Bu məmurun cəzalanması üçün müraciət etmişik – Millət vəkiliHəmkarlarımla birlikdə qaldırdığımız təşəbbüs kimliyindən asılı olmayaraq, Azərbaycanın ərazi bütövlüyünə qarşı çıxan, separatizmə dəstək verən hər bir şəxsin məsuliyyətə cəlb edilməsini nəzərdə tutur və bununla əlaqədar artıq müvafiq orqanlara müraciət edilib.

Bu sözləri Axar.az-a açıqlamasında millət vəkili Vahid Əhmədov Laçın Rayon İcra Hakimiyyətinin hüquq şöbəsinin müdiri Füzuli Tanirverdiyev sosial şəbəkələrdə İraq Kürd Muxtariyyətinin “müstəqilliyinə” dəstək paylaşımlarına münasibət bildirərkən deyib.

Millət vəkili qeyd edib ki, Milli Məclisdə edilən müraciət və çıxışlar rəsmi xarakter daşıyır:

“Bu baxımdan biz həmkarlarımızla birlikdə məsələyə münasibət bildirərkən, səlində rəsmi qurumlara müraciət etdik. Təəssüf ki, indiyə qədər sözügedən şəxslə bağlı heç bir addım atılmayıb və araşdırmanın nəticəsi ilə bağlı millət vəkillərinə məlumat verilməyib”.

Parlamentdə F.Tanirverdiyevi separatizmə dəstək verdiyi üçün suçlayan və onun cəzalandırılmasını tələb edən digər deputat - Fazil Mustafa isə Axar.az bildirib ki, sözügedən məsələnin Milli Məclisdə müzakirəsi Baş Prokurorluğa verilən sorğu kimi dəyərləndirilməlidir:

“Həmkarım Vahid Əhmədov başda olmaqla, məsələyə Milli Məclis səviyyəsində münasibət bildirən millət vəkilləri birbaşa Baş Prokurorluğa müraciət etdi. Hesab edirəm ki, Baş Prokurorluq tərəfindən araşdırma aparıldıqdan sonra müraciətimizə cavab veriləcək. Hər halda bu məsələ elə-belə buraxıla bilməz. Çünki gələcəkdə bu kimi hallar təkrarlana, Azərbaycanın düşmənləri istənilən şəxslərin şəkillərini bu cür rahatlıqla paylaşa bilərlər. Bu çox ciddi məsələdir və buna çevik reaksiya verməmək gələcəkdə Dağlıq Qarabağ kimi ağır bir probmelni yaşayan Azərbaycana əlavə siyasi narahatlıqlar gətirər”.

Qeyd edək ki, Laçın Rayon İcra Hakimiyyətinin hüquq şöbəsinin müdiri Füzuli Tanirverdiyev özünün Feysbuk səhifəsində İraq Kürdüstanının müstəqilliyini dəstəklədiyini bildirib.

Azərbaycan rəsmi olaraq İraqın ərazi bütövlüyünü dəstəklədiyini bəyan edib və dünyada baş verən bütün separatizmlərə qarşı olduğunu bildirib. Dövlətin bu siyasi mövqeyindən sonra bir məmurun separatizmə açıq dəstəyi cəmiyyətdə narahatlıq yaradıb.

Baş Prokurorluq olayı nəzarətə götürdüyünü və araşdırma aparıldığını açıqlayıb.
"Reket QHT rəhbərləri peyda olub""Əvvəllər reket jurnalistlərin üzündən rayonlara gedə bilmirdik. Vicdanlı, peşəkar jurnalistlər həmin reket jurnalistlərə görə xəcalət hissi keçirirdilər. İndi isə reket QHT rəhbərləri peyda olublar. Onlar həyata keçirdikləri layihələrin icra xərclərini tədbir təşkil etdikləri rayonların rəhbərliyinin boynuna qoyurlar”.

Bu sözləri Azərbaycan Respublikasının Prezidenti yanında QHT Şurasının təşkilatçılığı ilə bu gün Qubada baş tutan "QHT-KİV münasibətləri: Yeni tələblər və əməkdaşlıq modelləri” mövzusunda keçirilən tədbirdə çıxış edən Jurnalist Araşdırmaları Mərkəzinin (JAM) sədri Seymur Verdizadə deyib.

