MSK daha bir nəfərin namizədliyini ləğv etdi
Dərc olunub:
7-02-2020, 17:10
86 saylı İsmayıllı seçki dairəsində namizədliyi qeydə alınan Şahəvələdov Məzahir Səfər oğlunun namizədliyi ləğv edilib.
Avrasiya.net xəbər verir ki, bununla bağlı məsələ Mərkəzi Seçki Komissiyasının bu gün keçirilən iclasında müzakirə edilib.
Məsələ barədə MSK katibi Arifə Muxtarova məlumat verib.
O bildirib ki, həmin dairənin sədri tərəfindən Şahəvələdov Məzahir Səfər oğlunun ikili vətəndaşlığının olması ilə bağlı MSK-ya müraciət edilib: “Tərəfimizdən yoxlamalar aparılıb və müraciətin doğruluğu sübut edilib”.
Daha sonra məsələ müzakirəyə qoyulub.
Müzakirələr nəticəsində Şahəvələdov Məzahir Səfər oğlunun namizədliyi ləğv edilib.
