Emin Əliyev seçki kampaniyasını uğurla davam etdirir - FOTOLAR
Ölkəmizdə seçki günü yaxınlaşdıqca təbliğat-təşviqat kampaniyası daha da sürətlənir və namizədlər daha intensiv olaraq seçicilərlə görüşlər keçirdir.
Sevindirici haldır ki, bu seçki prosesi həm gənclərimizi aktivləşdirdi və dövlətə xidmət baxımından onların öz töhfələrini vermələri üçün şərait yaratdı, eyni zamanda dövlətə də çox daha aydın şəkildə ölkədəki perspektivli kadrları görmək imkanı verdi. Bu prosesdə hər bir halda Azərbaycan qazanclı çıxacaq.
125 saylı Zəngilan-Qubadlı seçki dairəsindən millət vəkilliyinə namizədliyi irəli sürülmüş Emin Əliyev də fəal şəkildə seçki kampaniyasını aparmaqdadır. 
Belə ki, bütün ölkə üzrə yayılmış zəngilanlı və qubadlılılarla görüşlərə elə bölgələrdən (Sabirabad, Şirvan, Hacıqabul) başlayan Emin Əliyev daha sonra Novxanı kəndində və Sumqayıt şəhərində qubadlılılarla, Bakı şəhəri Yasamal rayonu Şərifzadə küçəsində yerləşən məcburi köçkün yataqxanasında, Nərimanov rayonu ərazisində olan yarımçıq xəstəxana binasında məskunlaşan məcburi köçkünlərlə həm toplu şəkildə, həm də ev-ev gəzərək görüşlər keçirmişdir. Emin Əliyevin 24 yanvar tarixində Masazır qəsəbəsində olan Zəngilan şəhərciyində təşkil edilmiş görüşünü isə xüsusi vurğulamaq lazımdır. Belə ki, həmin gün qarlı, yağışlı, boranlı, çovğunlu hava şəraitinə baxmayaraq 125 saylı DSK tərəfindən müəyyən edilmiş məkanda seçicilərlə görüşdə Emin Əliyevin “Qismət olsun Pirçivanda görüşək” şüarı alqışlar aldı və zəngilanlıları qəlbdən təsirləndirdi. Daha sonra E.Əliyev ev-ev gəzərək öz seçiciləri ilə səmimi görüşlər keçirdi, hətta bəzi sakinlər onu evlərinə dəvət edərək çay süfrəsinə qonaq etdilər. Emin Əliyev belə bir hava şəraitində və insan izdihamı əhatəsində Zəngilan polisinin əməkdaşlarına da toplanmış insanların təhlükəsizliyini təmin etdiklərinə və asayişi qoruduqlarına görə xüsusi olaraq təşəkkür etdi.
Daha sonra o, şəhərcikdə yaşayan qohumlarıgilə keçərək onlarla da görüş keçirdi.
Emin Əliyevin seçicilərlə görüşü sürətlə davam edir və bu barədə mütəmadi olaraq məlumat verəcəyik.
Avrasiya.net
