“Lotu Quli” kriminal avtoritetin məzarını ziyarət etdiRusiya mətbuatı Azərbaycanda həbsdən azad olan “Lotu Quli” ləqəblib “qanuni oğru” Nadir Səlifovdan yazıb.

Agentlik xatırladır ki, “Lotu Quli”nin azad olunacağı barədə aramsız şayiələr hələ avqustda yayılmışdı. Oktyabrın başlanğıcından isə bu anı hər gün gözləyirdilər.

Agentlik bildirir ki, nüfuzlu müşayiətçilər nəzərə alınmazsa, “Lotu Quli”ni qarşılamağa anası, həyat yoldaşı və iki uşağı da gəlmişdilər.

Nadir Səlifov azad olunandan dərhal sonra atasının və bir neçə həftə əvvəl Tbilisidə öldürülmüş avtoritet Elşən Məmmədovun qəbirlərinə baş çəkib.

Agentliyin məlumatına görə, “Lotu Quli” İstanbula köçməyi planlaşdırır. Onun azadlığa çıxması ilə Azərbaycanın və Rusiyanın kriminal dünyasında ən sürətli dəyişikliklər gözlənilir. Çünki öz uzun dustaq həyatı boyunca N.Səlifov ən xarizmalı avtoritetlərdən biri olaraq kriminal aləmdə gedən proseslərə və qüvvələr nisbətinə qeyri-məhdud təsir gücünə malik olub.

Hər necə olsa da, bu gün "bütün ailələrin başçıları" “Lotu Quli”nin timsalında dəstək axtarırlar. İstənilən halda, Rövşən Lənkəranskinin və başqa kriminal avtoritet “Deda Xasan”ın (Aslan Usoyan) faciəli şəkildə həlak olmalarından sonra heç kim post-sovet kriminal aləminin yeni lideri ilə düşmənçilik etmək istəmir.

Xatırladaq ki, N.Səlifov Azərbaycanda qətl hadisəsinə görə 15 il müddətinə azadlıqdan məhrum edilmişdi. “Lotu Quli” bu gün azadlığa buraxılıb. Ədliyyə Nazirliyindən verilən məlumata görə, “Lotu Quli” azadlığa çıxıb və hazırda o, Gürcüstandadır.

virtualaz.orq
Lotu Qulinin azad olunarkən həbsxanada çəkilən fotosu yayıldıLotu Qulinin azad olunmamışdan əvvəl son fotosu yayılıb.

Lotu Quli kimi tanınan kriminal avtoritet Nadir Səlifovun azad olunmamışdan az öncə həbsxanada fotosu çəkilib.

Foto sosial şəbəkə istifadəçiləri tərəfindən paylaşılıb.

Qeyd edək ki, Quli 90-cı illərin əvvəllərində xüsusilə ağır cinayət törətməkdə ittiham olunub və 19 ildir həbsxanada cəza çəkirdi.

Musavat.com sözügedən fotonu təqdim edir.
Bakıda gecə gey-parad keçirilib - VİDEODünən Bakıda gözlənilmədən və əvvəlcədən elan edilmədən sensasion hadisə baş verib – gecə gey-paradı keçirilib. Bu hadisə, xüsusilə bu yaxınlarda fahişəliklə məşğul olan cinsi azlıq nümayəndələrinin dağıdılması və həbsi nəzərə alınarsa, ictimaiyyətin diqqətini cəlb edib. Qeyd edək ki, sözügedən həbslər beynəlxalq LGBT hərəkatının etirazlarına səbəb olmuşdu.

Dünəndən sosial şəbəkələrdə Bakının mərkəzində onlarla seksual azlıq nümayəndəsinin rahatca gəzişməsini əks etdirən video yayılır. “Bakıda gey-parad” adlı videoya artıq 16 mindən çox istifadəçi tamaşa edib.

Qırmızı donlu və qəribə vız durmuş parikli kişilər hansısa iaşə obyektindən çıxır və “Torqovı” (Nizami) küçəsinə doğru irəliləyirlər. Əksəriyyəti əcnəbidir. Bu videodan belə qənaətə gəlmək olar ki, Bakıda elan olunmamış gey-parad keçirilib.

Parlaq geyimli və başçında iri bant olan bir əcnəbi onun fotoşəklini çəkən gənc oğlanlara yaxınlaşır və onlarla ünsiyyət qurmaq istəyir. Video söyüşlərlə müşayiət olunur.

