İcra başçısının vəzifədən çıxarılmasının – SəbəbləriPrezident İlham Əliyevin Sərəncamı ilə ötən gün daha bir məmur - Xətai Rayon İcra Hakimiyyətinin başçısı Ramiz Məmmədov tutduğu vəzifədən azad edildi.

Axar.az xəbər verir ki, son günlər kadr islahatları çərçivəsində işdən çıxarılması gözlənilən icra başçıları sırasında Razim Məmmədovun adı tez-tez çəkilirdi. Eldar Əzizov Bakı şəhər İcra Hakimiyyətinə əvvəlcə birinci müavin, daha sonra isə rəhbər təyin ediləndən sonra apardığı proseslər sırasında Xətai rayonundakı neqativliklərin vaxtaşırı üzə çıxması isə R.Məmmədovu daha tez-tez gündəmə çevirirdi.

Növbəti belə hadisə oktyabr ayında baş vermişdi. Belə ki, Xətai RİH-nin sərəncamı əsasında “Bravo” supermarketinin qarşısında obyekt tikməyə icazə verilən sahibkar ümumilikdə 400 min manat ziyana düşdüyünü bildirmişdi. Sahibkar tikintiyə icazə verilməsi üçün 250 min, binaya isə 150 min xərc çəkdiyini vurğulayaraq, məhkəməyə müraciət etmişdi. Çünki Xətai Rayon İcra Hakimiyyətindən aldığı icazəyə əsasən sözügedən ərazidə 5 mərtəbəli obyekt inşa etməli idi. Lakin 4-cü mərtəbə tamamlandıqda İcra Hakimiyyəti binanın sökülməsi haqda qərar qəbul etmişdi.

Rayonda ən diqqətçəkən tikililər isə Sadıqcan, Cavanşir, Məhəmməd Hadi kücələrində tikilən, yolun hərəkət istiqaməti ilə birləşik vəziyyətdə olan ticarət obyektləridir. Ən maraqlı cəhət isə odur ki, həmin obyektlərin tikintisinə icazə üçün hər hansı sərəncam və ya digər hüquqi sənəd yoxdur. Başqa sözlə, sənədsiz tikililərin də qarşısı vaxtında alınmayıb və yaxud göz yumulub.

Xətai rayonunda ən ciddi problemlərdən biri də yaşıllıqlarla bağlıdır. bakı meriyasının bu sahədə aktiv fəaliyyətə keçməsindən sonra metronun “Əhmədli” stansiyasının yaxınlığında, iki yolun ortasında yerləşən bağda əkilən ağacların məhv edildiyi ortaya çıxdı. Bununla bağlı Ekologiya və Təbii Sərvətlər Nazirliyi Baş Prokurorluğa da müraciət etdi.

Xətai rayonu İnqilab İsmayılov küçəsindəki avtobus dayanacaq məntəqəsinin ətrafı, həmçinin piyada keçidini də bir tikinti şirkəti hasara almış və tikintiyə başlamışdı. Lakin məsələyə Bakı Nəqliyyat Agentliyinin qarışması ilə qeyri-qanuni şəkildə sərəncam verilən əraziyə çəkilən hasarlar sökülərək, piyadalar üçün gediş-gəliş imkanı yaradıldı.

Prezident İlham Əliyevin Nazirlər Kabinetinin son iclasında qanunsuz tikililər, paytaxtda ağacların qeyri-qanuni şəkildə kəsilməsi və s. məsələlər barədə sərt danışması bu işlərlə məşğul olan icra başçılarına ciddi bir siqnal idi. Bunun ardınca Bakı Şəhər İcra Hakimiyyəti paytaxtda qanunsuz tikililərin söküntüsünə start verdi və işə ilk olaraq Xətai rayonunda (Məhəmməd Hadi küçəsində, “Əhmədli” və “Həzi Aslanov” metrostansiyalarının yaxınlığında) hasarlanmış ərazilərdən başladı.

Həmçinin meriyada təşkil olunmuş komissiya tərəfindən sözügedən ərazilərdə tikilən bir sıra müxtəlif təyinatlı obyektlərin sənədlərinin araşdırılmasına start verildi. BŞİH-i məlumat yaydı ki, tikintilərlə bağlı qanun pozuntusu qeydə alınacağı təqdirdə tikililər söküləcək və məhkəməyə müraciət olunacaq. Xətai rayon ərazisindəki qanunsuz tikililərin söküntü işlərinin Xətai RİH deyil, Bakı ŞİH-i tərəfindən aparılması da diqqət çəkirdi.

