Rusiya Qarabağa müdaxilə edir: Paşinyan təhdid edildiMoskva İrəvanla Qarabağ separatçıları arasında münasibətlərdə baş verənləri diqqətlə izləyir.

Axar.az xəbər verir ki, bunu “1in.am” saytına müsahibəsində erməniyönlü rusiyalı politoloq Stanislav Tarasov deyib.

“Moskva çox istərdi ki, Ermənistanın inqilabi hökuməti Qarabağ məsələsində çox ağıllı davransın. Onların sözləri işləri ilə ziddiyyət təşkil etməsin. Mən digər rusiyalı ekspertlər kimi hesab edirəm ki, Paşinyan Saakyanı qovmamalı, onunla ittifaq qurmalıdır. Əgər Paşinyanın müşavirləri ona mane olsalar və Qarabağdakı “hökumətin” uzaqlaşdırılmasına getsələr, Ermənistan hər şeyini itirəcək və bu, erməni dövlətçiliyinin mövcudluğunu sual altına qoyacaq”, – deyə o bildirib.

Qeyd edək ki, Tarasov Rusiyadakı erməni diasporu ilə sıx əlaqələrə sahibdir. Onun həmçinin Rusiyanın hakim dairələriylə də yaxşı əlaqələri var və bir çox hallarda qeyri-rəsmi formada bu dairələrin mesajlarının çatdırılmasını həyata keçirir.
Bakı Parlament Platforması çərçivəsində ilk dialoq baş tutduXəbər verildiyi kimi, dünən Bakıda Azərbaycan Respublikası Milli Məclisinin təşkilatçılığı və ATƏT PA ilə yaxından əməkdaşlıq çərçivəsində “Regional təhlükəsizlik və əməkdaşlıq üzrə Parlament Konfransı” və “Dialoq və Əməkdaşlıq üzrə Bakı Parlament Platforması”nın təsis konfransı keçirilib.

Avrasiya.net xəbər verir ki, konfransın keçirilməsində məqsəd regional təhlükəsizliyə təhdid yaradan amillərin qarşısının alınması yollarını, qarşılıqlı inam və dialoqun gücləndirilməsi, iştirakçı ölkələr arasında əməkdaşlığın keyfiyyətcə yeni səviyyəyə yüksəldilməsi, nəqliyyat və enerji sahələrində əlaqələrin inkişaf etdirilməsi məsələlərini müzakirə etmək, həmçinin Dialoq və Əməkdaşlıq üzrə Bakı Parlament Platformasını yaratmaq olub. Xüsusi vurğuluanmalıdır ki, Almaniya, Türkiyə və Azərbaycandan olan parlamentarilər ilk dəfə olaraq belə formatda bir araya gəliblər.

Bu gün isə qeyd edilən Dialoq və Əməkdaşlıq üzrə Bakı Parlament Platforması formatında ilk təşəbbüs baş tutub, Bakı bu formatda ilk dialoqa ev sahibliyi edib. İlk görüş Platformada təmsil olunan Türkiyə nümayəndə heyəti ilə Almaniya Bendestaqının nümayəndələri arasında keçirilib. Günün ikinci vacib hadisəsi Bakıda səfərdə olan ATƏT PA prezidenti Cənab Georg Seritelinin Platformada təmsil olunan Türkiyə nümayəndə heyəti ilə görüşü olub.

Hər iki görüşdə platforma çərçivəsində gələcək əməkdaşlıq, problemlərin qarşılıqlı ünsiyyətlə aradan qaldırılması üçün dialoq formatının daim gündəmdə olması qeyd edilib. Bildirilib ki, Bakı Parlament Platforması gələcəkdə əməkdaşlığı inkişaf etdirmək, eləcə də regional və beynəlxalq münaqişələrin həlli üçün unikal formatlardan biridir.
Bakıda Aİ-Azərbaycan biznes forumu keçirilirBu gün Bakıda V Avropa İttifaqı (Aİ) - Azərbaycan biznes forumu işə başlayıb.

Report xəbər verir ki, tədbirdə ölkədə biznes mühiti, kənd təsərrüfatı, nəqliyyat, loqistika, İKT və turizm sektorlarının inkişafı üzrə panel müzakirələri aparılacaq.

