14 dek 17:26siyaset

Pənah Hüseyn seçkilərə qatılmayacaq

Pənah Hüseyn seçkilərə qatılmayacaq
Azərbaycan Xalq Partiyasının (AXP) sədri, keçmiş Baş Nazir Pənah Hüseyn 2020-ci il fevralın 9-da keçiriləcək növbədənkənar parlament seçkilərində iştirak etməyəcək.

Avrasiya.net xəbər verir ki, bunu Modern.az-a açıqlamasında P.Hüseyn özü bildirib.

“Sabah partiyanın Mərkəzi Şurasının iclası olacaq və orada növbədənkənar seçkilərlə bağlı qərar qəbul olunacaq. Mən belə hesab edirəm ki, üzvlərimizin hər biri iştirak edə bilər. Təbii ki, partiya mənsubiyyətini göstərməklə. Mənim özümün şəxsən seçkilərə qatılmaq barədə heç bir fikrim yoxdur. Qərarım qətidir, bu gündən etibarən bildirirəm ki, mən seçkilərə qatılmayacam”, - deyə AXP sədri bildirib.

Qeyd edək ki, P.Hüseyn 2005-ci il parlament seçkilərində “Azadlıq” seçki blokunun vahid namizədi kimi Sabirabad rayonundan Milli Məclisə deputat seçilib. Sonrakı seçkilərdə isə parlamentə düşə bilməyib.
XƏBƏR LENTİ
SORĞU