Bundan bir qədər sonra isə Baş prokuror yanında Korrupsiyaya qarşı Mübarizə Baş İdarəsinin əməkdaşları tərəfindən Xətai rayon Mənzil Kommunal Təsərrüfat Birliyinin rəis müavini Məmmədov Xaliq Faiq oğlu Dövlət Şəhərsalma və Arxitektura Komitəsindən Baş Prokurorluğa təqdim olunmuş materiallar əsasında həbs edildi.

Məsələnin maraqlı tərəfi isə qanunsuz tikililərə görə həbs edilən X.Məmmədovun icra hakimiyyətinin başçısı R.Məmmədovun yaxın qohumu olması barədə mediada yayılan iddialar idi.

Sonuncu qəribə hadisə isə magistral su xəttində baş verən qəza zamanı ortaya çıxdı. Belə ki, Xətai rayonu, İlham Məmmədov küçəsindən keçən 600 mm diametrli magistral su kəmərində baş vermiş qəza səbəbindən sözügedən ərazi sakinləri 3 gün susuz qaldı. Azərsu ASC əməkdaşları bir neçə texnika ilə gecə-gündüz çalışsalar da, boru üzərindəki tikintilər səbəbindən qəza baş verən ərazini tam aça bilmədikləri üçün problemi aradan qaldırmaqda çətinlik çəkirdilər. Nəhayət, magistral su xəttinin üstündə inşa edilən evlərdən birinin hasarını sökməyə məcbur oldular və yalnız bundan sonra qəzanı aradan qaldırmaq mümkün oldu.

Azərsu ASC əməkdaşları sakinlərin narahatlığını nəzərə alaraq, bütün gecəni səhərə qədər işləsələr də, İcra Hakimiyyəti rəsmi sərəncamla magistral xəttin üstündə tikilən evlər səbəbindən yaranmış problemin aradan qaldırılmasına heç bir yardım göstərilməmişdi.

Azərsu ASC isə Xətai rayonu ərazisində əsas su xətlərinin üzərində bu cür tikililərin az olmadığını bildirərək, məsələ ilə bağlı aidiyyəti qurumları məlumat verdiyini açıqlamışdı.
“Qayğı ilə istifadə et” layihəsinin icrasına başlanıb“Bizim Gənclik” İctimai Birliyi tərəfindən Azərbaycan Respublikasının Gənclər Fondunun maliyyə dəstəyi ilə “Qayğı ilə istifadə et” layihəsinin icrasına başlanıb.

İctimai Birlikdən Newscenter.az-a daxil olan məlumata görə, layihənin əsas məqsədi gənclər arasında 3T (Tullatının azaldılması, Təkrar istifadə, Təkrar emal), ətraf mühit ilə iqtisadiyyatın qarşılıqlı təsiri mövzularının təbliği və məlumat bazasının zənginləşdirilməsindən ibarətdir.

Layihə qarşısına qoyduğu məqsədə nail olmaq üçün “Ətraf mühit və İqtisadiyyat” adlı kitabçanın hazırlanmasını və 3T mövzusunda video-çarxın çəkilişini hədəfləyir.

Sosial video-çarxın çəkilişində və yekun tədbirdə iştirak etmək istəyən gənclər öz cv-lərini 25 dekabr 2018-cı il tarixinədək [email protected] ünvanına göndərə bilərlər.
15 yaşlı qızın qaçırılması ilə bağlı cinayət işi açıldıDekabrın 12-də Bərdə rayon Polis Şöbəsinə rayonun Şorəlli kənd sakini 2003-cü il təvəllüdlü Natavan Süleymanovanın (ad, soyad şərtidir) qaçırılması barədə məlumat daxil olub.

Bərdə rayon prokurorluğundan verilən məlumata görə, faktla bağlı rayon Polis Şöbəsinin İstintaq Bölməsində Cinayət Məcəlləsinin 144.3-cü (adam oğurluğu, yetkinlik yaşına çatmayan şəxs barəsində törədildikdə) maddəsi ilə cinayət işi başlanıb.

Həyata keçirilmiş təxirəsalınmaz istintaq və əməliyyat-axtarış tədbirləri nəticəsində Natavan Süleymanovanın Bərdə şəhər sakini, 1999-cu il təvəllüdlü Habil İsmayılov tərəfindən oğurlanmasında əsaslı şübhələr olduğundan sonuncu şübhəli şəxs qismində tutularaq istintaqa cəlb edilib.