Xatırladaq ki, Aİ ölkələri Azərbaycanın xarici ticarət dövriyyəsində, təxminən, 42% paya malikdir.
"Böyük maraqla Gürcüstanın bu Platformaya qoşulmasını gözləyirik""İstəməzdim ki, bu barədə detalları açıqlayaq. Dialoq və Əməkdaşlıq üzrə Bakı Parlament Platformasının yaradılması zamanı bütün detalları, nüansları nəzərə aldıq"
Avrasiya.net xəbər verir ki, bunu jurnalistlərə açıqlamasında təsis edilən Dialoq və Əməkdaşlıq üzrə Bakı Parlament Platformasının qurucuları arasında Gürcüstan parlamentarilərinin yer almamasına münasibət bildirən ATƏT Parlament Assambleyasının vitse-prezidenti, millət vəkili, Bakı Parlament Platformasının koordinatoru Azay Quliyev deyib.

A.Quliyev bildirib ki, Bakı Parlament Platformasının Təşkilat Komitəsi olaraq qərara gəldik ki, hələlik Platformanın qurucularının 3 ölkə olması kifayətdir:

"Burada geosiyasi və regional məsələ nəzərə alındı. Amma heç şübhəsiz ki, Gürcüstan bizə tərəfdaş və dost ölkədir. Yenə də şübhə etmirəm ki, Gürcüstan yaxın aylarda bu Platformaya qoşulacaq. Bizim Gürcüstanın Platformaya qoşulması ilə bağlı heç bir problemimiz yoxdur. Çox böyük maraqla Gürcüstanın bu Platformaya qoşulmasını gözləyirik ".

Qeyd edək ki, bu gün Bakıda ATƏT Parlament Assambleyasının dəstəyi ilə Azərbaycan, Türkiyə və Almaniya parlamentarilərinin iştirakı ilə Bakı Parlament Platforması yaradılıb.
"Ən çətin zamanda Azərbaycanın xilaskarı Heydər Əliyev olub"Qədim tarixə malik Azərbaycan dövləti əsrlər boyu öz müstəqilliyi və dövlətçiliyi uğrunda şərəflə və qürurla mübarizə aparıb. Dövlətin formalaşmasında böyük zəhməti olan tarixi şəxsiyyətlələrin rəhbərliyi və əzmkar azəri xalqının birlik və mübarizəsi ilə müasir, dinamik inkişafda olan qüdrətli Azərbaycan formalaşıb. Məhz belə bir dahi tarixi şəxsiyyətlərdən biri və demək olar ki, bütün ömrünü vətəninə, xalqına xidmətə həsr etmiş şəxsiyyətlərdən birincisi Ulu öndər Heydər Əliyev olmuşdur.

Azərbaycan müstəqillik əldə etdikdən sonra ölkədaxilində bütün sahələrdəki boşluq və özbaşnalıq dövləti parçalanmağa, dağılmağa aparırıdı. Dövlətin məhz belə bir böhran dövründə 1991-1993-cü illərdə Naxçıvan Muxtar Respublikası Ali Məclisinin sədri olan Heydər Əliyevxalqın təkidli tələbləri ilə hakimiyyətə qayıtdı. Heydər Əliyev zəngin siyasi düşüncəyə və xüsusi istedada malik bir şəxsiyyət olaraq 1969-1982 –ci illərdə Azərbaycan Kommunist Partiyası Mərkəzi Komitəsinin birinci katibi, daha sonra Sovet İttifaqı Kommunist Partiyası Mərkəzi Komitəsi Siyasi Bürosunun üzvü və SSRİ Nazirlər Soveti sədrinin birinci müavini vəzifələrində çalışmışdır.

Xalqımızın təkidli tələbi ilə ikinci dəfə hakimiyyətə qayıdan Heydər Əliyev iyunun 15-də Azərbaycan Ali Sovetinin sədri seçildi. Elə həmin gündən Ulu öndər dövətçilik məsuliyyətini əzimlə, cəsarətlə öz üzərinə götürərək ölkədə davam edən gərginliyin, qarşıdurmanın, parçalanmağın və vətəndaş müharibəsinin qarşısını aldı. Sözün əsl mənasında Azərbaycanın xilaskarı oldu.

