Sizin Reklam Burada

Həm iqtisadi, həm də sosial islahatlar gözlənilən nəticələri verib - Adil Əliyev

Həm iqtisadi, həm də sosial islahatlar gözlənilən nəticələri verib - Adil Əliyev
“Azərbaycan Prezidenti cənab İlham Əliyevin sədrliyi ilə 2020-ci ilin birinci rübünün sosial-iqtisadi yekunlarına həsr olunan videokonfrans şəklində keçirilmiş müşavirədə bir daha bildirildi ki, ölkəmiz 2019-cu ili böyük uğurla başa vurub. Eyni zamanda, 2020-ci ilin əvvəlindən başlayaraq bütün sahələrdə inkişaf nəzərə çarpır”.

Avrasiya.net-in məlumatına görə, bunu Milli Məclis sədrinin müavini Adil Əliyev deyib.

O bildirib ki, Prezidentin rəhbərliyi ilə başlanmış həm iqtisadi, həm də sosial islahatlar gözlənilən nəticələri verib.

Vitse-spiker qeyd edib ki, həmin islahatların ardıcıl şəkildə aparıldığı vaxtda bir anda bütün dünyada tüğyan edən koronavirus pandemiyası müəyyən çətinliklər yaradıb.

“Bu pandemiyanın dünya iqtisadiyyatını iflic etməsinə baxmayaraq, xəstəliyin ölkəmizdə yarada biləcəyi fəsadlar cənab Prezidentin mütərəqqi göstərişlərinin nəticəsi olaraq minimuma endirilib. Pandemiyaya qarşı mübarizədə Azərbaycan dünyanın bir çox ölkələrindən fərqli olaraq, qabaqlayıcı tədbirlər görüb, düşünülmüş siyasət nəticəsində xəstəliyin yaradacağı fəsadların azalmasına nail olub”, - deyə A.Əliyev əlavə edib.

Milli Məclis sədrinin müavini qeyd edib ki, digər tərəfdən, inkişaf da artan xətlə davam etməkdədir.

“Hazırda ölkəmizdə karantin məqsədilə hotellərdən istifadə olunur, eyni zamanda altı mobil xəstəxananın çox qısa zamanda tikilməsi ilə əlaqədar cənab Prezident tərəfindən göstəriş verilib. Habelə xəstələrin müalicəsi üçün lazım ola biləcək bütün tibbi avadanlıqların dərhal gətirilməsi tapşırılıb.

Təbii ki, pandemiyanın Azərbaycanla həmsərhəd olan ölkələrdə, həmçinin ticarət tərəfdaşlarımız olan ölkələrdə geniş yayılması, nəticədə, sərhədlərin bağlanması iqtisadiyyata mənfi təsirini göstərir. Lakin sevindirici haldır ki, bu gün dünyanın 150-dən çox ölkəsi yardım üçün Beynəlxalq Valyuta Fonduna və Dünya Bankına müraciət etsə də, ölkəmizin adı həmin siyahıda yoxdur. Yəni bu gün ölkəmiz ən azı dünyanın 150 ölkəsindən daha yaxşı vəziyyətdədir, dünya birliyinin mütləq əksəriyyətinin yardıma ehtiyac duyduğu bir vaxtda əlimizdə olan ehtiyatlar çətin vəziyyəti idarə etməyə imkan verir”.

A.Əliyev söyləyib ki, hazırda ölkəmizdəki müsbət dinamika göz qabağındadır.

“Bunun nəticəsidir ki, keçən il dövlət büdcəsinə proqnozda nəzərdə tutulduğundan əlavə bir milyard manat, bu ilin üç ayında isə 310 milyon manat gəlir daxil olub.

Cənab Prezident cari ilin birinci rübünün sosial-iqtisadi yekunlarına nəzər salaraq müşavirədə bir daha bildirdi ki, son üç ayda ümumi daxili məhsulda 1,1 faiz, qeyri-neft sektorunda isə üç faizdən bir qədər çox artım olub. Bütün dünyanın koronavirus pandemiyasına görə böhrana düçar olduğu vaxtda ölkəmizdə həm ÜDM-də, həm də qeyri-neft sektorunda inkişafın qeydə alınması bir daha belə deməyə əsas verir ki, uğurla aparılan siyasət hər vəziyyətdə və hər cür şəraitdə öz bəhrəsini verəcək.

Təqdirəlayiq məsələlərdən biri də budur ki, Azərbaycan Prezidenti yaranmış vəziyyətlə əlaqədar büdcədə zəruri olmayan layihələrin dayandırılması və ixtisara salınması barədə göstəriş versə də, sosial sahədə heç bir proqramın ixtisar edilməyəcəyini bildirib. Bu müjdə bir daha onu deməyə əsas verir ki, ölkəmizdə aparılan siyasətin ana xəttini Azərbaycan Respublikasının vətəndaşı təşkil edir, vətəndaşa yüksək qiymət verilir, görülən hər bir iş vətəndaşın sosial rifahının yaxşılaşdırılmasına yönəlib.