Xatırladaq ki, yaxın günlərdə polis Bakıda 80-dən çox seksual azlıq nümayəndəsini saxlamışdı. DİN-dən məlumat verilmişdi ki, saxlanılanlar fahişəliklə və digər qanun pozuntuları ilə məşğul olduqları üçün tutulub. Tibbi müayinə zamanı onların əksəriyyətində HİV virusu və zöhrəvi xəstəliklər müəyyən edilib.
400 minlik toyu olan məmur qızı filmə çəkilirBakı Lift İdarəsinin baş direktoru Qüdrət Şükürovun qızı videobloger Aysel Şükürova və onun əri Oktay Əhmədov barədə film çəkilir.

Missiya.az xəbər verir ki, Aysel Şükürova bu barədə müsahibəsində bildirib.

"Mən hesab edirəm ki, xəyallarım həmişə gerçəkləşir. Həmişə məşhur olmaq istəyirdim. Mənim sonrakı xəyalım Türkiyədə aktrisa kimi məşhur olmaqdır. Sizinlə bölüşəcəyəm. Bizim kino çəkilişləri tezliklə başlanacaq. Filmdə mənim bütün həyatım təsvir edilir. Aparıcı rollarda mən və mənim ərim olacaq. Bu mənim xəyalım idi" - o qeyd edib.

Aysel Şükürova hazırda salonlara çəklişlərə getdiyini açıqlayıb.

"Mən insanları tədricən cəlb etməyə başladm. Hazırda mənə serialla və reklam çəkilişləri ilə bağlı təkliflər gəlir".

Qeyd edək ki, toy mərasimi yanvarın 21-də “Böyük Saray” da baş tutub. Qüdrət Şükürovun qızı Aysel Şükürova Oktay adlı şəxslə nikah masasına oturub. Toydan sonra isə cütlük barədə 400 min dollarlıq toy iddiası ölkə mediasının gündəmini zəbt edib. Qüdrət Şükürovun qızına etdiyi toy mərasiminin 400 min dollara başa gəlməsi, foto və videoların paylaşılmasından sonra toy sosial şəbəkələrdə geniş müzakirə olunub. Daha sonra keçmiş həyat yoldaşı Aysel Şükürova və onun atası Bakı Lift İdarəsinin baş direktoru Qüdrət Şükürov barədə qalmaqallı açıqlama verib. O bildirib ki, Qüdrət Şükürov büdcədən pul mənimsəmək üçün dəstə toplayıb lift oğurlayır.
Penitensiar Xidmətdən "Lotu Quli"nin azad olunmasıyla bağlı açıqlamaBir qədər öncə “Lotu Quli” kimi tanınan kriminal avtoritet Nadir Səlifovun azadlığa buraxılmağı barədə xəbər yayılıb. Xəbər qısa müddətdə əksər informasiya saytlarında tirajlanıb.

Modern.az saytı xəbərə rəsmi münasibət öyrənmək üçün Penitensiar Xidmətlə əlaqə saxlayıb.
Xidmətin İctimaiyyətlə əlaqələr şöbəsinin rəisi, polkovnik Mehman Sadıqov bildirib ki, məhkumun özü, yerini dəyişməsi yaxud azadlığa buraxılması ilə bağlı məlumat yalnız ailə üzvlərinə və yaxınlarına verilə bilər:

“Onun istəyi olarsa, vəkili vasitəsilə ictimaiyyətə açıqlanar. Bir də ki, biz hər boş yazılan məlumatı şərh etmək məcburiyyətində deyilik”.
Digər məlumata görə, N.Səlifov həbsdən buraxılmayıb, o, saxlanıldığı 8 saylı cəzaçəkmə müəssisəsindən başqa bir yerə köçürülüb.

“Lotu Quli” 1972-ci il avqustun 28-də Gürcüstanın Dmanisi rayonunda andan olub. 1996-cı ildə Azərbaycanda həbs olunub və 15 il müddətinə azadlıqdan məhrum edilib. 2000-ci ildə gürcü və yezidi avtoritetlər tərəfindən 27 yaşlı Səlifova “qanuni oğru” adı verilib. O, 2005-ci ildə məhkəmə tərəfindən daha 15 il müddətinə azadlıqdan məhrum edilib.

