ABŞ-dan Azərbaycandakı seçki ilə bağlı - Açıqlama

ABŞ ictimaiyyət nümayəndələrinin müşahidə komissiyası növbədənkənar parlament seçkiləri ilə bağlı müşahidələrini açıqlayıb.

Axar.az xəbər verir ki, komissiya üzvü, Kaliforniyadan olan Miç Sovermen ilk dəfə Bakıda olduğunu açıqlayıb:

“Burda olmaqdan çox məmnunuq. İnkişafda olan gənc ölkənizi ziyarətdən şadıq. Bir sıra seçki məntəqəsində olduq və prosesi müşahidə etdik. Gənclərin seçkilərdə iştirakı olduqca ümidvericidir".

Hüquqşünas Martin Kruminq isə 5-ci dəfə Bakıda olduğunu bildirib:

“Deyə bilərəm ki, sizin seçkiləri müşahidə etməkdən çox şadam. Azərbaycan demokratiya üçün mübarizə aparır. İbtidai sinif müəllimlərindən biri bizi ayrı bir otağa apararaq çay, su, qəhvə təklif etdi. Bu, xatırlayacağım bir an oldu. Bu qonaqpərvərliyi ABŞ-da görə bilmərsiz. Bəzi ameriklılar Azərbaycanı tanımadıqlarını deyir. Səfər etdiyimiz məkannların fotolarını və məlumatları çatdıraraq onlara Bakıya səfərr etmək üçün yaxşı səbəb veririk".

Rafael Noktalov seçkidə iştirakdan dolayı şad olduğunu açıqlayıb:

“Üçüncü dəfədir ki, Bakıdayam. Hər gəldiyimdə Azərbaycanın necə dəyişdiyinin şahidi oluram. Vətəndaşların seçkidə iştirakdan necə şad olduğunu görürəm. Qubada seçki məntəqəsində oldum. Hava soyuq olsa da insanlar seçkidə çox fəal idi. Vətəndaş hüquqları inkişafının da şahidi oldum”