QHT-lərin ümumrespublika onlayn konfransı keçirilib
Bu gün (aprelin 2-də) Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası tərəfindən QHT-lərin koronovirusla mübarizəyə həsr olunan ümumrespublika onlayn konfransı keçirildi. Konfransda yüzlərlə QHT-lər iştirak edirdilər.
Konfransda QHT-lərin ölkə üzrə karantin rejiminin tələblərinin yerinə yetirilməsində rolu, “Evdə qal, cəmiyyəti qoru” ictimai monitorinq və məlumatlandırma kampaniyasında iştirakının hazırkı vəziyyəti, Şuranın 2020-ci il qrant müsabiqəsinin qalibi olan QHT layihələrinin mövzularının dəyişdirilərək koronavirusla mübarizə tədbirlərinə yönəldilməsi və bununla bağlı onların ideya və təkliflərinin dinlənilməsi, koronavirusla bağlı mübarizədə ümummilli həmrəyliyin gücləndirilməsində QHT-lərin rolu və vəzifələri, koronovirusla mübarizədə QHT sektorunun töhvəsi ilə bağlı ən yaxşı xarici təcrübə QHT-lər tərəfindən geniş müzakirə olundu.
Konfransda Şuranın sədri, millət vəkili, hörmətli Azay Quliyev QHT-lərin təkliflərini dinlədi.
Sonra təklif olundu ki, konfransda iştirak edən QHT-lər tərəfindən həyatlarını bizlər üçün riskə atan HƏKİMlər və POLİSlər alqışlansın. Böyük ALLAHdan HƏKİMlərimizə və POLİSlərimizə can sağlığı diləyir, onlara təşəkkürlərimizi çatdırırıq. Təbii ki, Azərbaycan torpaqlarının qorunmasında və keşiyimizdə dayanan ƏSĞƏR və ZABİTLƏRimizi də unutmamalıyıq. Onlara da möhkəm can sağlığı diləyir, təşəkkürümüzü bildiririk!