Cinayət aləmində nüfuzlu azərbaycanlı avtoritetlərdən sayılan “Lotu Quli” Rafiq Masallinski, Emin Hacıqabulski və Georgi Uqlavanın “oğru tacını” əlindən alıb. Eyni zamanda, həbsxanada olmasına baxmayaraq, Rafət Əlibayramlinskinin “oğru” adını aldığı “sxodka”larda Skaype vasitəsilə iştirak edib.

Nadir Səlifov 2021-ci ildə azadlığa çıxmalıdır.

***

16:36

Uzun müddətdir həbsdə yatan kriminal avtoritet Nadir Səlifov ("Lotu Quli") azadlığa buraxılıb.

AzNews.az xəbər verir ki, bu barədə Musavat.com-a N.Səlifova yaxın olan mənbə xəbər verib.

Qeyd edək ki, Quli 90-cı illərin əvvəllərində xüsusilə ağır cinayət törətdiyinə görə bir neçə maddə ilə ittiham olunub.

Nadir Səlifov 1972-ci il avqust ayının 28-də Gürcüstanın Dmanisi rayonunda doğulub. “Quli” gürcü dilində “ürək” deməkdir. Kriminal aləm ona bu ləqəbi ürəkli olduğuna görə verib. “Quli” Marneulidə doğulan azərbaycanlı Otari Bədəlovla (“Otar”) yaxın dost olub.

“Otar”ın 2003-cü il martın 21-də Moskvadakı “Suşi” barda naməlum şəxslər tərəfindən güllələnməsindən sonra “Lənkəranski”yə “oğru” adı verən “Nardaranlı Mirseymur” da qətlə yetirilib ki, bunu da indiyədək “Quli”nin qisas cavabı hesab edənlər var. İllərdir bu qarşılıqlı qətllər davam edir və son olaraq bu ilin fevralında Moskvadakı “Abşeron” restoranında baş vermiş atışmada da “Quli” və “Lənkəranski” tərəfdarları arasında itkilər olub. Gürcüstan doğumlu azərbaycanlı “qanuni oğru”lar və kriminallar bu davada əsasən “Quli”ni dəstəkləyir. Vaxtilə onlar bu dəstəyi Rusiya kriminalının “xaç atası” sayılan, Gürcüstan doğumlu Aslan Usoyandan da (“Ded Xasan”) alıblar.

“Quli”nin Gürcüstana ekstradisiyası məsələsi bir neçə dəfə gündəmə gəlsə də, bu da hansısa səbəbdən mümkün olmayıb.

Azərbaycanda qətl hadisəsində suçlu bilinərək 15 il müddətinə azadlıqdan məhrum edilən “Quli”nin vəkillərinin sözlərinə görə, o həbs edildiyi zaman Gürcüstanda verilən keçmiş SSRİ-nin pasportunu daşıyıb. İddiaya görə, “Quli” həbsxanada olduğu bu illərdə Azərbaycan vətəndaşlığı alması ilə bağlı rəsmi müraciət etməyib.

2005-ci ildə isə onun haqqında daha bir qalmaqallı cinayət işi açılıb.
SENSASİON XƏBƏR: "Lotu Quli" azadlığa buraxıldıUzun müddətdir həbsdə yatan kriminal avtoritet Nadir Səlifov ("Lotu Quli") azadlığa buraxılıb.

Bu barədə N.Səlifova yaxın olan mənbə xəbər verib.

Qeyd edək ki, Quli 90-cı illərin əvvəllərində xüsusilə ağır cinayət törətdiyinə görə bir neçə maddə ilə ittiham olunub.
Nadir Səlifov 1972-ci il avqust ayının 28-də Gürcüstanın Dmanisi rayonunda doğulub. “Quli” gürcü dilində “ürək” deməkdir. Kriminal aləm ona bu ləqəbi ürəkli olduğuna görə verib. “Quli” Marneulidə doğulan azərbaycanlı Otari Bədəlovla (“Otar”) yaxın dost olub.

