BƏƏ-nin səfirliyində gender bərabərliyi ilə bağlı konfrans keçirilib
Birləşmiş Ərəb Əmirliklərinin Bakıdakı Səfirliyi 4 sentyabr 2020-ci il tarixində “BƏƏ-də gender bərabərliyi və qadın hüquqlarının genişləndirilməsi” mövzusunda online konfrans təşkil etmişdir.
BƏƏ-nin Azərbaycandakı səfirliyindən Avrasiya.net-ə verilən məlumata görə, konfrans iştirakçılarına BƏƏ-nin gender bərabərliyi sahəsində gördüyü işlər və əldə etdiyi nailiyyətlər barədə məlumat verilmiş, BƏƏ-nin bu sahədə 2021-ci ildə dünyanın aparıcı 25 dövlətindən birinə çevrilmək üçün dövlət strategiyasından bəhs edilmişdir.
O cümlədən, iştirakçılar təmsil etdikləri qurumların bu sahədə yerli və beynəlxalq arenada atdığı addımları, planları haqqında məlumat vermişdir. Konfrans qarşılıqlı fikir mübadilələri şəklində davam etdirilmiş, BƏƏ ilə sözü gedən mövzuda müştərək tədbirlərin davam etdirilməsi üçün təkliflər irəli sürülmüşdür.