O, bildirib ki, QHT-lərin fəaliyyətinin intensivləşməsi vətəndaş cəmiyyətinin inkişafı üçün mühüm şərtlərdən biridir və QHT Şurasının, o cümlədən digər milli donor qurumlarının bu istiqamətdəki fəaliyyəti alqışlanmalıdır. Verdizadə həmçinin milli donor təşkilatlarını layihələrin icrasına nəzarəti gücləndirməyə çağırıb:

"Tədbir keçirdiyimiz bir sıra rayonların rəhbərliyi bəzi QHT-lərin fəaliyyətindən şikayət edirlər. Elə QHT rəhbərləri var ki, həyata keçirdikləri layihə çərçivəsində foto və videoçəkilişlərin, konfrans zalının icarə haqqını, hətta nahar yeməyinin xərcini də rayon rəhbərliyinin boynuna yükləyirlər. Yəni 3-5 QHT rəhbərinin belə dilənçiliklə məşğul olması bütövlükdə QHT sektorunun imicinə mənfi təsir göstərir.

Buna görə də milli donorlar həmin QHT-ləri müəyyənləşdirib, onları növbəti müsabiqələrdən kənar saxlamalıdırlar. Doğrudur, QHT Şurası bu istiqamətdə müəyyən addımlar atır. Fikrimcə, həmin tədbirlərin gücləndirilməsinə ehtiyac var”.

Yenicağ.az
"Böyük Ermənistan" xəritəsinin "qəhramanı" barədə müdhiş xəbər — Dələduzluqda təqsirli bilinib"Azərbaycan tarixi" kitabında Azərbaycanı "Böyük Ermənistan"ın tərkib hissəi kimi xəritədə göstərən kitabın müəllifi Kamran Əsədov haqqında sensasion məlumat əldə edilib.

K.Əsədov 3 il öncə dələduzluqda ittiham olunub.

Belə ki, Bakı şəhər sakinindən övladını ali məktəbə qəbul etdirmək adı ilə pul tələb edən K.Əsədovun qanunsuz hərəkətləri barədə Baş prokuror yanında Korrupsiyaya qarşı Mübarizə Baş İdarəsinə daxil olmuş müraciət əsasında istintaq-əməliyyat tədbirləri həyata keçirilmişdi.

Baş Prokurorluğun mətbuat xidmətinin 11 sentyabr 2014-cü ildə yaydığı məlumata görə, özünü Tələbə Qəbulu üzrə Dövlət Komissiyasının (TQDK) əməkdaşı kimi təqdim edən, Bakı Dövlət Universitetində (BDU) saat hesabı ilə müəllim işləyən Kamran Əsədov qəbul imtahanlarında lazımi bal toplamayaraq ikinci tura qalmış Bakı şəhər sakininin övladını Azərbaycan Dövlət Pedaqoji Universitetinə qəbul etdirməyi vəd edərək ondan 3.000 manat pul tələb edib və həmin puldan ilkin olaraq 500 manat alıb. Bundan sonra abituriyentin ikinci turda topladığı bal hesabına obyektiv meyarlarla ali təhsil müəssisəsinə qəbul olunmasına baxmayaraq, K.Əsədov guya qəbula kömək etdiyini təkid etməklə həmin şəxsdən 2 500 manat məbləğində pulu tələb edib alarkən əməliyyat tədbirləri zamanı cinayət başında yaxalanıb. Baxış zamanı K.Əsədovun üstündən 2 500 manat məbləğində nağd pul aşkar edilərək götürülmüşdü.

Həmin dövr faktla bağlı cinayət işi başlanmış və K.Əsədov Cinayət Məcəlləsinin 178.2.4 (dələduzluq) və 310-cu (vəzifəli şəxsin səlahiyyətlərini mənimsəmə) maddələri ilə təqsirləndirilən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilmişdi.

2015-ci ilin fevral ayında isə K.Əsədov azadlığa çıxıb.

Maraqlı məqamlardan biri budur ki, adı dələduzluqda hallanan belə bir şəxsə Təhsil naziri Mikayıl Cabbarov "Azərbaycan tarixi" kitabını necə həvalə edib?

