07 noy 07:13Sosial

Qubada məktəbli oğlanların basketbol turnirinə yekun vurulub

Qubada məktəbli oğlanların basketbol turnirinə yekun vurulubAzərbaycan Respublikasının Təhsil Nazirliyinin "Təhsildə inkişaf və innovasiyalar üzrə 2-ci qrant müsabiqəsi"nin fərdi kateqoriya üzrə qalibi olan "Kim sevirsə idmanı poladdan olar canı" sağlam məktəbli spartakiadası adlı layihə çərçivəsində Quba rayonunun Qaraçay kənd tam orta məktəbində oğlanlar arasında basketbolun 3*3 növü üzrə turnir keçirilib.

Tədbirdə çıxış edən layihə rəhbəri, Quba rayonu Qırmızı qəsəbə 1 saylı tam orta məktəbinin müəllimi Kamran Əlimərdanov layihə barədə məlumat verərək bildirib ki, məqsəd məktəblilərinin asudə vaxtlarının idman oyunları vasitəsilə səmərəli təşkilinə nail olmaq, şagirdlərin idmana cəlbinə dəstək olmaq, eyni zamanda şagirdlər arasında sağlam həyat tərzinin və basketbol idman növünün təbliğinə təkan verməkdir.

Rəsmi hissədən sonra yarışa start verilmişdir.
Qubada məktəbli oğlanların basketbol turnirinə yekun vurulub
6 komandanın mübarizə apardığı yarışda Zərdabi qəsəbə məktəbinin komandası qalib adını qazanıb. Qaraçay basketbolçuları ikinci, İsnovqışlaq kənd tam orta məktəbinin komandası isə üçüncü mükafata sahib çıxıb.

Yekunda qalib və mükafatçılar kubok, diplom və medallarla təltif olunub.

Noyabr ayının 27-dək davam edəcək layihəyə Quba rayonunun Püstəqasım kəndində oğlanlar və qızlar arasında keçiriləcək stolüstü tennis üzrə turnirlə yekun vurulacaqdır.

Qeyd edək ki, “Təhsildə inkişaf və innovasiyalar üzrə ikinci qrant müsabiqəsi” dövlət ümumi təhsil müəssisələri və bu müəssisələrdə çalışan pedaqoji işçilər üçün elan edilmişdir. Müsabiqə çərçivəsində ümumi təhsil müəssisələri kateqoriyası üzrə təklif olunmuş 211 layihədən 41-i, fərdi kateqoriya üzrə isə 639 layihədən 125-i olmaqla ümumilikdə 166 layihə qalib elan edilib.
Qubada məktəbli oğlanların basketbol turnirinə yekun vurulub
XƏBƏR LENTİ

Jurnalist Böyükağa Mikayıllının "Dahi pedaqoqlar" silsiləsindən "Yanuş Korçak" adlı kitabını şəhərimizin kitab mağazalarından əldə edə, həmçinin müəlliflə əlaqə ( 050 344 96 76 ) saxlayıb onlayn sifariş verə bilərsiniz.