət Yol Polisi İdarəsinin bölmə rəisi, polis polkovniki Vaqif Əsədov və digər səlahiyyətli şəxslər iştirak ediblər.

H.Abutalıbov, təxminən, 40-a yaxın sürücünün iştirak etdiyi qəbulda onları narahat edən məsələləri dinləyib, suallarını cavablandırıb.

Sürücülər bildiriblər ki, onlar günün qadağan olunmayan saatlarında Bakı şəhərində hərəkətdə olarkən nəqliyyat vasitələri elektron qaydada cərimələnir. Hətta bir gündə bəzən 5, 7 elektron qərar tərtib edilir ki, bu da 200-300 manat məbləğində cərimə deməkdir. Sürücülər etiraz edərək diqqətə çatdırıblar ki, onların maddi vəziyyəti məhz bu yükdaşıma fəaliyyətindən asılıdır. Buna görə də onlara hər hansı şərait yaradılmalıdır.

H.Abutalıbov sürücülərin hər birini fərdi qaydada dinləyib və suallarını cavablandırıb. Sürücülər yeni marşrutlar barədə təkliflər versələr də, H.Abutalıbovun göstərişi ilə Bakı Şəhər Dövlət Yol Polisi İdarəsinin əməkdaşları onlara qadağa qüvvədə olan saatlarda hərəkət sxemini tərtib edərək siyahı təqdim ediblər. Həmin siyahı 5 bənddən ibrarətdir və şəhərin müxtəlif istiqamətlərində yük maşınlarının hərəkətini tənzimləyir. Həmin siyahıdakı küçə və prospektlərdə yük avtomobillərinin hərəkətinə icazə verilir. Lakin sürücülər H.Abutalıbovdan başqa marşrutlar üzrə də yol verilməsini xahiş ediblər. Baş nazirin müavini isə qeyd edib ki, bununla bağlı araşdırma aparılandan sonra müəyyən addımlar atıla bilər. Hələlik isə bir neçə məqbul variant üzərində iş gedir.

V.Əsədov bildirib ki, görüş çox səmərəli keçib, sürücülər razı qalıblar, onları narahat edən suallara cavab verilib. DYP-nin tərtib etdiyi marşrut siyahısı onlara ayrı-ayrılıqda təqdim edilib və həmin marşrut üzrə hərəkət etmələri tövsiyə olunub. Bildirilib ki, bu marşrutdan kənara çıxan sürücülər noyabrın 15-dən etibarən elektron cərimələrlə cəzalandırılacaqlar.

Qeyd: Azərbaycan Respublikası Nazirlər Kabinetinin Yol Hərəkəti Təhlükəsizliyi Komissiyasının 30 iyun 2015-ci il tarixli, 1 nömrəli protokol Qərarında nəzərdə tutulmuş qadağa saatlarında Bakı şəhərində yük avtomobillərinin sürücüləri yük daşımalarını aşağıdakı küçə və prospektlərdən istifadə etməklə həyata keçirə bilərlər:

1. Lökbatan dairəsi - Xocahəsən yolu - Sulutəpə qəsəbəsi - Binəqədi yolu (Baş Dövlət Yol Polisi İdarəsinin qarşısı) - Mehdiabad yolu - Balaxanı yolu - Zabrat-Maştağa yolu - Albalılıq yolu - Mərdəkan yolu - Şüvalan yolu - Qala yolu - Türkan yolu - Pirallahı yolu - Hövsan yolu - Suraxanı - Yeni Günəşli - General Mehmandarov küçəsi - Neapol dairəsi - Ukrayna dairəsi - Gəncə prospekti - Zığ yolu - Beton yolu - Hövsan;

2. Sumqayıt yolu - Biləcəri yolu (Daş bazarı) - Binəqədi şosesi - sola Baksol yolu - Biləcəri qəsəbəsinin içi (yük boşaltma məntəqəsi) avtovağzal istiqamətində və əksinə, Baksol yolu - "Taxta" bazarı və əksinə;

3. Ə.Rəcəbli küçəsində geriyədönmə yeri, "Şır-şır" restoranının yanı, "Taxta" bazarı;

4. "Çermet" körpüsünün altı - Z.Bünyadov prospekti - Koroğlu metrostansiyası istiqamətində tunelin üstü - Ziya Bünyadov prospektindən Ələsgər Qayıbov və Xalqlar dostluğu küçələrinə (Heydər Əliyev prospektinə çıxmamaq şərti ilə) "Lukoil" YDM-nin yanından geriyədönmə yeri - "Baku Streel Company" istiqmətində;