Bildiyimiz kimi 1993-сü ilin əvvəllərindən ölkədə silahlı quruplaşmalar yaranmışdır ki, hansı kin onların anacaq bir məqsədi vardı dövləti parçalamaq. Azərbaycanın daxilində qardaş qırğını və vətəndaş müharibəsinin yaranması artıq yetişmişdi. Ayrı-ayrı bölgələrdə isə separatçılıq və parçalanmanın həyata keçirilməsi planı tam hazır idi. Demək burada bir məqsəd vardı, Azərbaycanın bir dövlət kimi varlığına birdəfəlik son qoymaq.Dövlətin müstəqillik qazanmasından iki il keçməsinə baxmayaraq ölkə tam müstəqil dövlət kimi hələ tam formalaşa bilməmişdi. 1993-cü ildə Gəncə hadisələri ölkəni tamamilə xaosa sürükləyirdi.

Situasiyanı nəzarətə almaq üçün dövlətin operativ tədbirləri vəziyyəti düzəltmədi. Əksinə, Gəncəyə yola düşən dövlət nümayəndələri girov götürüldü. Qiyamçı hərbi hissənin rəhbərliyi dövlət rəhbərlərinin istefasını tələb edirdi. Regionlardakı bu qarşıdurma Bakıyadoğru geniş miqyas alırdı. Ölənlər və yaralananlar var idi. Məhz belə bir çətin və ağır vaxtda dövləti parçalanıb dağılmaqdan xilas etmək üçün dövlətin rəhbər qurumları Naxçıvan Ali Məclisinin sədri Heydər Əliyevi Bakıya dəvət etdi. Xalqın və rəhbərliyin təkidi ilə Bakıya qayıdan Ulu Öndər Heydər Əliyev Gəncə qiyamını yatırmaq üçün Gəncəyə yola düşdü. Qiyamçılarla danışıqlar aparmaq məqsədilə Milli Məclisiniclasında hadisələrlə bağlı arayış verdi. Beləliklə, iyunun 15-də Milli Məclisdə Heydər Əliyev parlamentin sədri seçildi. O zaman Milli Məclisin sədri yox idi, çünkü sədr İsa Qəmbər istefa vermişdi. Dövlətin strukturunda və idarəçiliyində bu boşluqların olması hadisələrin gərginləşməsinə və qarşıdurmanın bütün ölkəyə yayılmasna şərait yaradırdı. Bütün dünyada düzgün siyasi xətti və vətənpərvər mövqeyi ilə nüfuz qazanmış Heydər Əliyev məhz belə bir zamanda Azərbaycanın xilaskarı oldu.

Beləliklə, bu mühüm tarixi gün xalqımızın yaddaşına Milli Qurtuluş Günü kimi həkk olundu və 1997-ci ildən etibarən parlamentin qərarı ilə rəsmi bayram kimi qeyd olunur. Bu əlamətdar və şərəfli gün münasibəti ilə bütün xalqımızı ürəkdən təbrik edirəm. Ulu öndər Heydər Əliyevin böyük zəhməti ilə qurub yaratdığı Azərbaycan dövlətinin hər zaman çiçəklənməsini və inkişafını arzu edirəm.


Yusif Babanlı

Azərbaycan Dövlət Bədən Tərbiyəsi və İdman Akademiyasının prorektoru, professor
Bakı Parlament Platforması təsis edildi – FotoHəssas məqamlarla zəngin geosiyasi zamanda belə bir tədbirin Bakıda keçirilməsi qürurvericidir.

Bu sözləri Milli Məclis sədrinin müavini Bahar Muradova Bakıda Milli Məclisin təşkilatçılığı və ATƏT PA ilə yaxın əməkdaşlıq çərçivəsində keçirilən Regional təhlükəsizlik və əməkdaşlıq üzrə Parlament Konfransı və Dialoq və Əməkdaşlıq üzrə Bakı Parlament Platformasının təsis konfransında bildirib.