Hazırda iş üzrə istintaq tədbirləri davam etdirilir.(report.az)
Vətənini və dövlətini canından çox sevən mərhum millət vəkili – Zakir SərdarovBu gün Azərbaycanın dəyərli ziyalılarından biri olan mərhum millət vəkili Zakir Sərdarovun Vəfatından 19 il keçir. Azərbaycanın ictimai-siyasi həyatında önəmli rol oynamış, həm alim, həm də millət vəkili kimi aktiv fəaliyyət göstərmiş, işıqlı bir insan olan Zakir müəllim yaşasaydı 74 yaşı tamam olacaqdı. Zakir Sərdarov Azərbaycan dövlətçiliyinin möhkəmlənməsində, inkişafında əvəzsiz xidmətləri olan zıyalılarımızdandı. Dünyaya həm yaxşı alim olmaqla yanaşı, həm də mükəmməl insani keyfiyyətlərə malik az insnalar gəlir ki, o, məhz belə insanlardan olub. Zakir müəllim görkəmli ziyalı, dünyada baş verən prosesləri görmə bacarığına malik, yaradıcı, mükəmməl iş qabiliyyəti, hadisələrə yanaşma tərzi ilə fərqlənən bir ziyalı olmaqla yanaşı, eyni zamanda yardımsevər, xalqını, dövlətini canından çox sevən, daim dövlətçiliyin inkişafı üçün çalışan görkəmli bir şəxsiyyət kimi yaddaşlarda qalıb. Zakir müəllimin bu potensialını, vətənə, millətə, dövlətə sevgisini və bağlılığını onun mükəmməl xarakteri, insanlara diqqəti və qayğısı tamamlayırdı… Onun keçdiyi həyat yoluna nəzər saldıqda bunu bir daha şahidi oluruq və unudulmaz şəxsiyyəti rəhmətlə anırıq. Zakir Sərdarov daim Ulu Öndər Heydər Əliyevi dəstəkləyib. Xatırladaq ki, Yeni Azərbaycan Partiyasının (YAP) qurulmasında xidmətləri olanlardan biri də görkləmli alim Zakir Sərdarov idi.

O, həm də Ulu Öndərin “YAP-ın qızıl fondu” adlandırdığı məşhur “91-lər” hərəkatının üzvlərindəndir. Heydər Əliyev tərəfdarlarının təqib olunduğu bir vaxtda onun ideyalarını qorxmadan təbliğ edənlər sırasında dayanıb və geri çəkilməyib. O, təsadüfi deyl ki, 1992-ci ildə ümummilli lider Heydər Əliyevi Müdafiə Komitəsinin sədri olub. Zakir Sərdarov Heydər Əliyevin dahi şəxsiyyət olduğunu bilir və Azərbaycanın onun rəhbərliyi altında möhkəmlənəcəyini, inkişaf edəcəyini dünyada layiqli yer tutacağını və nüfuzlu dövlətə çevriləcəyini görürdü. Zakir Sərdarov 1943-cü il dekabrın 31-də Qərbi Azərbaycanın Qaraqoyunlu mahalının Yanıqtəpə kəndində qulluqçu ailəsində anadan olub. Onu tanıyanlar deyirlər ki, Zakir Sərdarovu elə institut illərindən pinsipial, çalışqan, əqidəli, sözübütöv şəxsiyyət kimi görüblər. 1969-1971-ci illərdə Azərbaycan Jurnalistlər İttifaqında ədəbi işçi, eyni zamanda, Bakı Bədən Tərbiyəsi Texnikumunda müəllim işləyib. 1971-1984-cü illərdə “Gənc müəllim” qəzetinin redaktoru vəzifəsində yazıb-yaradıb, daim ictimai problemləri vicdanlı sözlə qələmə alıb, haqqı əzilənin tərəfini verməyib.

