Müsavat başqanı da Prezident Administrasiyasına ÇAĞIRILDI
Dərc olunub:
29-02-2020, 13:47
Müsavat Partiyasının başqanı Arif Hacılı Prezident Administrasiyasına dəvət alıb.
Avrasiya.net xəbər verir ki, bu barədə o özü məlumat verib.
"Mənə ünvanlanan suallara cavab olaraq bildirirəm ki, Prezident Administrasiyasının şöbə müdiri Ədalət Vəliyevlə görüş üçün dəvət almışam. Görüş təklifini qəbul etdim.
Bu görüşün Müsavat Partiyasının qərargahında keçirilməsinin siyasi baxımdan daha düzgün olduğunu bildirdim", - A.Hacılı bildirib.
Qeyd edək ki, Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev bundan öncə Azərbaycan Xalq Partiyasının sədri Pənah Hüseyn və "REAL" Partiyasının sədri İlqar Məmmədovla ayrı-ayrılıqda görüş keçirib.