Gündə 1 yumurta yeyənləri bu xəstəlik gözləmirHər gün 1 yumurta yeməklə insult riskini xeyli azaltmaq mümkün imiş.

Axar.az xəbər verir ki, Çin alimləri belə qənaətə gəliblər. Pekin Universiteti alimləri 9 il ərzində yaşı 30-dan 79-a qədər olan 420 min insanın qidalanması göstəricilərinə nəzarət edib.

Mütəxəssislər aşkar ediblər ki, hər gün yumurta yeyən insanlarda bu məhsulu yeməyən və ya nadir hallarda yeyən insanlarla müqayisədə insult riski 26%, insultdan ölüm riski isə 28% daha azdır.

Həmçinin yumurta yeyən insanlarda digər ürək-damar xəstəliklərinin riski də 18% daha azdır.

Tədqiqatçılar ağır ürək və damar xəstəliklərindən qorunmaq üçün hər gün yumurta yeməyi tövsiyə edirlər.
Şabranda gənclər Xalq Cümhuriyyəti barədə biliklərini nümayiş etdiriblərŞabran rayonunda Azərbaycan Respublikasının Gənclər Fondunun maliyyə, “Yurd” Gənclərin İntellektual İnkişafına Dəstək İctimai Birliyi icraçılığı və Şabran rayon Gənclər və İdman İdarəsinin və Şabran rayon Təhsil Şöbəsinin təşkilatı dəstəyi ilə “Cümhuriyyət kuboku” intellekt festivalı adlı layihə çərçivəsində “Nə? Harada? Nə zaman?” intellektual oyunu üzrə turnir keçirilib.

Rəsmi hissədə çıxış edən təşkilatın sədri və layihə rəhbəri Ramin Mahmudov qeyd edib ki, layihə intellektual oyunlar vasitəsilə yeniyetmə və gənclərin vətənpərvərlik, vətəndaşlıq, dövlətçilik və Vətənə sədaqət ruhunda tərbiyə edilməsinə və Azərbaycan Respublikasının Prezidenti cənab İlham Əliyevin Azərbaycan Xalq Cümhuriyyətinin 100 illik yubileyinin qeyd olunmasına dair sərəncamından irəli gələn vəzifələrin yerinə yetirilməsinə dəstək vermək məqsədi daşıyır.
Şabranda gənclər Xalq Cümhuriyyəti barədə biliklərini nümayiş etdiriblər
Layihə çərçivəsində Xızı, Siyəzən, Şabran, Xaçmaz, Qusar və Quba rayonlarında yaşayan və təhsil alan gənclərin əhatə olunacağını qeyd edən natiq çıxışında bildirib ki, cənab Prezidentin müvafiq sərəncamı ilə 2011-ci ildə yaradılan fondun sayəsində bütünlükdə ölkənin hər bir yerində gəncləri əhatə edən yüzlərlə layihə icra edilib və edilməkdə davam edir. Layihə rəhbəri fondun fərdi gənclərə də qrant ayırdığını, eyni zamanda bu ildən startap layihələrə, tələbələrin təhsil haqlarının ödənilməsinə də dəstək olduğunu bildirərək gəncləri bu imkanlardan istifadə etməyə çağırıb.
Şabranda gənclər Xalq Cümhuriyyəti barədə biliklərini nümayiş etdiriblər
Tədbirdə iştirak edən Azərbaycan Respublikasının Gənclər Fondunun nümayəndəsi Zaur Osmanov çıxışında intellektual oyunların əhəmiyyətindən danışmış, bu istiqamətdəki layihə təkliflərinə Gənclər Fondu tərəfindən əhəmiyyətli dəstək verilməsinin məqsədinin ölkənin gələcəyi ola gənclərin məntiqi düşünmə, təhliletmə, müstəqil fikir yürütmə, komanda tərkibində çalışma kimi bacarıqlarının, biliklərinin artırılmasına nail olmaqla bacarıqla kadrların yetişməsinə töhvə verməkdir.
Şabranda gənclər Xalq Cümhuriyyəti barədə biliklərini nümayiş etdiriblər
Tədbirdə çıxış edən Şabran rayon Gənclər və İdman İdarəsinin baş məsləhətçisi Musa Hüseynov, Şabran rayon Təhsil Şöbəsinin aparıcı məsləhətçisi Gülər Hüseynova layihənin icrasında Şabran gənclərini də nəzərə aldıqlarına görə həm təşkilat komitəsinə, həm də dəstəyə görə Gənclər Fonduna minnətdarlığını bildirib.
Rəsmi hissədən sonra 8 komandanın iştirak etdiyi intellektual oyuna start verilib.
Şabranda gənclər Xalq Cümhuriyyəti barədə biliklərini nümayiş etdiriblər
Yekun nəticəyə əsasən “Çıraqqala” komandası birinci, “Tornado” komandası ikinci, Şahnəzərli kəndinin eyniadlı komandası isə üçüncü mükafata sahib olub.
Qalib və mükafatçılara layihə çərçivəsində hazırlanmış, medallar, diplomlar, Azərbaycan Xalq Cümhuriyyətinin fəaliyyətindən bəhs edən statistik məlumatların əks olunduğu “100 illik qürur” adlı kitabçalar, bütün iştirakçılara iştirakçı şəhadətnamələri təqdim edilib.
Qətlə yetirilən biznesmen Eldar Mahmudovun yaxın adamı çıxdıO, MTN-in Mərkəzi Aparatının sabiq rəhbəri Fərhad Vahabovun qardaşı oğlu imiş