Azərbaycan və SSRİ Jurnalistlər İttifaqının üzv olub. Daha sonra məzunu olduğu Azərbaycan Dövlət Pedaqoji İnsititutunda işləməyə başlayıb 1982-ci ildə “SSR-in Bolqarıstan Xalq Respublikası ilə iqtisadi, elmi-texniki və mədəni əməkdaşlığına Azərbaycan SSR-in töhfəsi” mövzusunda dissertasiya müdafiə edərək tarix elmləri namizədi alimlik dərəcəsi alıb. Elmi işini əzmlə davam etdirən Zakir müəllim müxtəlif arxivlərdə milli tariximiz üçün son dərəcə dəyərli fatkları, sənədləri üzə çıxarıb. Bunların əsasında 3 kitab, 150-dən artıq elmi məqalə qələmə alıb. O, məqalələrində erməni separatizminin iç üzünü açmağa da çalışıb. Zakir Sərdarovun elmi kadrların hazırlanmasında xidmətləri olub. Zakir Sərdarov hələ 80-ci illərdən məkrli erməni yalanlarına qarşı çıxan, əsərləri ilə erməni yalanlarını təkzib edən alimlərdən idi. Vətənpərvər alim ermənilərin qədim türk yurdu İrəvana və Qarabağa köçürülmə xalq olduğunu yazır, imperiya ideoloqlarının siyasətini ifşa edirdi. 1990-cı illərdə Sovet imperıyasının işğalçılıq siyasətinə qarşı çıxdıqlarına görə o zaman Bakı şəhərinin hərbi komendantı, polkovnik Valeri Bünyadov Zakir Sərdarovu, Səfyar Musayevi, Fərəməz Maqsudovu iki günlük həbs etdirib. Qeyd etdiyimiz kimi, Zakir Sərdarov Yeni Azərbaycan Partiyasının yaradılmasında fəal iştirak edib. Heydər Əliyevə müraciət imzalamış “91-lər”dəndir. Həyat fəaliyyətindən də məlum olur ki, o, qatı Heydər Əliyevçi olub.

Heydər Əliyev Naxçıvanda olduğu zamanlarda dəfələrlə onun yanına gedıb, məsləhətlər alıb. O, vaxtilə Milli Məclisin qarşısında yaş senzinin aradan qaldırılması üçün keçirilən mitinqlərdə fəal iştirak edib. 1995-ci ildə Heydər Əliyevin siyasi iradəsi ilə ölkənin Konstitusiyası qəbul edildi, ümumxalq səsverməsi ilə seçilmiş müstəqillik dövründə Milli Məclisin ilk tərkibi seçildi. Zakir Sərdarov da birinci cağırış parlamentə 24 saylı Nəsimi dairəsindən üzv seçilib. Zakir Sərdarov Milli Məclisdə də aktivliyi, təşəbbüskarlığı ilə fərqlənib, eyni zamanda seçicilərinə daim diqqətlə yanaşıb, onların problemlərinin həllinə çalışıb. Zakir Sərdarov Milli Məclisin tribunasından, deputat mandatının verdiyi imkanlardan yalnız dövlətçiliyin güclənməsi, Heydər Əliyev ideyalarının yayılması üçün istifadə edib, şəxsi problemlərini heç zaman qabartmayıb. Millət vəkili dostları, həmkarları Zakir müəllimi vətənpərvər, dövlətçilik üçün çalışan və mərd, cəsarətli, sözübütöv şəxsiyyət kimi xarakterizə edirlər… Z

akir Sərdarov 1999-cu il dekabrın 14-də rəhmətə gedib. Mərhum II Fəxri Xiyabanda dəfn olunub.
2 vəkilin fəaliyyəti dayandırıldı, 3 vəkilə töhmət verildiAzərbaycan Vəkillər Kollegiyasının (VK) Rəyasət Heyətinin iclası keçirilib.

Bu barədə VK-dan məlumat verilib.

İclasda çıxış edən Kollegiyanın sədri Anar Bağırov “Azərbaycan Respublikasında vəkilliyin inkişafı ilə bağlı əlavə tədbirlər haqqında” Azərbaycan Respublikasının Prezidentinin 22.02.2018-ci il tarixli sərəncamının tarixi əhəmiyyəti, onun Azərbaycan vəkilliyinin inkişafına verdiyi təkan və sənədin bu gün Azərbaycan vəkilliyinin intibahındakı rolu barədə fikirlərini bölüşüb, hazırda VK-nın regional mərkəzlərinin, eləcə də fəaliyyətdə olan vəkil bürolarının təmiri və istifadəyə verilməsi üzrə aparılan işlər, yaxın günlərdə ASAN xidmət mərkəzlərində açılması gözlənilən vəkil bürolarının təşkili üzrə vəziyyət, o cümlədən dekabrın 23-də keçiriləcək vəkilliyə qəbul üzrə ixtisas imtahanlarının yazılı test mərhələsinin təşkili, sənəd qəbulu prosesinin hazırki vəziyyəti və digər məsələlər barədə iclas iştirakçılarına məlumat verib.

Həmçinin iclasda VK-nın “Hüquqi yardım və tədris mərkəzi”nin yaradılması məsələsinə baxılıb, qeyd olunan məsələ ilə bağlı müsbət qərar qəbul edilib, təşkil olunacaq Komitəyə VK-nin üzvü, Vəkillərin İntizam Komissiyasının sədri Şahmar Məmmədovun rəhbərlik etməsi qərara alınıb.