5. Qaradağ rayonu, ümumilikdə, Pirallahı rayonu, Mehdiabad qəsəbəsi, Balaxanı qəsəbəsi, Zabrat qəsəbəsi, Maştağa qəsəbəsi, Kürdəxanı qəsəbəsi, Albalılıq qəsəbəsi, Nardaran qəsəbəsi, Bilgəh qəsəbəsi, Mərdəkan qəsəbəsi, Şüvalan qəsəbəsi, Qala qəsəbəsi, Türkan qəsəbəsi, Biləcəri qəsəbəsi, Binəqədi kəndi, Sulutəpə qəsəbəsi, Xocahəsən qəsəbəsi, Yeni Günəşli qəsəbəsi, Suraxanı qəsəbəsi.(report.az)
"Bir kərə yüksələn bayraq bir daha enməz" - Pirallahıda tədbirDünən Pirallahı Rayon İcra Hakimiyyəti və Yeni Azərbaycan Partiyası Pirallahı rayon təşkilatının təşkilatçılığı ilə Neft Daşları qəsəbəsində "9 Noyabr - Bayraq Günü" ilə əlaqədar "Bir kərə yüksələn bayraq bir daha enməz" başlığı altında bayram tədbiri keçirildi.

Tədbir öncəsi YAP Pirallahı rayon təşkilatının sədri, YAP Pirallahı rayon təşkilatı Aparatınn əməkdaşları, Neft Daşları NQÇİ-nin rəhbərliyi ümummilli lider Heydər Əliyevin abidəsi önünə gül dəstələri qoydular. Tədbiri giriş sözü ilə açan YAP Pirallahı rayon təşkilatı sədrinin müavini, Neft Daşları NQÇİ-nin rəisi Qoçalı Mahmudov bu günlərdə təsis olunmasının 100 illiyini qeyd etdiyimiz üçrəngli bayrağımızın hər bir azərbaycanlı üçün müqəddəs olmasından, ölkə başçısı cənab İlham Əliyevin dövlətçiliyimizin inkişafındakı xidmətlərindən danışdı.
"Bir kərə yüksələn bayraq bir daha enməz" - Pirallahıda tədbir
Yeni Azərbaycan Partiyası Pirallahı rayon təşkilatının sədri Hikmət Şikarov çıxışında qeyd etdi ki, 1991-ci il oktyabrın 18-də respublikanın qanunvericilik orqanı olan parlament Azərbaycanın dövlət müstəqilliyi haqqında Konstitusiya Aktı qəbul etdi və bununla da respublikamızın müstəqilliyi bərpa olundu.  Həmin vaxtdan bəri xalqımız azad yaşayır, öz milli dövlətini möhkəmlədərək inkişaf etdirir. Qısa müddətdə müstəqil Azərbaycan siyasi, sosial-iqtisadi, mədəni sahələrdə böyük nailiyyətlər qazanmışdır. Respublikamızda dövlət müstəqilliyinin bütün atributları bərqərar edilmişdir. Dövlət gerbi, himn, üçrəngli bayraq müstəqil dövlətimizin rəmzləridir.
"Bir kərə yüksələn bayraq bir daha enməz" - Pirallahıda tədbir
Sədr qeyd etdi ki, ilk dəfə 1918-ci il noyabr ayının 9-da Azərbaycan Xalq Cümhuriyyətinin Nazirlər Şurasının iclasında üçrəngli bayrağımızın dövlət rəmzi kimi qəbul edilməsi barədə qərar qəbul edilmişdir. Müstəqillik əldə etdikdən sonra üçrəngli bayrağımız ilk dəfə  olaraq 1990-cı il noyabrın 17-də Naxçıvan Muxtar Respublikası Ali Məclisinin sədri Heydər Əliyevin təşəbbüsü və rəhbərliyi ilə keçirilən sessiyada Naxçıvan Muxtar Respublikasının dövlət bayrağı olaraq təsdiq edilmişdir.
1991-ci il fevralın 5-də Azərbaycan Respublikasının Ali Soveti “Azərbaycan Respublikasının Dövlət bayrağı haqqında” Qanun qəbul edərək onu Dövlət bayrağı elan etmişdir. 2009-cu il noyabr ayının 18-də isə Azərbaycan Respublikasının Prezidenti İlham Əliyevin Sərəncamına əsasən "9 noyabr - Bayraq Günü" elan olunmuşdur. Dövlət rəmzi olmaqla yanaşı üçrəngli bayrağımız and yerimiz, qürurumuzdur. Dünyanın hansı nöqtəsində yaşamasından asılı olmayaraq hər bir azərbaycanlı fəxrlə üçrəngli bayrağımızı başı üzərində dalğalandırır .
"Bir kərə yüksələn bayraq bir daha enməz" - Pirallahıda tədbir
Çıxışının sonunda YAP Pirallahı rayon təşkilatının sədri Hikmət Şikarov partiyanın ictimai-siyasi həyatında fəal iştirakına görə YAP Pirallahı rayon təşkilatının bir qrup üzvünü Fəxri Fərmanla təltif etdi.
"Bir kərə yüksələn bayraq bir daha enməz" - Pirallahıda tədbir
Tədbir tanınmış müğənni Rüfət Axundov və digər incəsənət nümayəndələrinin iştirakı ilə konsert proqramı ilə davam etdirildi.