Əldə etdiyimiz digər bir məlumata görə isə Kamran Əsədovun nazir Mikayıl Cabbarovla yaxın dostluq əlaqələri var.

olke.az
Almaniya Beynəlxalq Əməkdaşlıq Təşkilatı Gürcüstanda regional gender konfransı keçiribAlmaniya İqtisadi Əməkdaşlıq və İnkişaf Nazirliyinin sifarişi ilə Almaniya Beynəlxalq Əməkdaşlıq Cəmiyyəti (GIZ) tərəfindən həyata keçirilən Yaxşı Yerli Özünüidarəetməyə Dəstək Proqramı Gürcüstan Respublikasının paytaxtı Tbilisi şəhərində 5-6 oktyabr 2017-ci ildə Gender bərabərliyi mövzusunda Regional Konfrans keçirilib. Konfransın məqsədi yerli özünüidarəetmə orqanlarında – bələdiyyələrdə qadınların rolunu müəyyənləşdirmək, onların diqqətini sosial məsələlərə, qadın və uşaqların problemlərinin həlli məsələlərinə yönəltməkdən ibarətdir. Konfrans bələdiyyə üzvü olan qadınlarin iştirakını gücləndirilməsi üçün instutisional mexanizmlərin və strategiyaların müzakirəsi və mübadiləsi imkanı yaratmışdir. Həmçinin Konfransda beynəlxalq təcrübəyə əsaslanaraq qadın bələdiyyə liderlərinin qarşılaşdığı spesifik problemlər və yerli siyasətdə onların liderlik potensialının gücləndirilməsi üçün müxtəlif strategiyalar konfrans iştirakçıları tərəfindən işçi qruplarında geniş müzakirə aparılmışdır.

Konfransda Almaniya Federativ Respublikasının Gürcüstandakı səfirliyinin Cənubi Qafqazda İnkişaf Tərəfdaşlığı üzrə rəhbəri Daniel Haas və İnsan Hüquqları və Gender Məsələləri üzrə Məsləhətləşmələr təşkilatının experti Marion Böker mərzuzələri dinlənilmişdir. Gender məsələləri üzrə zəngin təcrübəyə malik olan Marion Böker konfrans iştiakçılarına Almaniya təcrübəsində danışıb. Böker Qadınlara qarşı ayrı-seçkiliyin bütün formalarının ləğv edilməsi haqqında Konvensiya və BMT-nin 1325 saylı Qətnaməsinin layihələri üzrə Almaniya İnsan Hüquqları İnstitutu üçün ekspert qismində çıxış etmişdir.

Konfransda Cənubi Qafqazdan olan dövlət və qeyri hökümət təşkilatlarının nümayəndələri, millət vəkilləri, bələdiyyə üzvləri və bələdiyyə sədrləri iştirak etmişdirlər.

Hər üç ölkənin QHT təmsilçilərinin mövzuyla əlaqəli geniş məruzələri dinlənilmişdir. Konfransda Azərbaycanı təmsil edən “Qadınlar arasında həmrəylik” İctimai birliyinin sədri Ruhəngiz Hüseynova Azərbaycanda Gender problemlərinin həlli istiqmətində atılan addımlardan danışaraq qanunvericilik bazasına aid edilən məqamlara toxunaraq, Azərbaycanın beynəlxalq konvensiyalara qoşulduğunu bildirib. Bununla yanaşı konfransda Azərbaycan bələdiyyə qadın üzvləri panel diskusiyyalarda əhəmiyyətli tövhələr verərək, ölkənin yerli idarəetmədə gender siyasətinin nailiyyət və perespektivlərinin nümunəvi model kimi təqdim etmişdilər.

İki gün davam edən müzakirələrdə Azərbaycan nümayəndə heyətinin tərkibində olan Azərbaycan Ailə, Qadın və Uşaq problemləri üzrə Dövlət Komitəsinin təmsilçisi Aynur Veysəlova və Elgün Səfərov, Maliyyə Nazirliyinin yerli büdcələrlə iş sektornun baş məsləhətçisi Elnur Vəliyev, Ədliyyə Nazirliyi Bələdiyyələrlə İş Mərkəzinin əməkdaşı Seymur Nağıyev və bələdiyyə üzvləri və GİZ in program üzrə məsul eksperti Fidan Qasımova iştirak etmişdir.