Eyni zamanda, yeni vəkil qurumlarının təsis edilməsi ilə bağlı qərarlar qəbul olunub. Belə ki, Bakı şəhərində fəaliyyət göstərəcək “Entilex Law Group” və Sumqayıt regional Vəkil Bürosunun təsis olunması barədə məsələlərə baxılaraq müsbət qərarlar qəbul edilib, başqa vəkil qurumuna keçmək və vəkilliyə qəbul üzrə müraciətlərə baxılıb.

İclasda vəkillər barəsində başlanılmış 40 intizam icraatı üzrə Vəkillərin İntizam Komissiyasının rəylərinə baxılaraq, üzrlü səbəb olmadan üzvlük haqqının 6 aydan artıq müddətə ödənilməməsi səbəbilə 2 vəkilin fəaliyyətinin dayandırılaraq VK-nın üzvlüyündən xaric olunması üçün məhkəməyə müraciət olunması barədə qərər qəbul olunub.

Həmçinin 3 vəkilə töhmət, 2 vəkilə xəbərdarlıq verilib, 27 iş üzrə isə pozuntu aşkar edilmədiyi, həmçinin daxil olmuş şikayətlərdəki məlumatlara hüquqi qiymət verilməsi mümkün olmadığı üçün intizam icraatlarına xitam verilib, 6 intizam işi üzrə isə əlavə araşdırma aparılması ilə əlaqədar məsələ növbəti iclasda baxılanadək təxirə salınıb.
Başçı müavini vəzifədən azad edildi - yüksək vəzifəyə gedirSəbail Rayon İcra Hakimiyyəti (RİH) başçısının müavini Abid Əliyev vəzifəsindən azad edilib.

Report-un məlumatına görə, bununla bağlı RİH başçısı Vüqar Zeynalov müvafiq əmr imzalayıb.

V.Zeynalovun digər əmri ilə həmin vəzifəyə Vüqar Şıxməmmədov təyin olunub.

O, bundan öncə Mədəniyyət Nazirliyində şöbə müdiri vəzifəsində çalışıb.

A.Əliyevin Bakı Şəhər İcra Hakimiyyəti Başçısı Aparatında idarə rəisi təyin ediləcəyi gözlənilir.
Xələf Xələfova yüksək vəzifə verildiXələf Xələfov Nazirlər Kabinet Aparatının rəhbəri vəzifəsinə təyin edilib.

Avrasiya.net xəbər verir ki, Azərbaycanın Baş naziri Novruz Məmmədov bununla bağlı sərəncam imzalayıb.

Sərəncam imzalandığı gündən qüvvəyə minir.

Qeyd edək ki, bu gün prezidentin imzaladığı sərəncamla X.Xələfov Azərbaycan Respublikası xarici işlər nazirinin müavini vəzifəsindən azad edilib.
Dövlət Komitəsinə yeni şöbə müdiri təyin edilibAzərbaycan Dini Qurumlarla İş üzrə Dövlət Komitəsində (DQİDK) yeni təyinat olub.

Dövlət Komitəsindən “Report”un sorğusuna cavab olaraq bildirilib ki, Cahandar Əlifzadə DQİDK-nın Dini qurumlarla iş üzrə şöbəsininin müdiri vəzifəsinə təyin edilib.

Bununla bağlı komitə sədri Mübariz Qurbanlı müvafiq əmr imzalayıb.

Xatırladaq ki, C.Əlifzadə bundan əvvəl Dövlət Komitəsində Dinşünaslıq ekspertizası şöbəsi müdirinin müavini vəzifəsində çalışıb.

Qeyd edək ki, şöbənin əvvəlki müdiri Əliheydər Zülfüqarov Prezident Administrasiyasının Millətlərarası münasibətlər, multikulturalizm və dini məsələlər şöbəsində böyük məsləhətçi vəzifəsinə təyinat alıb.
Eldar Əzizovun qardaşına yüksək vəzifə verildiƏmək və Əhalinin Sosial Müdafiəsi Naziri Sahil Babayevin əmri ilə Bakı şəhər İcra Hakimiyyətinin başçısı Eldar Əzizovun qardaşı Aydın Əzizov yeni yaradılan 5 Tibbi-Sosial Ekspert Komissiyasının (TSEK) Səbail, Yasamal, Nəsimi rayonları üzrə sədri (baş həkim) təyin edilib.

Bu barədə Unikal.org-a A.Əzizov özü məlumat verib.

Qeyd edək ki, bundan əvvəl A.Əliyev Səbail rayonun tibbi-sosial ekspert komissiyasının müdiri vəzifəsində çalışırdı.