Məmmədyarovun atası: “Azərbaycanca təmiz danışan o qədər əclaflar var ki!” Oktyabrın 29-da İstanbulda Azərbaycan, Türkiyə və Gürcüstanın xarici işlər nazirlərinin 7-ci üçtərəfli görüşü keçirilib. Görüşdə diqqət çəkən məqamlardan biri Azərbaycanın xarici işlər naziri Elmar Məmmədyarovun çıxışı ilə bağlıdır.

Belə ki, nazir Elmar Məmmədyarovun ana dilində çıxış edərkən rabitəsiz ifadələr işlətməsi anlaşılmazlıq yaradıb ki, bu da sosial şəbəkələrdə geniş diskussiyalara səbəb olub.

Nazir ciddi tənqidlərə tuş gəlib. Həm sosial şəbəkə istifadəçiləri, həm də bəzi deputatlar Elmar Məmmədyarovu Azərbaycan dilini təmiz bilməməkdə qınayıblar.

Modern.az saytı geniş diskussiyalara səbəb olan məsələ ilə bağlı xarici işlər naziri Elmar Məmmədyarovun atası akademik Məhərrəm Məmmədyarovla əlaqə saxlayıb.

Nazirin atası saytımıza açıqlamasında deyib ki, oğluna qarşı bu cür qarayaxma aparmaq olmaz:

“Ataların bir sözü var. “Hər gözəlin bir eybi olar”. Əsas odur ki, Elmar vətənpərvər insandır. Bəzi adamlar belə insanları qaralamaqla məşğuldur. Olmaz belə! Azərbaycanca təmiz danışa bilən o qədər əclaflar var ki!”.

Məhərrəm Məmmədyarov Elmar Məmmədyarovun rus dilində təhsil aldığını söyləsə də, Azərbaycan dilində danışa bildiyini də vurğulayıb:

“Elmar Sovet dövründə rus dilində təhsil alıb. Daha sonra digər xarici dilləri də öyrənib. Cavanlarımız nə qədər çox dil bilərsə, bu, millətin ucalığıdır. Elə danışırsız ki, guya, Elmar heç öz ana dilini bilmir. Əlbəttə bilir. O, mənimlə Azərbaycan dilində danışır. Düzdür, Azərbaycan dilini bədii ifadələrlə zənginləşdirib danışmır. Amma istənilən mövzuda öz dilimizdə danışır. Sadəcə, filoloqlar kimi səlis danışmır. Elmar filoloq deyil, xarici işlər naziridir. Onun haqqında yanlış fikir söyləyənlər vətənpərvər insanlar deyil. Öncə Azərbaycanın xarici siyasətinə baxın. Orada səhv varsa, onu düzəltsin”.
Azərbaycanda zibilxanalar ləğv ediləcək - enerji alınacaqTullantılarla bağlı dörd illik Milli Strategiya hazırlanıb.

“Azərbaycan Respublikasında bərk məişət tullantılarının idarə edilməsinin təkmilləşdirilməsinə dair 2018–2022-ci illər üçün Milli Strategiya”nın təsdiq edilməsi haqqında sərəncam imzalayıb. Sərəncamla İqtisadiyyat Nazirliyi Milli Strategiyanın həyata keçirilməsi ilə bağlı görülən işlər barədə ildə bir dəfədən az olmayaraq Azərbaycan Respublikasının Prezidentinə məlumat vermək tapşırılıb.