Xəbər verdiyimiz kimi, paytaxtın Xətai rayonunda iş adamı qətlə yetirilib.

Unikal.org xəbər verir ki, qətlə yetirilən 1970-ci il təvəllüdlü Vahabov Fariz Mirzaid oğlu MTN-in Mərkəzi Aparatının sabiq rəhbəri Fərhad Vahabovun qardaşı oğludur.

Xatırladaq ki, MTN-in Mərkəzi Aparatının sabiq rəhbəri, general-mayor Fərhad Vahabov da Eldar Mahmudovun ən yaxın kadrlarından biri hesab edilirdi. O, 2015-ci ilin noyabrında həbs olunub.

Hadisə 20 dekabr axşam saat 20:00 radələrində paytaxtın Xətai rayonunda baş verib.

Belə ki, Bakı şəhər sakini, 1973-ci il təvəllüdlü Vahabov Fariz Mirzahid oğlu Xətai rayonu, Sadıqcan küçəsində özünə məxsus "Hyundai" markalı 99 HV 222 dövlət nömrə nişanlı avtomobilində güllələnib. Hadisə yerinə rayonun hüquq-mühafizə orqanlarının əməkdaşları gəlib və ilkin araşdırmalara başlayıblar. Sonra meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Xətai rayon şöbəsinə aparılıb.

Ekspertiza şöbəsindən AzNews.az-a verilən məlumata görə, mərhum odlu silahdan açılan atəşlə qətlə yetirlib, müayinə zamanı bıçaq xəsarətləri aşkar edilməyib. Meyit müayinə olunduqdan sonra gecəylə ailə üzvlərinə təhvil verilib.

Xətai rayon Polis İdarəsindən aldığımız məlumata görə, artıq baş vermiş cinayət hadisəsi ilə bağlı bir neçə nəfər şübhəli şəxs qismində saxlanılıb. Faktla bağlı Xətai rayon prokurorluğunda cinayət məcəlləsinin qəsdən adam öldürmə maddəsi ilə cinayət işi başlanıb.
21 yaşlı gənc itkin düşdüUcarda 21 yaşlı gənc 19 gündür itkin düşüb.

Ucar rayon sakini 1997-ci il təvəllüdlü Cəfərov Murad Ələkbər oğlu, dekabrın 3-ü yaşadığı evdən çıxaraq geri qayıtmayıb.

Yaxınlarının verdiyi məlumata görə, C.Muradın səhhətində problemlər var. O, ruhi xəstəlikdən əziyyət çəkir.
"...erməni mənim düşmənim deyil"Nərmin Şahmarzadə psixoloq olduğu deyilən və Milli Qəhrəman Mübariz İbrahimov haqda səsləndirdiyi fikirləri ilə gündəmə gələn gənc qız məhkəməyə verilməsi ilə bağlı Musavat.com-un suallarını cavablandırıb.

Xatırladaq ki, məhkəməyə iddia ərizəsi ilə müraciət edən Muay-tay və Tayboksinq Federasiyalarının vitse-prezidenti Araz Musayev və vəkil Ramil Rüstəmov tələbə qızın qanuna uyğun cəzalandırılmasını tələb edirlər. Məhkəmənin hazırlıq iclası 25 dekabrda keçiriləcək.

N.Şahmarzadə deyib ki, ağır formada cəzalandırılacağını düşünmür, çünki heç kimi təhqir etməyib:

“O qədər axmaq deyiləm ki, kimisə təhqir edim. Sadəcə olaraq, öz fikrimi bildirmişəm”.

O, fikirlərinin arxasında nələrincə yatdığını və kimlərinsə layihəsinin icraçısı olduğunu da inkar edib.

