Progress Club bu dəfə də gəncləri sevindirib - Fotolar
Faydalı sosial layihələri ilə tez-tez gündəmə gələn Progress Club bu dəfə də gəncləri həm faydalı, həm də praktiki bir layihə ilə sevindirib.
Hamının bilməli olduğu, amma çox az adamın bildiyi İlkin Tibbi Yardım metodlarını silsilə təlimlərlə gənclərə aşılamağa çalışan layihə bu sahədəki məlumatsızlıq boşluğunu doldurmağı hədəfləyir və bu hədəf istiqamətində ilk təlimi artıq baş tutub.
MediClub Clinic Xəstəxanasının təchizat dəstəyi, Archmed Kursunun təşkilati dəstəyi ilə Mərkəzi Klinik Xəstəxananın 4-cü kurs kardioloq rezidenti Dr. Zöhrə Əlimli bir qrup gəncə huşsuz xəstəyə yanaşma, ürək masajı, süni tənəffüs, intubasiya, uşaqlara ilk tibbi yardım metodlarını öyrədən maraqlı bir təlim verdi.
Təlimdə hər bir iştirakçı nəzəri məlumatlar almaqla yanaşı həm də praktiki olaraq mulyaj üzərində məşqlər etdilər.
Progress Club bildirib ki, bu layihə silsiləvi şəkildə həyata keçiriləcək və davamlı olacaq.
