Aqil Məmmədov Tərtər və Bərdədə seçicilərilə görüşüb
123 saylı Kəlbəcər seçki dairəsindən namizədliyi Yeni Azərbaycan Partiyası tərəfindən irəli sürülmüş Məmmədov Aqil Sadiq oğlu növbəti təbliğat kampaniyasını Tərtər və Bərdə rayon ərazisində davam etdirmişdir. 
Seçicilərin yüksək gəlişi ilə baş tutmuş hər iki görüş öz möhtəşəmliyi ilə seçilmişdir. Yeni Azərbaycan Partiyasının namizədinin təbliğat kompaniyası görüşün keçirildiyi ərazidə məskunlaşan rayon sakinlərinin diqqət mərkəzində olmuş, sakinlər Yeni Azərbaycan Partiyasının namizədinin təbliğat kompaniyasına böyük həvəslə qatılmışdır.
Görüşdə çıxış edən Aqil Məmmədov bir daha vurğulayıb ki, seçkilərə Yeni Azərbaycan Partiyası daha güclü Azərbaycan naminə şüarı ilə qoşulub. Yeni Azərbaycan Partiyasının ölkəmizdə ki, mövqeyindən və rolundan söz açan Aqil Məmmədov partiyanın sədri ölkə başçısı Cənab İlham Əliyevin rəhbərliyi ilə Azərbaycanın daha da inkişaf etdiyini bildirərək nəyin ki, regionda, dünyada hörmət və nüfuz sahibi olan bir ölkəyə çevrildiyini qeyd etmişdir.
Bu seçkilərin ölkəmizdə mühüm siyasi bir hadisə olduğunu bir daha söyləyən Aqil Məmmədov seçkilərin şəfaf və demokratik keçməsi üçün hər bir seçicini seçki qutusu başına səsləyərək, hər bir kəlbəcərlinin seçkilərdə fəal iştirak etməyə çağırıb.O bildirib ki, seçiciləri əgər ona etimad göstərib səs verib millət vəkili seçəllərsə kəlbəcərlilərin Milli Məclisdə haqq səsi olacaq, daima onların yanında olub onları narahat edən problemlərin həllinə çalışacaqdır.
Görüşdə iştirak edən sakinlər çıxış edərək, parlament seçkilərində fəal iştirak edəcəklərini, birmənalı olaraq Yeni Azərbaycan Partiyasının namizədini dəstəkləyəcəklərini söz verdilər.