“Ümumiyyətlə, bizim insanlar terrorun nə demək olması üzərinə düşünmürlər. Hər hansı bir fikri o qədər qloballaşdırdılar ki... Qəhrəman anlayışı fərqli bir şeydir. Ümumiyyətlə, burada Xocalı və digər məsələləri nəzərdə tutmamışam. Mən izah etmişəm: Xocalı və müharibə şəraiti tamam başqa bir şeydir”, - tələbə qız bildirib.

N.Şahmarzadə “üzrxahlıq videosu”ndan da danışıb, bildirib ki, o, Mübariz İbrahimova qatil deməyib:

“Atasının verdiyi cavab, açığı, pis təsir elədi. Çünki o, yaralı insandır. Yaralı insana da bu kimi şeylər çox dəyə bilər. Ona görə də mən üzrxahlıq videosunu sırf valideynlərindən üzr istəmək üçün çəkdim”.

N.Şahmarzadə dostluğunda erməni millətindən şəxslərin olmasına bu cür reaksiya verib:

“Mən kosmopolitəm. Dostluğumda ərəb, yapon, kürd, talış, ingilis də var. İnsan insandır. Mən demişəm ki, əlində, beynində heç kəsin qanı olmayan erməni mənim düşmənim deyil”.
Ramil Usubov “Şöhrət” ordeni ilə təltif edildiPrezident İlham Əliyev sərəncam imzalayıb.

Prezident İlham Əliyev R.İ.Usubovun “Şöhrət” ordeni ilə təltif edilməsi haqqında sərəncam imzalayıb.

Sənəddə bildirilir:

"Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:

Azərbaycan Respublikasında hüquq-mühafizə orqanlarında uzunmüddətli səmərəli fəaliyyətinə görə Ramil İdris oğlu Usubov “Şöhrət” ordeni ilə təltif edilsin".
Tanınmış prodüser yenidən məhkəmə qarşısındaO, iki qadını fahişəliyə cəlb etməkdə ittiham olunur.

Qızları fahişəliyə cəlb etməkdə təqsirləndirilərək həbs edilən tanınmış prodüser Təranə Səmədova barəsindəki hökmdən verilən apellyasiya şikayəti üzrə məhkəmənin vaxtı məlum olub.

AzNews.az-ın məlumatına görə, bu barədə T.Səmədovanın vəkili Janna Bağırova açıqlama verib. Vəkilin sözlərinə görə, şikayətə dekabrın 25-də Bakı Apellyasiya Məhkəməsində baxılacaq.

Qeyd edək ki, T.Səmədova barəsində bəraət hökmünün çıxarılması üçün Bakı Apellyasiya Məhkəməsinə şikayət edib.

Xatırladaq ki, Nərimanov rayon Məhkəməsinin hökmü ilə T.Səmədova bir il müddətinə azadlıqdan məhrum edilib. O, məhkəmə iclas zalında həbs olunub.

İttihama görə, Təranə Səmədovanın barəsində Daxili İşlər Nazirliyinin İnsan Alveri üzrə Mübarizə İdarəsində cinayət işi başlanıb. O, iki qadını fahişəliyə cəlb etməkdə ittiham olunur. Cinayət işi üzrə iki qadın zərərçəkmiş şəxs qismində tanınıb.

İstintaq orqanı tərəfindən Təranə Səmədovanın barəsində Cinayət Məcəlləsinin 243.1-ci (gəlir və ya digər fayda əldə etmək məqsədilə fahişəliyə cəlb etmə) maddəsi ilə ittiham elan edilib.
Məhkəmə Xədicə İsmayılovanı 26,5 min dollar cərimələdi1 saylı Bakı İnzibati İqtisad Məhkəməsi Vergilər Nazirliyinin jurnalist Xədicə İsmayılovaya qarşı iddiasını qismən təmin edib, hansı ki, o bunu Qərb KİV-i ilə əməkdaşlığını məhdudlaşdırmaq cəhdi hesab edir.

Virtualaz.org bildirir ki, bu barədə “Kavkazskiy uzel” xəbər yayıb.

“Mənə qarşı iş 2017-ci ilin noyabrında açılıb. Vergilər Nazirliyi mənim bank hesablarımın həbsinə nail oldu və 63 min 138 manatlıq (37 min dollar) vergi borcunu qaytarmağımı tələb etdi.

Guya həmin məbləğin 45 min 145 manatını (26,5 min dollar) mən 2008-ci ilin iyulundan 2010-cu ilin oktyabrına qədər "Azadlıq" radiosunun Bakı bürosunun rəhbəri olduğum dövrdə mənfəət vergisi kimi büdcədən yayındırmışam”, - deyə X.İsmayılova bildirib.

