Sadiq Qurbanov görüşlərini uğurla davam etdirir - FOTOLAR
Yeni Azərbaycan Partiyasının (YAP) 54 saylı Şabran-Siyəzən Seçki Dairəsindən deputatlığa namizədi Sadiq Qurbanov görüşlərini uğurla davam etdirir.
S.Qurbanov bu gün Şabran rayonunda ölkənin ictimai siyasi həyatında ən mühüm rola malik olan müəllimlərlə görüşüb. S.Qurbanov özü haqqında qısa məlumat verdikdən sonra təmsil olduğu partiyanın fəaliyyətindən, Azərbaycan siyasi arenasında tutduğu mövqeyindən, eyni zamanda xalqın bu partiyaya inam və etibarından bəhs edib. Daha sonra seçki platforması barədə danışıb.
Həmişə oluğu kimi bu dəfə də S.Qurbanovun seçicilərlə səmimi görüşü keçirilib. Şabranın pedaqoji kollektivi S.Qurbanovla görüşdən məmnun qaldıqlarını vurğulayıblar.
Görüşdə çıxış edən ziyalılar hər zaman olduğu kimi dövlətin siyasi kursunu, mövqeyini bəyənərək hakim YAP-ın namizədinə 9 fevralda səs verəcəklərini bildiriblər.
S.Qurbanov daha bir görüşünü Şabran rayonun Sincanboyad və Padar kəndlərinin sakinləri ilə keçirib. Hərbir kənddə keçirdiyigörüşlərdəolduğu kimi burada da ağsaqqal xeyir-duasını alan YAP-ın namizədi onlara öz seçki platformasını, planlarını açıqlayandan sonra yerli sakinləri dinləyib, onların yaşadığı problemləri qeydə alıb.
Bu günün sonuncu görüşü Azərxalça ASC Şabran filialının toxucuları ilə olub. Namizəd fabrikdə toxuculara yaradılan şəraitlə tanış olub. Toxucu dəzgahları arasını gəzərək onların iş prosesini izləyib.
Kollektivin suallarını cavablandıran S.Qurbanov seçiciləri narahat edən problemləri bir-bir qeyd edib və nəzarətdə saxlayacağını bildirib. Toxucular Sadiq müəllimə təşəkkür edib, onların qayğılarına şərik olduğu üçün minnətdarlıqlarını ifadə ediblər və onu da qeyd ediblər ki, belə bir namizədə səs verməyə bilməzlər.