Belediyye.info
Güc və testosteron: saqqalın 7 müsbət tərəfiSəmanı ulduzlar, qadınları saç düzümü, kişiləri isə saqqal bəzəyir. Saqqal – hər bir kişi üçün “must have” rolunu oynayır.

Saqqal = güc

Gür saqqal kişidə testosteronun lazımı səviyyədə olmasına işarətdir. Bu kişilər sağlamdır, güclüdür və mükəmməl potensiyaya malikdirlər.

Saqqal = davada yardımcı

Üzünüzə zərbə gələ bilər? Saqqal saxlayın: zərbə və alacağınız zədələri yumuşaldır. Üstəlik saqqal ilə daha güclü görkəmə sahib olacaqsınız. Bir çox dələduzlar gür saqqallı kişilərdən çəkinirlər.

Dəbli görkəm

Saqqal saxlayacaqsınız – daha dəbli görkəmə, cazibədar və özünə əmin görkəmə sahib olacaqsınız. Qadınlar da belələrini sevir.

Saqqal = kreativlik

Bir çox proqressiv, kreativ və azadlığı sevən kişilər saqqallı olub və olmaqdadırlar. Misal olaraq: Karl Marks, Ernesto Çe Gevara, Fidel Kastro və sair

Saqqal = isti

Pis hava, soyuq və ya yandırıcı günəş – sizin üzünüz saqqal ilə tam təhlükəsizlikdədir.

Saqqal = çatışmamazlıqların görsənməməsi

Əgər təbiət sizin üzünüzü gözəl yaratmayıbsa, saqqal saxlayın və çatışmamazlıq, defektləri gizlədin.
“Lider” telekanalının rəhbəri ölkədən qaçmayıbƏdalət Əliyev ölkədən qaçmayıb və “Lider” telekanalına rəhbərlik etməkdə davam edir.

Virtualaz.org-un məlumatına görə, bir qədər öncə sosial şəbəkələrdə birdən-birə bir neçə məşhur bloger “Lider” telekanalının rəhbərliyinin dəyişməsi barədə xəbərlər paylaşıblar. Bundan əlavə, Ədalət Əliyevin Azərbaycandan qaçması bildirilirdi.

Bu şayiələr həqiqətə uyğun deyil. Ədalət Əliyev “Lider” telekanalına rəhbərliyini davam etdirir. Bundan savayı, hazırda telekanalda xəbər yayımçılığına keçidlə bağlı irimiqyaslı restrukturizasiya işləri aparılır.
Təhsil Nazirliyi səhvi etiraf etdi - Qalmaqallı dərslik dəyişdirildiXəbər verdiyimiz kimi, orta məktəblərin 10-cu sinfi üçün nəzərdə tutulmuş rus dilində "Azərbaycan tarixi” dərsliyində yer almış xəritədə uydurma "Dənizdən-dənizə Böyük Ermənistan” dövlətinin əraziləri təsvir olunub və ora Azərbaycan, Türkiyə, İran və Gürcüstanın torpaqları daxil edilib.

Məsələ ilə bağlı Təhsil Nazirliyindən bildirilib ki, həmin dərsliyin Azərbaycan dilində olan orijinalında və gürcü dilində tərcüməsində səhvə yol verilməsə də, rus dilində olan variantında texniki səhv aşkar edilib.

"Aşkarlanmış səhv dərsliyi nəşr və çap edən "Şərq-Qərb” nəşriyyatı tərəfindən aradan qaldırılıb və dərslik yenidən çap olunaraq məktəb kitabxanalarına təhvil verilib. Tədris rus dilində aparılan ümumi təhsil müəssisələri üçün yeni çap olunmuş X sinif "Всеобщая история” dərsliyinin yenilənmiş tirajı şagirdlərə paylanılıb”.

Qurumdan bildirilib ki, X sinif "Всеобщая история” dərsliyinin orijinal Azərbaycan və gürcü dilində tərcümə variantlarından fərqli olaraq, qədim Roma imperiyasının xəritə toponimləri rus dilində olan variantda düzgün verilməyib:

"Qeyd olunan dərslikdəki texniki səhvlə bağlı ilkin olaraq Bəhlul Hüseynov adlı vətəndaş Təhsil Nazirliyinin "Qaynar xətt” xidmətinə müraciət edib. Təhsil Nazirliyinin rəhbərliyi Bəhlul Hüseynovu qəbul edib və ona əsl vətəndaşlıq mövqeyi nümayiş etdirdiyi üçün təşəkkürünü bildirib”.

