Bakı Şəhər İcra Hakimiyyəti qadınların yürüşünə icazə vermədi
Azərbaycan Feminist Hərəkatı 8 mart 15:00-da Nizami küçəsindən "Kolorit" kafesinin qarşısına qədər yürüş keçirmək üçün martın 2-də Bakı Şəhər İcra Hakimiyyətinə (BŞİH) müraciət edib.
BŞİH müraciətə baxıb. Bakı Şəhər İcra Hakimiyyətindən (BŞİH) verilən məlumatda bildirilir:
“Təklif etdiyiniz yer əhalinin sıx hərəkət etdiyi ərazi olduğundan, həmçinin burada çoxlu iaşə, ticarət, xidmət və əyləncə obyektləri yerləşdiyindən ictimai təhlükəsizlik baxımından kütləvi tədbirin keçirilməsi məqsədəmüvafiq deyil.
Yürüşün keçirilməsi üçün alternativ yer olaraq müraciət edənlərə 8 mart 2020-ci il tarixdə, saat 15:00-dan 16:00-dək Qaradağ rayonu, Lökbatan qəsəbəsi 28 May küçəsi ilə Həzi Aslanov küçəsinin kəsişməsindən, Həzi Aslanov küçəsi ilə “Neftçi İdman Klubu İctimai Birliyinin Qaradağ təlim-idman bazası”nın yanından hərəkət etməklə 20 Yanvar küçəsi boyunca 5-ci yaşayış massivi istiqamətində olan marşrut təklif olunur”.