İradə Polad kəndlərdə seçicilərilə görüşüb - FOTOLAR
58 saylı Hacıqabul-Kürdəmir Seçki dairəsindən deputatlığa namizəd olan Nəsirova İradə Polad qızı (İradə Polad) Seçki qərargahının üzvləri ilə birlikdə növbəti görüşünü Kürdəmir və Hacıqabulun kəndlərində keçirib.
Namizəd əvvəlcə Kürdəmirin Sınıslı, Ərşəli, Carisəyribənd kəndlərində seçicilərlə görüşüb. Seçicilər namizədi yüksək əhval-ruhiyyə ilə qarşılayıblar. Gənclər öz problemlərini İ.Poladla bölüşüblər və parlamentdə yeni millət vəkillərini görmək istədiklərini namizədin diqqətinə çatdırıblar. İ.Polad hər bir namizədi ayrı-ayrılıqda dinlədikdən sonra onların istək və arzularının yerinə yetirməkdə dəstək olacağını qeyd edib.
İ.Polad daha sonra Hacıqabulun Rəçpər və Qubalıbaloğlan kəndində seçicilərlə görüşüb. Öncə şəhid ailələrinə baş çəkən İ.Polad bunu namizəd kimi özünə borc bildiyini qeyd edib. O, bildirib ki, vətən uğrunda canını fəda verən şəhidlərimizin xatirəsi həmişə əziz tutulub, onların ailələrinə hörmət və ehtiram hər zaman olunmalıdır.
Daha İ.Polad şəhid ailələrinin suallarını dinləyib, deputat seçiləcəyi təqdirdə görəcəyi işlərdən danışıb.