09 avq 19:33siyaset

Kreml Bakıya və İrəvana mesaj göndərdi - Politoloq

Kreml Bakıya və İrəvana mesaj göndərdi - PolitoloqRusiya Xarici İşlər Nazirliyinin sözçüsü Mariya Zaxarova son açıqlamasında həm Azərbaycana, həm də Ermənistana Moskvanın mesajlarını göndərib.

Avrasiya.net xəbər verir ki, bu sözləri politoloq Elxan Şahinoğlu deyib:

“Birincisi, rusiyalı diplomat Azərbaycan və Ermənistan təmas xəttində müşahidə olunan nisbi sakitlikdən məmnun olduqlarını deyib. Əslində bir neçə günü çıxmaq şərti ilə təmas xəttində elə bir sakitlik yoxdur, sadəcə Kreml boynumuza qoymaq istəyir ki, “atəşkəs var” və “onu pozmayın!”

İkincisi, Mariya Zaxarovanın sonrakı cümləsi maraqlıdır: “Tərəflərin fərqli bəhanələrlə qarşılıqlı ittihamlar irəli sürməyə davam etməsi narahatlıq doğurur”. Hansı “fərqli bəhanlərdən” söhbət gedir? Ermənistanın baş naziri Nikol Paşinyan Xankəndidə deyib ki, “Qarabağ Ermənistandır”. Rəsmi Bakı buna qəti şəkildə etiraz edib. Mariya Zaxarova rəsmi Bakının Paşiyanın təxribatına cavabınımı “qarşılıqlı ittiham” sayır? Hər halda bugünlərdə rəsmi Bakının İrəvana əsas ittihamı “Qarabağ Ermənistandır” ifadəsi ilə bağlı olub. Ancaq Paşinyanın konkret açıqlamasına Moskvadan münasibət yoxdur.

Üçüncüsü, Mariya Zaxarova yenə tərəflərə mesaj göndərərək, belə deyib: “... Belə ritorika danışıqlar prosesi üçün münbit şəraitin yaradılmasına və münaqişənin həlli üçün kompromislərin axtarışına mane olur”. Yəni rusiyalı diplomat demək istəyir ki, “bir-birinizi ittiham etdiyiniz qədər münaqişənin həllindən uzaqlaşırsınız”. Guya ki, qarşılılıq ittihamlar olmasa, münaqişənin həllinə yaxınlaşacağıq”.
loading...
XƏBƏR LENTİ
SORĞU