1 saylı Bakı İnzibati İqtisad Məhkəməsindən nəşrə bildiriblər ki, Vergilər Nazirliyinin iddiası qismən təmin edilib və Xədicə İsmayılovanın üzərinə dövlətə 45 143 manat 63 qəpik (26,5 min dollar) ödəmək öhdəliyi qoyulub.

Xatırladaq ki, X.İsmayılovanın "Kapitalbank" kommersiya bankındakı hesabları 2017-ci ilin noyabr ayında bloklanıb. Hesabın məhkəmə vasitəsilə həbs olunmasını Azərbaycan Vergilər Nazirliyinin Lokal Gəlirlər Departamenti xahiş edib.
Heydər Əliyevin inandığı “Böyük zabit” - VideoBu gün Azərbaycanın Daxili İşlər naziri, general-polkovnik Ramil Usubovun doğum günüdür.

Axar.az xatırladır ki, Ramil Usubov 1948-ci il dekabrın 22-də Xocalıda anadan olub.

1970-ci ildə daxili işlər orqanlarında fəaliyyətə başlayan Usubov 1975-ci ildə Şuşa RPŞ-nin Cinayət axtarışı bölməsinin rəisi, 1980-84-cü ildə Dağlıq Qarabağ Muxtar Vilayətinin Daxili İşlər İdarəsinin rəis müavini, 1984-87-ci illərdə Əli Bayramlı ŞPŞ-nin rəisi vəzifəsində çalışıb.

Ramil Usubov 1973-cü ildə N.Rzayev adına Bakı Xüsusi Orta Polis məktəbində və 1980-ci ildə isə SSRİ DİN-in Akademiyasında təhsil alaraq, təhlükəsizlik orqanları sahəsində mükəmməl biliyə yiyələnib.

O, 1987-89-cu və 1993-94-cü illərdə Naxçıvan MR Daxili İşlər naziri işləyib, 1989-93-cü illərdə AR DİN Cinayət axtarışı idarəsinin rəisi və s. vəzifələrdə çalışıb.

2002-ci ildən general-polkovnik ali rütbəsini daşıyır.

Ramil Usubovun fəaliyyəti dövlət tərəfindən də yüksək qiymətləndirilib. Azərbaycan Respublikasının Konstitusiya dövlət quruluşunun müdafiəsində, cinayətkarlıqla mübarizənin, ictimai təhlükəsizliyin və əmin-amanlığın təmin edilməsində, ölkədə dönməz sabitliyin əldə olunub, qorunub saxlanılmasında xüsusi xidmətlərinə görə Azərbaycan Respublikası Prezidentinin 24 dekabr 1998-ci il tarixli 41 nömrəli Fərmanı ilə “Azərbaycan Bayrağı” ordeni ilə təltif olunub.

Bundan başqa o, 2009-cu ildə Polşa prezidentinin sərəncamı ilə iki ölkənin münasibətlərinin inkişafına göstərdiyi xidmətlərə görə “Böyük zabit” ordeninə layiq görülüb.

Ümummili lider Heydər Əliyev 1994-cü il aprelin 29-da Ramil Usubovu xüsusi təqdimatla Azərbaycanın daxili işlər naziri təyin edib.
Firudin Qurbanov BDU-nun rektor əvəzi oldu - Nazir əmr imzaladıFirudin Qurbanov BDU-nun icraçı rektoru vəzifəsini daşımaqla yanaşı, Təhsil Nazirliyindəki nazir müavini postunda da qalacaq.

Bakı Dövlət Universitetinin (BDU) rektoru səlahiyyətlərini təhsil nazirinin müavini Firudin Qurbanov icra edəcək.

Məlumata görə, bu barədə Təhsil naziri Ceyhun Bayramov bu gün əmr imzalayıb.

Firudin Qurbanov BDU-nun icraçı rektoru vəzifəsini daşımaqla yanaşı, Təhsil Nazirliyindəki nazir müavini postunda da qalacaq.

Qeyd edək ki, noyabrın 15-də Abel Məhərrəmov prezident İlham Əliyevin sərəncamı ilə BDU-nun rektoru vəzifəsindən azad edilib. Rektor səlahiyyətlərinin icrası isə 1 ay müddətinə universitetin tədris işləri üzrə prorektoru İradə Əliyevaya həvalə edilmişdi. Həmin müddət isə sabah başa çatır.

Məlumata görə, F. Qurbanov sabah- dekabrın 22-də saat 10:00-da Baku Dövlət Universitetinin kollektivinə təqdim ediləcək.