Prokurorluq Sevilin ölümü ilə bağlı məlumat yaydı
Dərc olunub:
22-02-2021, 17:51
Bakıda 20 yaşlı qızın intihar etməsi faktı ilə bağlı cinayət işi başlanılıb.
Bu barədə Avrasiya.net-ə Baş Prokurorluğun Mətbuat xidmətindən məlumat verilib.
Bildirilib ki, Sevil Atakişiyevanın fevralın 21-də saat 20 radələrində paytaxtın Xətai rayonu ərazisində yerləşən yeni inşa edilmiş binanın 20-ci mərtəbəsindən özünü ataraq intihar etməsi faktı üzrə toplanmış materiallar əsasında Xətai Rayon Prokurorluğunda Cinayət Məcəlləsinin 125-ci maddəsi ilə cinayət işi açılıb:
"Hazırda iş üzrə intensiv istintaq əməliyyat tədbirləri həyata keçirilir".