Qeyd edim ki, cənab Prezident müşavirə zamanı pandemiyaya qarşı mübarizə üçün 2,5 milyard manat vəsaitin ayrıldığını, habelə həmin vəsaitin artırılması ilə əlaqədar heç bir çətinliyin olmadığını bildirdi. Dövlət başçısı nəzərə çatdırdı ki, lazımi avadanlıqların və ləvazimatların alınması üçün Prezidentin Ehtiyat Fondundan ayrılmış 97 milyon manat və gələcəkdə ayrılması nəzərdə tutulan 150 milyon manat 2,5 milyard manata daxil deyil.

Bu gün ölkəmizdə sosial sahəyə göstərilən qayğının nəticəsidir ki, orta aylıq əməkhaqqı 28 faiz, pensiyanın orta məbləği 27 faiz artıb. Nəticədə, hazırda orta aylıq əməkhaqqı 712, orta pensiya 295, yaşa görə pensiya isə 330 manata yaxındır. Hazırda ünvanlı sosial yardım alan insanların sayı 70 min nəfərdən çoxdur.

Onu da qeyd edim ki, bu gün bütün dünyanın gözəgörünməz düşmənə (COVID-19) qarşı mübarizə apardığı bir şəraitdə cənab Prezident məcburi köçkün və şəhid ailələrini də unutmadı, minimum 7 min köçkün ailəsinin və minimum 1 500 şəhid ailəsinin yeni mənzillərlə təmin ediləcəyini bildirdi. Bu qayğı Azərbaycan dövlətində bütün sahələrə göstərilən diqqətin nəticəsidir”.

Ölkə başçısının müşavirə zamanı struktur islahatlarına diqqət çəkməsi inkişafın yalnız siyasi-iqtisadi sahələri əhatə etmədiyini bir daha göstərdi.

A.Əliyev bildirib ki, ölkədə aparılan siyasi islahatların, kadr islahatlarının uğurlu nəticələri göz qabağındadır.

“Bu islahatlar Prezident Administrasiyasını, Nazirlər Kabinetini, Milli Məclisi əhatə edib. Hakimiyyətin bütün qollarında aparılan islahatlar bir məqsəd daşıyır: idarəetmə mexanizmi təkmilləşsin, gəncləşmə siyasəti geniş tətbiq olunsun, peşəkar kadrlar önəmli vəzifələrə gətirilsin, idarəetmədə inkişafa mane olan bütün hallar aradan qaldırılsın.

Bu ilin fevral ayında Milli Məclisə keçirilən növbədənkənar seçkilər xalqımızın iradəsini ifadə edib, vətəndaşlarımız tərəfindən bəyənilərək dəstəklənib. Parlament seçkilərinin demokratik şəkildə keçirilməsi, habelə VI çağırış Milli Məclisdə müxalifət partiyalarının nümayəndələrinin yüksək vəzifələrdə təmsil olunması bunu deməyə əsas verir ki, iqtidar-müxalifət dialoqu sağlam əsaslara söykənib.

Ölkə başçısının tapşırığına uyğun aparılan siyasi kursdan heç kəs kənarda qalmır. Dialoqa qoşulmaq istəyən müxalifət nümayəndələri də demokratikləşmə ilə bağlı çağırışlara müsbət reaksiya veriblər. Bu siyasətin bir tək ana xətti vardır ki, ölkəmizin inkişafı təmin edilsin və vətəndaşların sosial rifahını yaxşılaşdırmaqla doğma vətənimizi, el-obamızı daha yaşanılası bir yer edək.

O ki qaldı dialoqdan imtina edən kəsimə, onlar özlərini müxalifət adlandırsalar da, məlumdur ki, bu şəxslər aparılan siyasətə yox, dövlətə və dövlətçiliyə müxalif insanlardır. Öz “sahiblərindən” aldıqları siyasi sifarişləri bu xalqın əleyhinə düşünmədən yerinə yetirən şəxsləri xalq yaxşı tanıyır və cəmiyyət onları heç cür qəbul etmir. Təbii ki, ölkə başçısının da dediyi kimi, onlara siyasi konfiqurasiyada da yer yoxdur, bunu özləri də başa düşür və qəbul edirlər.

Beləliklə, cənab Prezident tərəfindən keçirilən müşavirənin nəticəsində bir daha aydın oldu ki, aparılan uğurlu islahatlar bütün sahələrdə öz nəticəsini verir, bütün sahələrdə inkişaf müsbət dinamika ilə davam edir, iqtisadi vəziyyət nəzarət altında olmaqla yeni ehtiyatlar axtarılır, sosial islahatlar çox uğurlu şəkildə davam etdirilir. Aparılan uğurlu islahatlar ölkəmizin inkişafına, vətəndaşların rifah halının yaxşılaşdırılmasına hesablanıb”.

Добавить комментарий

Оставить комментарий

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
yenilə, əgər kod görünmürsə

Xəbər lenti


Son xəbərlər