Ramil Kərimlidən seçicilərə müraciət
“Qonşularınızı, dostlarınızı, qohumlarınızı seçkilər barədə məlumatlandırın”
“Mən komandamla hər gün Suraxanı rayonunun sakinləri ilə görüşlər keçiririk və belə bir hal diqqətimi çəkir...
İnsanların çoxu ümumiyyətlə parlament seçkilərinin keçirilməsindən xəbərsizdirlər. Əgər kəndlərimizin mərkəzində bizim reklamlarımız sayəsində insanların bundan bundan xəbəri varsa, kənarlarda vəziyyət tam fərqlidir”. Bu fikirləri Suraxanı 32 ci seçki dairəsindən deputatlığa namizəd Ramil Kərimli səsləndirib. Deputatlığa namizəd bildirib ki, komandamın üzvləri evlərə baş çəkir, səsvermənin vacibliyindən, hər səsin vacib olmasından danışırlar: “Lakin vəziyyət çox ləng dəyişir.
Sizdən xahiş edirəm, ölkəmizin gələcəyinə biganə deyilsinizsə, qonşularınızı, dostlarınızı, qohumlarınızı qarşıdan gələn seçkilər barədə məlumatlandırın və fevralın 9-da gəlin və maraqlarınızı parlamentdə təmsil etməyə layiq bildiyiniz birinə səs verin.
Seçicilərlə görüşlərimizi davam etdiririk, axşam görüşləri hər gün saat 18: 00-da və 19: 45-də keçirilir. Şəxsən görüşmək istəyirsinizsə, suallarınızı vermək istəyirsinizsə, gəlin, laqeyd qalmayın. Görüş yerlərini qərargahda tapa bilərsiniz +994 552 59 45 65”.