Onun sözlərinə görə, Bakı Parlament Platformasının yaradılmasında məqsəd ATƏT məkanındakı çağırışlar, xalqları vıə dini konfensiyaların qarşı-qarşıya qoyulması nəticəsində yaranan münaqişələrdir:

“Hərbi münaqişələr artıb, silahlar bizdən çox danışır. Cinayət və cinayətkarlıq heç bir sərhəd tanımır. Cənubi Qafqaz və nüfuzlu Avropa ölkələrinin iştirakı ilə belə təşəbbüslərin ortaya çıxması təsadüfi deyil. Bu Platforma gələcəkdə öz sıralarına daha çox üzvlər cəlb etməklə regionda təhlükəsizliyə daha böyük töhfələr verə bilər. Zərərçəkən ölkələrin ərazi bütövlüyünə təhdidlərə qarşı parlamentlərin mövqeyinin ortaya qoyulması vacibdir. Cənubi Qafqaz böyük enerji resurslarına, çevik nəqliyyat infrastrukturuna malikdir”.

O deyib ki, Platformanın əsas hədəflərindən biri ölkələrdə hökumətlərin fəaliyyətini təşviq etmək, energetika və nəqliyyat sahəsində əlaqələri genişləndirməkdir:

“Qlobal təhdidlərə qarşı gücümüzü birləşdirə, yeni ideyaları reallaşdıra bilərik. Cənubi Qafqazda münaqişələrin obyektiv araşdırılması ilə bağlı layihələrə də imza ata bilərik. Biz parlamentlər və xalqlar arasında dostluğa töhfə vermək üçün gedəcəyimiz yolun başlanğıcındayıq”.

B.Muradova qeyd edib ki, Platformanın Katibiyi Bakıda yerləşəcək.
“Sürüşkənliklərinə görə ağızlarının üstündən vurub geri göndəriblər”Yaşar Kələntərli: “Bu adamları narahat edən əsas məsələ ondan ibarətdir ki, birdən iqtidarla hansısa dialoq olar və onlar kənarda qala bilərlər”

Pənah Hüseyn, Elşad Musayev və Arzuxan Əlizadənin BAXCP sədri, millət vəkili Qüdrət Həsənquliyevlə və parlamentdə təmsil olunan digər partiyaların sədrləri ilə görüşünə etiraz edən qaraguruhçu şəxslərin kimliyini jurnalistlər ciddi araşdırsa bunun cəmiyyətimizə çox böyük xeyri olar.

Bu sözləri BAXCP-nin mətbuat xidmətinin sorğusunu cavablandıran partiyanın Baş katibi Yaşar Kələntərli deyib.

Yaşar Kələntərlinin qeyd edib ki, həmin şəxslər ictimai nüfuzlarının nə olduğunu gözəl bilirlər: “Onların vaxtilə parlamentə iqtidarın dəstəyi ilə düşmək üçün hansı oyunbazlıqlardan çıxdıqlarını isə mən çox yaxşı bilirəm. 2010-cu ilin parlament seçkilərində Yasamaldan İsa Qəmbərin alternativi olan birisinin niyə namizəd olduğu seçki dairəsini dəyişdiyini, İsa Qəmbərə, Əli Kərimliyə həmin ərəfədə niyə saxta və gülüş doğuran formada hücum etdiyini siyasətlə az-çox maraqlanan hər kəs bilir. Yaxud ömründə bircə dəfə də olsun ağıllı təklifi ilə diqqət cəlb etməmiş, siyasi fəaliyyətindən daha çox inəkləri ilə tanınan başqa birisinin hansı qapılara düşdüyünü də hamı çox yaxşı bilir. Hamı onu da bilir ki, məhz siyasi sürüşkənliklərinə görə ağızlarının üstündən vurub geri göndəriliblər. Bu adamları narahat edən əsas məsələ ondan ibarətdir ki, birdən iqtidarla hansısa dialoq olar və onlar kənarda qala bilərlər”.
Partiya liderləri ictimai-siyasi vəziyyəti müzakirə etdilərAzərbaycan Liberal Demokrat Partiyasının (ALDP) sədri Fuad Əliyev Böyük Azərbaycan Partiyasının (BAP) sədri Elşad Musayevlə görüşüb.