“Otar”ın 2003-cü il martın 21-də Moskvadakı “Suşi” barda naməlum şəxslər tərəfindən güllələnməsindən sonra “Lənkəranski”yə “oğru” adı verən “Nardaranlı Mirseymur” da qətlə yetirilib ki, bunu da indiyədək “Quli”nin qisas cavabı hesab edənlər var. İllərdir bu qarşılıqlı qətllər davam edir və son olaraq bu ilin fevralında Moskvadakı “Abşeron” restoranında baş vermiş atışmada da “Quli” və “Lənkəranski” tərəfdarları arasında itkilər olub. Gürcüstan doğumlu azərbaycanlı “qanuni oğru”lar və kriminallar bu davada əsasən “Quli”ni dəstəkləyir. Vaxtilə onlar bu dəstəyi Rusiya kriminalının “xaç atası” sayılan, Gürcüstan doğumlu Aslan Usoyandan da (“Ded Xasan”) alıblar.
“Quli”nin Gürcüstana ekstradisiyası məsələsi bir neçə dəfə gündəmə gəlsə də, bu da hansısa səbəbdən mümkün olmayıb.

Azərbaycanda qətl hadisəsində suçlu bilinərək 15 il müddətinə azadlıqdan məhrum edilən “Quli”nin vəkillərinin sözlərinə görə, o həbs edildiyi zaman Gürcüstanda verilən keçmiş SSRİ-nin pasportunu daşıyıb. İddiaya görə, “Quli” həbsxanada olduğu bu illərdə Azərbaycan vətəndaşlığı alması ilə bağlı rəsmi müraciət etməyib.
2005-ci ildə isə onun haqqında daha bir qalmaqallı cinayət işi açılıb.

musavat.com
Sabiq deputatın məşhur restoranı satışa çıxarılırMərkəzi Bank (MB) sabiq deputat və biznesmen Fərhad Qəribovun sahibi olduğu “Şəki” restoranının hərraca çıxarılaraq satılması üçün məhkəməyə müraciət edib.

Qafqazinfo xəbər verir ki, Səbail rayon Məhkəməsinə ünvanlanan iddia ərizəsinə hakim Nurəddin Bağırovun sədrliyi ilə baxılıb.

Mərkəzi Bank iddia ərizəsində F.Qəribovun oğlu Zöhrab Qəribovu cavabdeh şəxs kimi qoyub və qeyd edilib ki, Z.Qəribova məxsus olan “Debüt Kommersiya Bankı” ASC-yə 2007-2008-ci illərdə 3 dəfə verilən 7 milyon manat məbləğində kreditdən ümumilikdə 3 milyon 215 min 65 manat əsas və 581 min 992 manat faiz borcu qalıb.

Z.Qəribov kredit üçün Nərimanov rayonu, Əhməd Rəcəbli 38a ünvanında yerləşən “Şəki” restoranı və ona bitişik yarımtikilini girov qoyub. AMB də ərizəsində kredit borcunun ödənilməsi üçün ipoteka yüklü edilən həmin obyektə yönəldilməsini, restoranın açıq hərracla satışa çıxarılaraq satılmasını və əldə edilən vəsait hesabına borcun ödənilməsini istəyib.

2010-cu il dekabrın 15-də 1 saylı Bakı Yerli İqtisad Məhkəməsinin qərarı ilə “Debüt Kommersiya Bankı” ASC müflis elan olunub, ləğvedicisi isə bankın vəsaitinin olmaması səbəbindən borcu ödəyə bilməyib.

Qəribovların dövlətdən aldığı 7 milyon manat bankın xəzinəsində tapılmayıb. 2016-cı ilin III rübü üzrə təzələnmiş siyahıya əsasən Mərkəzi Bankın “Debüt” KB ASC-yə qarşı qeydə alınmış kreditor tələbi 4 milyon 921 min 922 manat və 51 min 779 manat ABŞ dolları təşkil edib.

Mərkəzi Bankın bu iddiasından sonra Zöhrab Qəribov da məhkəməyə müraciət edərək qarşılıqlı iddia ərizəsi verib və kredit müqavilələrində adıçəkilən obyektin 2008-ci ilin oktyabrın 8-nə kimi ipotekada qalmasının nəzərdə tutulduğunu qeyd edib. İddia edib ki buna görə də həmin əmlak “Debüt Kommersiya Bankı” ASC tərəfindən ödənilməyən kredit borcunun təminatı kimi çıxış edə bilməz.

Z.Qəribov bildirib ki, 2011-ci ildə ona bildiriş təqdim edilərkən, borcunu ödəməzsə, 30 gün ərzində məhkəməyə müraciət ediləcəyi qeyd edilib. O, AMB-nin 5 il sonra məhkəməyə müraciət etməsini iddia müddətinin ötürülməsi kimi qiymətləndirib.