Milli Strategiyanın məqsədləri aşağıdakılardır:

bərk məişət tullantılarının yığılması xidmətlərinin Azərbaycan Respublikasındakı bütün yaşayış və qeyri-yaşayış müəssisələrinə doğru genişləndirilməsi;

çeşidlənib yeni məhsul əldə edilməsi xərc baxımından sərfəli olmayan və yeni ehtiyatların bərpasına sərf edilə bilməyən bütün tullantıların təhlükəsiz və səmərəli zərərsizləşdirilməsinin təmin edilməsi;

ictimai təhsil, səmərəli ictimai maarifləndirmə kampaniyaları, yeni bərk tullantı sistemləri və bazarın inkişaf etdirilməsi vasitəsilə çeşidləmə, emal və tullantılardan təkrar istifadə yolu ilə ehtiyatların bərpa edilməsi potensialının artırılması;

ictimai sağlamlığa və ətraf mühitə dəyən zərərin azaldılması məqsədilə potensial təhlükəli tullantıların xüsusi şəkildə idarə edilməsi;

mənfi təsirləri azaltmaq məqsədilə ekoloji tələblərə cavab verməyən açıq zibilxanaların tədricən ləğv edilməsi.

Milli Strategiyanın prioritet istiqamətləri

bərk məişət tullantılarının idarə edilməsində qabaqcıl təcrübənin və mütərəqqi texnologiyaların tətbiqi hesabına bütövlükdə bu sahədə idarəetmə keyfiyyətinin artırılması və səmərəliliyin təmin edilməsi;

sahənin maddi-texniki bazasının gücləndirilməsi, yeni infrastruktur obyektlərinin inşası, müasir texnika və avadanlıqla təchizatın təmin edilməsi;

bərk məişət tullantılarının idarə edilməsində beynəlxalq standartlara (tullantıların azaldılması, onların təkrar istifadə və emal üçün çeşidlənməsi, ehtiyatların bərpa edilməsi) əsaslanaraq fəaliyyətin təmin olunması;

bərk məişət tullantılarının idarə edilməsinə dövlət büdcəsindən ayrılan subsidiyaların tədricən azaldılması, yeni tarif sisteminin və yığım mexanizmlərinin tətbiq edilməsi;

müasir üsullar tətbiq edilməklə, bərk məişət tullantılarından enerji alınması üçün müvafiq tədbirlər görülməsi.

Qubada məktəbli oğlanların voleybol yarışı keçirilibAzərbaycan Respublikasının Təhsil Nazirliyinin "Təhsildə inkişaf və innovasiyalar üzrə 2-ci qrant müsabiqəsi"nin fərdi kateqoriya üzrə qalibi olan "Kim sevirsə idmanı poladdan olar canı" sağlam məktəbli spartakiadası adlı layihə çərçivəsində Quba rayonunun Dağlı kənd tam orta məktəbində oğlanlar arasında voleybol turniri keçirilib.

Tədbirdə çıxış edən layihə rəhbəri, Quba rayonu Qırmızı qəsəbə 1 saylı tam orta məktəbinin müəllimi Kamran Əlimərdanov layihə barədə məlumat verərək bildirib ki, məqsəd məktəblilərinin asudə vaxtlarının idman oyunları vasitəsilə səmərəli təşkilinə nail olmaq, gənc qızların idmana cəlbinə dəstək olmaq, eyni zamanda şagirdlər arasında sağlam həyat tərzinin təbliğinə təkan verməkdir.

Rəsmi hissədən sonra yarışa start verilmişdir.
Qubada məktəbli oğlanların voleybol yarışı keçirilib
Barlı, Xucbala, Dağlı, Qəcər-Zeyid, Qırmızı qəsəbə 1 saylı və Digah kənd tam orta məktəblərinin şagirdlərindən ibarət 6 komandanın mübarizə apardığı turnirdə yekun nəticədə Qırmızı qəsəbə 1 saylı tam orta məktəbinin komandası turnirin qalibi adını qazanıb. Xucbala kənd tam orta məktəbinin komandası ikinci, Qəcər-Zeyid kənd tam orta məktəbinin komandası isə üçüncü yeri tutub.

Yekunda qalib və mükafatçılar kubok, diplom və medallarla təltif olunub.

Noyabr ayının 27-dək davam edəcək layihə çərçivəsində Qaraçay kəndində oğlanların iştirakı ilə basketbol, Püstəqasım kəndində isə qızlar və oğlanların iştirakı ilə stolüstü tennis üzrə turnrilər keçiriləcəkdir.

