15 sen 09:37Sosial

Koronanın yeni dalğası: Əsas bundan narahatıq – Professor

Koronanın yeni dalğası: Əsas bundan narahatıq – ProfessorAzərbaycanda koronavirusla bağlı yoluxma sayı ötən aylara nisbətən azalıb. İkinci dalğanın start götürməsi isə gözlənilən deyil.

Bu sözləri Axar.az-a açıqlamasında professor Adil Qeybulla Azərbaycanda koronavirusun ikinci dalğasının meydana gəlmə ehtimalı haqda danışarkən deyib.

Avropada COVİD-19-un ikinci dalğasının yayılması haqda danışan ekspert bunun səbəbini birinci dalğanın tamamilə aradan qalxması ilə əlaqədar olduğunu bildirib:

“Bir çox Avropa ölkəsində isə artıq koronavirusun ikinci dalğası başlayıb və ÜST bununla bağlı həyəcan təbili çalır. Hazırda Avropada yoluxma tədricən yüksəlməkdədir. Buna görə də həmin ölkələrdə pandemiyanın ikinci dalğası elan edilib. Bizdə isə bu, reinfeksiyadır, onu ikinci dalğa adlandırmaq olmaz. Azərbaycanda birinci dalğa qurtarmamış ikinci dalğanın olması gözlənilmir. Hazırda ən böyük problem payız vaxtı soyuqdəymə xəstəlikləri ilə COVİD-19-un diferensiasiyası ola bilər. Bundan sonra isə virusun təxminən zəifləyib yoxa çıxacağı proqnozlaşdırılır. Əsas qorxumuz payızda mövsümi soyuqdəymə xəstəlikləridir. Bu, öz növbəsində COVİD-lə qarışıqlıq yarada bilər”.
XƏBƏR LENTİ

Jurnalist Böyükağa Mikayıllının "Dahi pedaqoqlar" silsiləsindən "Yanuş Korçak" adlı kitabını şəhərimizin kitab mağazalarından əldə edə, həmçinin müəlliflə əlaqə ( 050 344 96 76 ) saxlayıb onlayn sifariş verə bilərsiniz.