AMB isə bu iddiaya cavab olaraq qeyd edib ki, Mülki Məcəllənin 380-ci maddəsinə görə borclu şəxs borcunu etiraf edərsə, iddia müddətinin axımı kəsilir. Z.Qəribov da 2011-ci ilin aprelin 19-da borcun “Şəki” restoranının yerləşdiyi obyektin üzərinə yönəldilməsi barədə razılaşma imzalayıb. Həmin vaxt 3 kredit müqaviləsi üzrə 6 milyon 649 min 907 manat borcu qaldığını etiraf edib. 2016-ci ilin noyabrın 22-də isə 2007-ci il 24 dekabrında götürdüyü kredit borcuna görə 45 min manat ödəniş edib.

Bu illər ərzində Mərkəzi Bank bir neçə dəfə “Şəki” restoranının açıq hərracla satılması üçün hərəkətə keçsə də, Qəribovlar satışın müəyyən müddət təxirə salınmasını xahiş edərək borcu ödəyəcəklərini vəd ediblər. Buna görə də məhkəmə iddiası gecikdirilib.

Hər iki iddia ərizəsi üzrə iş baxışa təyin edilib. Cavabdeh Z.Qəribov məhkəmə baxışının vaxtı və yeri haqqında xəbərdar olmasına baxmayaraq, məhkəmədə iştirak etməyib və bunun səbəbləri barədə məhkəməyə hər hansı bir məlumat verməyib. Bu səbəbdən işə onun iştirakı olmadan baxılıb.

Məhkəmənin 2016-cı il 22 dekabr tarixli iclasında Z.Qəribovun nümayəndəsi iştirak edərək vəsatət verib və ipoteka müqavilələrindəki imzanın Z.Qəribova aid olmadığını bildirib. Bununla bağlı məhkəmə-xəttşünaslıq ekspertizası təyin edilib.

Ekspert rəyində bu iddianın doğru olduğu təsdiqlənsə də, Qəribovun başqa bir “tryuk”u ortaya çıxıb. İpoteka müqaviləsinin imzalandığı 6 saylı notariusdan məhkəməyə təqdim edilən sənədlərdən bəlli olub ki, həmin imzalar Qəribov Xalid Fəxrəddin oğluna məxsudur. Həmçinin, sənədlərin içində bu müqaviləyə qol çəkməsi üçün Zöhrab Qəribovun X.Qəribova etibarnamə verdiyi də aşkarlanıb. Bununla da, məsuliyyət yenə də Z.Qəribovun üzərində qalıb.

Bütün bunlar araşdırıldıqdan sonra məhkəmə qərarını verib. Mərkəzi Bankın iddiası təmin edilib. Qərarda qeyd edilib ki, “Debüt Bank”ın MB-yə olan kredit borunun ödənilməsi “Şəki” restoranının yerləşdiyi 640 kvadratmetrlik obyekt və ona bitişik 11 kvadratmetrlik yarımtikiliyə yönəldilsin. Hər iki obyekt açıq hərracla satışa çıxarılmalı və əldə edilən məbləğlə borc ödənilməli, qalan pul isə Z.Qəribova qaytarılmaldır.

Z.Qəribovun qarşılıqlı iddiası isə rədd edilib. Həmçinin, AMB-nin iddia qaldırılmaq üçün ödədiyi 10 manat və ekspertiza keçirilməsi üçün dövlət büdcəsindən ayrılan 100 manatı da Z.Qəribovun ödəməsinə qərar verilib.
Məmur oğlu atasını məhkəməyə verdi – Milyonluq mülklərdən payını istəyirAzərbaycanda ilginc olay baş verib. Məmur oğlu atasını mülkə görə, məhkəməyə verib.

Unikal.org-a daxil olan məlumata görə, "Meliorasiya və Su Təsərürfatı" ASC-nin strukturuna daxil olan Subartezian Quyularına Servis Xidməti İdarəsinin rəisi Mirzalı Behbudovun oğlu Elşən Behbudov vərəsəlik hüququna əsasən atasına qarşı məhkəmə iddiası qaldırıb.