Görüşün səbəbi BAP, AMİP və Xalq Partiyasının təşəbbüsü ilə siyasi islahatlar mövzusu ətrafında təşkil olunacaq dəyirmi masanın müzakirəsi idi. Görüşdə bu mövzuyla bağlı və ölkədəki ictimai-siyasi vəziyyət də ətraflı müzakirə olundu.
İrəvan məsuliyyətini dərk etmirErmənistanın bugünkü hakimiyyəti keçmiş hakimiyyət nümayəndələri kimi məsuliyyətlərinin nə dərəcədə böyük olduğunu dərk etmir.

Bu sözləri Axar.az-a Ermənistanın Baş naziri Nikol Paşinyanın və Müdafiə naziri Tonoyanın cəbhədəki son olaylar barədə fərqli açıqlamalar verməsinə münasibət bildirən Bakı Politoloqlar Klubunun sədri Zaur Məmmədov deyib. O bildirib ki, Ermənistanın Müdafiə naziri David Tonoyanın Azərbaycan hərbçisinin qətlə yetirilməsi ilə bağlı şəxsən göstəriş verməsi və bu əməliyyatı icra edən erməni hərbçilərə yüksək mükafat təqdim etməsi onu göstərir ki, dünya ictiamiyyəti Ermənistanı işğalçı dövlət kimi tanımalıdır:

“Mütləq şəkildə erməni müdafiə nazirinin açıqlamasına reaksiya verilməli, ermənilərin atəşkəsi pozması nəticəsində Azərbaycan tərəfinin şəhid verməsi ilə bağlı ATƏT-in Minsk Qrupunun həmsədrləri bəyanat qəbul etməlidir. Cəbhədəki proseslərlə bağlı Sank-Peterburqda Ermənistanın Baş naziri Nikol Paşinyanın bir fikir, Müdafiə naziri David Tonoyanın başqa bir fikir söyləməsi isə onu göstərir ki, ölkədə strukturlar arasında çəkişmələr getdikcə daha böyük vüsət alır. Bu provokasiyaların arxasında xarici düşmən obrazı yaratmaqla daxili problemlərdən cəmiyyətin fikirini yayındırmaq durur. İyunun birindən Ermənistan prezidenti və baş naziri eyni anda tətilə çıxdı. Onlar Ermənistanın daxilində olan məsuliyyətdən boyun qaçırmaq üçün bunu etdilər. Təbii ki, Azərbaycan Ermənistanın provokasiyalarına adekvat və soyuqqanlı şəkildə cavab verəcək. Bu hadisələr göstərir ki, Cənubi Qafqazda istər Ermənistan, istərsə də 3-cü dövlət tərəfindən geosiyası vəziyyətin dəyişməsində və alovlanmasında maraqlı olan qüvvələr kifayət qədərdir”.

Qeyd edək ki, Ermənistanın Baş naziri Nikol Paşinyan Sankt-Peterburqda forum zamanı cəbhə xəttindəki təxribatlara ölkə rəhbərliyinin hər hansı aidiyyətinin olmadığı bildirib. Lakin Ermənistanın Müdafiə naziri David Tonoyan isə Azərbaycan hərbçisinin qətlə yetirilməsi ilə bağlı şəxsən göstəriş verdiyini və bu əməliyyatı icra edən erməni hərbçilərə yüksək mükafat təqdim etdiyini söyləyib.
"Putinlə Paşinyan arasındakı görüşdə Qarabağ münaqişəsi müzakirə olunmayıb""Dağlıq Qarabağ münaqişəsinin həlli məsələsi Rusiya Prezidenti Vladimir Putin və Ermənistanın baş naziri Nikol Paşinyan arasında keçirilən görüşdə müzakirə olunmayıb".

Bu barədə "Report"un Rusiya bürosuna Rusiya Prezidentinin mətbuat katibi Dmitri Peskov məlumat verib.
"Qarabağ münaqişəsi müzakirə olunmayıb. Dünən ikitərəfli münasibətlərə, ticari-iqtisadi əməkdaşlığın müxtəlif aspektlərinə dair ətraflı danışıqlar aparılıb", - D.Peskov deyib.

Xatırladaq ki, dünən Rusiya dövlət başçısı Vladimir Putin və Ermənistanın baş naziri Nikol Paşinyan Sankt-Peterburq Beynəlxalq İqtisadi Forumu çərçivəsində görüş keçiriblər.