"Azərbaycanın dinamik inkişafında Heydər Əliyev Mərkəzlərinin rolu" mövzusunda tədbir keçirilib
Bu gün Siyəzən, Qəbələ və Gəncə şəhərlərində fəaliyyət göstərən Heydər Əliyev Mərkəzlərinin təşkilatçılığı ilə "Azərbaycanın dinamik inkişafında Heydər Əliyev Mərkəzlərinin rolu" mövzusunda tədbir keçirilib.
Avrasiya.net xəbər verir ki, bununla bağlı sosial səhifəsində məlumat paylaşan Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov qeyd edib ki, müstəqil Azərbaycanın qurucusu olan Ümummilli Liderimiz Heydər Əliyevə ümumxalq məhəbbətinin təcəssümü olan və onun zəngin həyat yolu, xalqı və vətəni qarşısındakı misilsiz xidmətlərinin dərindən öyrənilməsi istiqamətində fəaliyyət göstərən Heydər Əliyev Mərkəzlərinin fəaliyyəti haqqında maraqlı məruzələr dinlənilib:
"Məruzələrdə qeyd olundu ki, ulu öndərin adını daşıyan bu mərkəzlər gənclərin, yerli əhalinin, rayona təşrif buyuran qonaqların, turistlərin ziyarət etdiyi əsas məkanlardan biridir. Eyni zamanda dahi şəxsiyyətin həyat və fəaliyyətinin, onun dövlətçilik fəlsəfəsi və azərbaycançılıq məfkurəsi siyasətinin tədqiq və təbliği Heydər Əliyev mərkəzlərinin əsas vəzifəsidir".