O, atasına məxsus "Varovski”dəki altı villa, bir neçə maşın təmiri servisləri, Bakı şəhərində yerləşən "Mətin”,”Səma” ,”Mələk” və Ağdam rayonunda olan "Araz” şadlıq saraylarından özünə düşən əmlak payını istəyir.

Məsələ ilə bağlı Elşən Behbudovun hüquqların müdafiə edən vəkili Müşfiq Mehdiyev unikal.org saytına informasiyanı təsdiqləyib və bildirib ki, hazırda proses Ağdam rayon məhkəməsi tərəfindən aparılır.
Qəsəbə sakinlərinin marşrut dərdi - MüraciətSahil qəsəbəsinin bir qrup sakini Avrasiya.net vasitəsilə Azərbaycan Respublikasının Nazirlər Kabineti yanında Bakı Nəqliyyat Agentliyinin Baş direktoru Vüsal Ağaməmməd oğlu Kərimliyə müraciət edib.

Müraciəti olduğu kimi təqdim edirik:

- Bir neçə gün öncə bildirdiyimiz kimi “197” nömrəli marşrutun hərəkətinin bərpası məqsədilə aidiyyatı quruma mədəni-kütləvi müraciətin faydalı olacağını qeyd etmişdik. Ola bilər ki, nəticəsi olmayacaq, amma yoxlamaqda nəsə itirmiş olmarıq. İndi isə aşağıda qeyd etdiyimiz qısa məktub formasını ya olduğu kimi, ya da müəyyən dəyişikliklər etməklə lazımi kontaktlara göndərməyinizi xahiş edirik. Etdikdən sonra zəhmət olmasa komentdə bildirin, ümumi müraciət edənlərin sayını bilək.

"Hörmətli Vüsal bəy,

Sahil qəsəbəsi təxminən 40-60 minlik əhalisi olan ərazicə kiçik, amma əhali sayı etibarilə çox böyük və sıx qəsəbədir. Nəticə etibarilə qəsəbə özlüyündə geniş işçi və tələbə sayına sahibdir. Artıq uzun müddətdir marşrut xətti dəyişdirilən “197” saylı avtobusun olmaması sakinlər, xüsusilə tələbə və şəhərə çalışan əhali üçün ciddi problemlər törədir. Xüsusilə qış ayları müddətində səhər işə və dərsə gecikmələr, axşam isə soyuqda “20-ci sahə” deyilən ərazidə yol maşınlarından asılılıq qəsəbə-şəhər-qəsəbə arasındakı marşrut xəttini həddən artıq çətinləşdirib. Eləcə də, edilən son dəyişiklik itirilən zamanla yanaşı, ciddi şəkildə maddi cəhətdən qəsəbə sakinləri üçün problem yaradır. Xahiş edirik bunları nəzərə alaraq marşrut xəttini əvvəlki qaydada “Sahil-20-ci sahə- Sahil”, və ya "Sahil-Bayıl-Sahil” olmaqla bərpa edəsiniz.

Hörmətlə, qəsəbə sakinləri,

Avtoritetlər vaqonun pəncərəsindən qaçıblar - TəfərrüatDünən Lənkərandan Bakıya gələn qatardakı xüsusi təyinatlı vaqondan 2 kriminal aləm üzvünün qaçması ilə bağlı bəzi məqamlar üzə çıxıb.

Lent.az xəbər verir ki, kriminal aləmə yaxınlığı ilə tanınan Əli Ağami və “Qoca” ləqəbli avtoritet Etibar Məmmədovun daha öncə 7-8 dəfə xüsusi təyinatlı vaqonla Lənkərana aparılıb gətirildiyi məlum olub.

Bildirilir ki, məhz həmin qatarla mütəmadi səfər etmələri məhbuslara plan qurmaq üçün fürsət yaradıb. Onlar bu məqsədlə altıbucaqlı formada olan xüsusi açar əldə ediblər. Məhbuslar Lənkərandan gələn qatar Biləcəri stansiyasına yaxınlaşarkən, sübh tezdən həmin açarla vaqonun pəncərəsini açıblar və qatar dayanan kimi pəncərənin dəmir barmaqlıqlı çərçivəsini çıxardaraq oradan düşüb qaçıblar. Yalnız qatar 28 May stansiyasına çatanda hər iki məhbusun aradan çıxdığı məlum olub.

Qeyd edək ki, məhbusların qaçması ilə bağlı cinayət işi açılıb. Onların tutulması üçün iş aparılır.