Xocalı şahidi DTX-ni rayona dəvət etdi
Qobustan rayonunda məskunlaşmış xocalı sakini Mürvət Məmmədov DTX-ni Obustan rayonunda görmək istədiyini söyləyib.
Mürvət Məmmədov Qobustan rayon icra başçısı Adil Məmmədovun rayondakı əməllərini yaxından araşdırmaq üçün digər rayonlardakı kimi DTX-nı Qobustana da gəlməsinin vacib olduğun bildirib.
Mürvət Məmmədov DTX-nı Qobustan rayon icra başçısı və onun təlimatı ilə rayonda özbaşınalıq edən Qobustan rayon Mərkəzi xəstəxanasının baş həkimi Emin Hüseyinin əməllərindən Qobustan camaatının boğaza yığıldığını qeyd etməklə yanaşı,onu da bildirib ki, əgər yaxından araşdırmalar aparılarsa, rayon icra hakimiyyətinin başçısı rayon sakinlərinin torpaq sahələrini hansı yollarla ələ keçirir və rayonda fəaliyyət göstərən digər dovlət qurumları ilə birlikdə necə qanunsuz işlər gördüyünün şahidi olacaqlar: ”Şəxsən icra hakimi mənə qaçqın kimi dövlət tərəfindən ayrılmış 6 hektar torpağı bizi aldatmaqla mənimsəyərək özü üçün istifadə obyektinə çevirmişdir. Adil Məmmədov rayonun 80 faiz torpaq paylarnı məhkəmə yolu ilə camaatın əlindən almışdır. Xəstəxananın baş həkimi 4 şəhid verən 80 yaşlı anamı aşağılamaqdan, təhqir etməkdən belə çəkinmir. Baş həkim Emin Hüseyin bir neçə il öncə Astarada korrupsiyaya qurşandığı üçün həbs edilib. Və indi də bizə hədə-qorxu gələrək polislə təhdid edir ki, qaçqın və şəhid ailəsi olduğunuz üçün bu addan istifadə edirsiniz.”
Mürvət Məmmədov qeyd edib ki, o Azərbaycan Respublikasının Prezidenti cənab İlham Əliyevin və Birinci vitse-prezident çox dəyərli Mehriban xanım Əliyevanın apardığı siyasətin əleyhinə olan bu çətənin tezliklə layiqli cavablarını alacaqlarına ümid edir.
Veteninfo.az