Məsələ ilə bağlı araşdırma aparılır.

Qeyd edək ki, həmin dərslik Təhsil Nazirliyinin qrifi ilə 7000 tirajla nəşr olunub. Kitabın müəllifləri Təvəkkül Əliyev, Rövşən Hətəmov, Niyaməddin Quliyev, Pərviz Ağalarov, Şamil Əmrahov, Faiq Babayev, Elşən Qasımov, Kamran Əsədov və Elnur Hüseynovdur.
Vüsal Quliyev: QHT jurnalistikasının inkişafı üçün geniş imkanlar mövcuddurQHT jurnalistikasının inkişafı üçün geniş imkanlar mövcuddur.

QHT.az xəbər verir ki, bu fikri Prezident Administrasiyasının ictimai-siyasi məsələlər şöbəsinin məsul əməkdaşı, Prezident yanında QHT-lərə Dövlət Dəstəyi Şurasının sədr müavini Vüsal Quliyev Quba rayonunda keçirilən “QHT-KİV münasibətləri: yeni tələblər və əməkdaşlıq modelləri” adlı konfransda bildirib.
V.Quliyev QHT jurnalistikasının inkişafı üçün geniş imkanların mövcud olduğunu, bu sahədə yeni təşəbbüslərin hər zaman dəstəkləndiyini də diqqətə çatdırıb. O, QHT-lərlə bağlı ixtisaslaşmış bir neçə mətbu orqanının olduğunu, onların sayının gələcəkdə artacağına ümid etdiyini vurğulayıb

V.Quliyev qeyri-hökumət təşkilatlarının və kütləvi informasiya vasitələrinin inkişafında, onların fəaliyyətinin genişlənməsində dövlətin hər zaman maraqlı olduğunu qeyd edib. Məhz bu səbəbdən Prezident İlham Əliyevin sərəncamları ilə “Azərbaycan Respublikasının qeyri-hökumət təşkilatlarına dövlət dəstəyi Konsepsiyası” və “Azərbaycan Respublikasında kütləvi informasiya vasitələrinin inkişafına dövlət dəstəyi Konsepsiyası” təsdiq olunduğunu, bu sənədlərin məntiqi davamı olaraq, Prezident yanında Qeyri-Hökumət Təşkilatlarına Dövlət Dəstəyi Şurasının və Prezident yanında Kütləvi İnformasiya Vasitələrinin İnkişafına Dövlət Dəstəyi Fondunun yaradıldığını diqqətə çatdırıb. O, hər iki qurumun yaradılmasının ölkəmizdə vətəndaş cəmiyyətinin inkişafında mühüm töhfə olduğunu, həm QHT-lərə, həm də KİV-lərə dövlət dəstəyini rəsmiləşdirən və onların Azərbaycanın siyasi sistemində yerini daha da möhkəmləndirən bu addımları demokratik quruluşların ən mühüm atributlarından olan vətəndaş cəmiyyətinin əsaslarının gücləndirilməsinə təkan verdiyini vurğulayıb.

V.Quliyev KİV-lərin Azərbaycan cəmiyyətinin ən nüfuzlu institutlarından biri olduğunu, onların cəmiyyətin formalaşmasında, inkişafında mühüm rol oynadığını diqqətə çatdırıb. Prezident Administrasiyasının rəsmisi ulu öndər Heydər Əliyevin mətbuatı Azərbaycan cəmiyyətinin əsas ictimai institutlarından biri kimi gördüyünü bildirib.
Şura sədrinin müavini cəmiyyətin həyatının bütün sahələrində qeyri-hökumət təşkilatlarının mühüm rol oynadığını qeyd edib, ölkədə həmin qurumların təşəbbüsü və dövlətin dəstəyi ilə ictimai əhəmiyyət kəsb edən layihələrin həyata keçirildiyini vurğulayıb.