Qeyd edək ki, “Təhsildə inkişaf və innovasiyalar üzrə ikinci qrant müsabiqəsi” dövlət ümumi təhsil müəssisələri və bu müəssisələrdə çalışan pedaqoji işçilər üçün elan edilmişdir. Müsabiqə çərçivəsində ümumi təhsil müəssisələri kateqoriyası üzrə təklif olunmuş 211 layihədən 41-i, fərdi kateqoriya üzrə isə 639 layihədən 125-i olmaqla ümumilikdə 166 layihə qalib elan edilib
Hansı məmur Azərbaycan dilində səlis danışır? - Dilçilik İnstitutu adları açıqladıBir neçə gündür ki, İstanbulda Azərbaycan, Türkiyə və Gürcüstanın xarici işlər nazirlərinin 7-ci üçtərəfli görüşü zamanı Azərbaycanın xarici işlər naziri Elmar Məmmədyarov ana dilində çıxış edərkən rabitəsiz ifadələr işlətməsi sosial şəbəkələrdə geniş müzakirələrə səbəb olub.

"Hansı məmurlarımız ana dilimizdə səlis danışmağı bacarır?", - sualı ilə AMEA-nın Nəsimi adına Dilçilik İnstitutunun Monitorinq şöbəsinə müraciət etdik.

Monitorinq Şöbəsinin müdiri Sevinc Əliyeva unikal.org-a açıqlamasında Azərbaycan dilində ən səlis danışan və natiqlik bacarığı olan məmurların adlarını açıqlayıb:

"Baş nazir Novruz Məmmədov dilimizdə çox gözəl danışır. O, filoloqdur, ona görə də Novruz Məmmədov fikirlərini aydın və səlis formada ifadə edə bilir.

Azərbaycan Prezidentinin icitimai-siyasi məsələlər üzrə köməkçisi Əli Həsənov öz çıxışlarında dövlət dilinin norma və prinsiplərinə əməl edir. O, Azərbaycan dilində səlis danışır, onun gözəl natiqlik bacarığı var. Prezidentin köməkçisi daim KİV təmsilçilərinə dilimizin saflığının qorunması və gələcək nəsillərə çatdırlması üçün mümkün addımların atılmasının vacib olduğunu bildirir.

Daxili İşlər naziri Ramil Usubov hüquq-mühafizə orqanlarının işi ilə bağlı çıxışlarında nümunəvi nitqi ilə diqqətimizi cəlb edir. Müşahidə etmişik ki, onun nitqində cümlələr çox gözəl uzlaşır.

Baş Prokuror Zakir Qaralov da hüquqşunas kimi fikirlərini səlis ifadə edir. Onun çıxışlarında demək olar, ki, ciddi rabitəsizlik müşahidə etmirik.

Maliyyə naziri Samir Şərifovun nitqi də əsasən ədəbi dil normalarına uyğundur.

Prezident Administrasiyasının Xarici siyasət məsələləri şöbəsinin müdir müavini Hikmət Hacıyevin danışığı da çox yaxşıdır. O, çıxışlarında xarici əlaqələr barədə fikirlərini dügzün şəkildə ifadə edir. Onun kütləvi informasiya vasitələrində çıxışı dediklərimizə nümunədir.

Sevinc Əliyeva Xarici İşlər naziri Elmar Məmmədyarovun Azərbaycan dilində danışa bilməməsinə də münasibət bildirib:

"Ən çox nitq qüsurları müşahidə olunan məmurlardan biri son vaxtlar KİV-lərdə ciddi müzakirə subyektinə çevrilən Elmar Məmmədyarovdur.

"Elmar Məmmədyarovla nitqi müqayisə olunacaq ikinci bir yüksək dərəcəli məmur yoxdur.Elmar müəllimin nitqində rabitəsizlik və uyğunsuzluq kifayət qədər çoxdur. Hərdən elə düşünülə bilər ki, bu montajdır.Hamı deyir ki, ana dilimizdə belə danışmaq mümkünsüzdür".

S.Əliyeva sonda qeyd edib ki, dilçi mütəxəssislərinin arzusu, hər bir Azərbaycan vətəndaşı öz ana dilinə böyük hörmətlə yanaşıb, kimliyindən və tutduğu vəzifəsindən aslı olmayaraq öz fikirlərini səlis şəkildə ifadə etməyi bacarsın.