Azərbaycanda koronavirusa 63 yeni yoluxma qeydə alındı
Dərc olunub:
5-04-2020, 16:20
Azərbaycan Respublikasında 63 yeni koronavirus (COVID-19) infeksiyasına yoluxma faktı qeydə alınıb.
Nazirlər Kabineti yanında Operativ Qərargahdan Avrasiya.net-ə verilən məlumata görə, xüsusi rejimli xəstəxanalara yerləşdirilmiş həmin şəxslərdən 14 nəfərin vəziyyəti ağır, 21 nəfərin vəziyyəti isə orta ağır qiymətləndirilir, digərlərinin səhhəti stabildir.
Hazırkı dövrədək ölkəmizdə 584 nəfərin koronavirus infeksiyasına yoluxması faktı müəyyən olunub. Onlardan 32 nəfəri müalicə olunaraq sağalıb. 5 nəfər dünyasını dəyişib. 547 nəfərin xüsusi rejimli xəstəxanalarda müalicəsi davam etdirilir.