Konfransın əhəmiyyətindən danışan V.Quliyev vətəndaş cəmiyyətinin iki aparıcı institutu olan QHT və KİV-lərin əməkdaşlığının vacibliyini diqqətə çatdırıb. O, QHT-lərin həyata keçirdiyi proqram və layihələr barədə ictimaiyyətin dolğun məlumatlandırılması, habelə yerli səviyyədə problemlərin birgə araşdırılıb dövlət qurumlarına təqdim edilməsi, sorğu və monitorinqlərin keçirilməsi baxımından KİV-lərlə qarşılıqlı əməkdaşlıq məsələlərinə toxunub. Əlavə edib ki, QHT-lərin fəaliyyəti ilə yaxından tanış olduqca cəmiyyətdə təşəbbüskarlıq daha da artır. Bu da öz növbəsində imkan verir ki, hər bir ölkə vətəndaşı cəmiyyət həyatının bütün sahələrində yaxından iştirak etsin, milli maraqların qorunması sahəsində ictimai təsisatların fəaliyyəti təşviq edilsin, onlar sosial əhəmiyyətli problemlərin həllinə cəlb olunsun, dövlət və cəmiyyətin inkişafı üçün əhəmiyyət kəsb edən tədbirlər həyata keçirsinlər.

V.Quliyev QHT jurnalistikasının inkişafı üçün geniş imkanların mövcud olduğunu, bu sahədə yeni təşəbbüslərin hər zaman dəstəkləndiyini də diqqətə çatdırıb. O, QHT-lərlə bağlı ixtisaslaşmış bir neçə mətbu orqanının olduğunu, onların sayının gələcəkdə artacağına ümid etdiyini vurğulayıb.
Aslan İsmayılov hakimin paltarını dartıb - Məhkəmədə insidentVəkil Aslan İsmayılovun Müasir Müsavat Partiyasının sədri Hafiz Hacıyevə qarşı xüsusi ittiham qaydasında məhkəmə iddiası rədd edilib.

Binəqədi Rayon Məhkəməsinin hakimi Rəşad Əliyevin icraatında olan bu işlə bağlı qərar rəsmi şəkildə hər iki tərəfə göndərilib.

Qeyd edək ki, hakim Rəşad Əliyev qərarı elan etdikdən sonra A.İsmayılov əsəblərinə hakim ola bilməyib və onu təhqir edib. Hakim ona əhəmiyyət verməyərək zalı tərk etmək istəyən zaman A.İsmayılov onu paltarından tutaraq dartıb. Bu zaman Hafiz Hacıyevin nümayəndəsi araya girib və A.İsmayılovla bir-birini təhqir etməyə başlayıblar. Bundan sonra A.İsmayılov məhkəmə binasını tərk edib.

Lakin axşam 21:00 radələrində hakimin şikayəti əsasında polis Aslan İsmayılovun evinə gəlib və onu Binəqədi Rayon Polis İdarəsinə aparıblar. Gecə gec saatlaradək A.İsmayılovun ifadəsi alınıb. İstisna deyil ki, faktla bağlı cinayət işi açılıb(cnnbaku).
"Milli Şura"nın mitinqində 1200 adam iştirak edib - RƏSMİBakı Şəhər Baş Polis İdarəsi (BŞBPİ) "Milli Şura"nın mitinqi ilə bağlı məlumat yayıb.

İdarədən verilən məlumata görə, oktyabrın 7-də özünü Demokratik Qüvvələrin Milli Şurası adlandıran qurumun Yasamal rayonundakı idman-sağlamlıq kompleksinin stadionunda Bakı Şəhər İcra Hakimiyyəti ilə razılaşdırılmış mitinqi keçirilib.

Saat 15.00-dan 17.00-dək davam edən toplantıda həmin quruma daxil olan Azərbaycan Xalq Cəbhəsi Partiyası, həmçinin Klassik Xalq Cəbhəsi, Azərbaycan Xalq, Milli
Dövlətçilik partiyalarının, eləcə də Müsavat Partiyası Gənclər Təşkilatının, Demokratiya və Rifah, Müsəlman Birliyi, “NİDA” hərəkatlarının və müxalifətyönümlü bir sıra qeyri-hökumət təşkilatlarının ümumi sayı 1 200 (min iki yüz) nəfərədək olan üzvü və təəssübkeşi iştirak edib.

İctimai asayişin və hüquq qaydasının kobud şəkildə pozulması halları qeydə alınmayıb.