17 sen 10:49Sosial

Ermənilərin qüvvələri darmadağın ediləcək - məşq başlayır

 Ermənilərin qüvvələri darmadağın ediləcək - məşq başlayırTəlimə 20 mindən çox şəxsi heyət, yüzlərlə texnika, raket, bombardımançı, qırıcı cəlb ediləcək

Bu gündən Azərbaycan Ordusu genişmiqyaslı təlimlərə başlayır. Təlimlər prezident, Silahlı Qüvvələrin Ali Baş Komandanı İlham Əliyevin təsdiq etdiyi plana əsasən, Müdafiə naziri general-polkovnik Zakir Həsənovun rəhbərliyi ilə keçiriləcək.

Nazirlikdən Avrasiya.net-ə verilən məlumata görə, təimlər sentyabrın 22-dək davam edəcək. Genişmiqyaslı təlimlərdə Azərbaycan Ordusunun müxtəlif qoşun növləri, qismləri, birlik və birləşmələri iştirak edəcək.

Təlimlərə 20 mindən artıq şəxsi heyət, 200-dən çox tank və digər zirehli texnika, 120-dən çox müxtəlif çaplı raket və artilleriya qurğusu, yaylım atəşli reaktiv sistemləri və minaatan, 10-dək qırıcı və bombardmançı, 20-dək müxtəlif təyinatlı ordu aviasiyası cəlb olunacaq.

Təlimlər zamanı eşelonlaşdırılmış düşmən müdafiəsinin tanklar vasitəsilə müxtəlif istiqamətlərdə yarılması, Qarabağ ərazisindəki Ermənistan hərbi qruplaşmalarının, eləcə də onun ön xətt qüvvələrinin darmadağın edilməsi, düşmən ərazisinin dərinliyində yerləşən hərbi və strateji obyektlərin raket-artilleriya və aviasiya zərbələri ilə məhv edilərək ərazilərimizin azad edilməsi üzrə tapşırıqlar yerinə yetiriləcək.

Təlimlərdə həmçinin son illər ərzində Azərbaycan Ordusunun silahlanmasına qəbul edilmiş ən yeni hərbi texnika və silahlara şəxsi heyətin yiyələnmə vərdişləri yoxlanılacaq.
XƏBƏR LENTİ
Dünən, 17:10
SORĞU