Respublika Təhsil Şurası İdarə heyətinin üzvləri ön cəbhədə
Respublika Təhsil Şurası İdarə heyətinin üzvləri Böyükağa Mikayıllı və Samir Mehdizadə Xocavənd rayonunun erməni işğalından azad olunmuş ərazilərində olub, əsgər, zabit və Qarabağ müharibəsi veteranları ilə görüşüblər.
Bu barədə saytımıza Böyükağa Mikayıllı məlumat verib. O, bildirib ki, cəbhənin ön xəttində yerləşən əsgər və zabitlərimizin sarsılmaz iradəsinin, yüksək döyüş əhvali-ruhiyyəsinin, qələbəyə inamının şahidi olub.
“Əsgərlərimiz döyüşdən döyüşə ancaq qələbəyə əminliklə atılırlar. Qələbəyə, Ali Baş Komandana inam ruhu onları addım-addım irəli aparır. Mən əsgərlərimizin gözlərində elə bir qətiyyət gördüm ki, bu qətiyyəti heç bir qüvvə sarsıda bilməz. Bu qətiyyət qandan, kökdən gələn iradə və Vətənə sevginin ifadəsi idi.” deyə Böyükağa Mikayıllı vurğulayıb.
